اتنين مخطوبين مش طايقين بعض خالص

خطيب و خطيبته بيحبو بعض اوى اوى اوى

وفى احدى زياراته ليها

دار الحوار ده بينهم

الشاب : بحبك ( يا بااااااي )

خطيبته : وانا كمان ( داهيه تاخدك )

الشاب : من اخر مره وانا بافكر فيكي ( يارب تغوري من وشي )

خطيبته : يا حبيبي وانا كمان ما بطلتش تفكير فيك ( الهي اصبح الصبح الاقيك

متنيل بعيد عني )

الشاب : امال فين حماتي مش شايفها يعني ( الحربايه الكبيره )

خطيبته : موجوده اندهها لك ( علشان تسم بدنك )

الشاب : اه طبعا يا حبيبتي وانا اقدر استغني( يارب تتكعبل في السجاده وهي

جايه )

خطيبته : ماما تعالي كلمي ( علي الله تقولك حاجه ترفع لك الضغط )

الشاب : اهلا يا حماتي ازيك ( الهي ما تكوني بخير )

حماته : اهلا يا خطيب بنتي ( بلا نيله )

الشاب : عندي ليكو خبر حلو انا لقيت شقه

( الهي ما توعوا انتي وبنتك تشوفوها )

حماته : الف مبروك يا حبيبي ( ياما جاب الغراب لامه )

الشاب : حنروح نشوفها بكره ايه رايك يا حبيبتي

( علي الله تتكعوري عالسلم وانتي طالعه )

خطيبته : وماله طبعا لازم نشوفها ( اكيد قد الحق وفي منطقه معفنه )

الشاب : علي فكره يا حماتي ( جتك حمه )

حماته : ايه يا خطيب بنتي ( خطيب الشوم والندامه )

الشاب : انا كنت عاوز اقابل عمي علشان كتب الكتاب

(عمي قال عمي داتك عمم دبب)

حماته : وماله يابني بس مش لسه بدري ( جتك نيله مستعجل علي ايه )

الشاب : ما هو خلاص يا حماتي احنا قربنا

( يا ريت ترفض علشان افركش ام الجوازه دي )

حماته : طيب يابني لما يجي عمك حاقوله

(جتك نيله علشان نستريح من زيارتك الغلسه )

الشاب : طيب يا حماتي انا حامشي دلوقتي (اففففف انا اتخنقت من الوليه دي)

حماته : ماهو لسه بدري ( في ستين داهيه )

الشاب : باي يا حبيبتي ( حبك برص )

خطيبته : مع السلامه يا حبيبي ( البلد اللي تودي )

الشاب : كلميني في التليفون ( يا رب يقطعوا الحراره )

خطيبته : اكيد يا حبيبي ( غور بقي )

يا ساتر ليه كدا ههههههههههه

توبيك جميل تسلمى انجيل

ياااااااااااااااااااااااااااااااااااه

ده كله حب

لو الحب كله كده

ربنا يبعدنا عنه

هههههههههههههه

تسلمي علي التوبيك يا قمر

نورتوا ياجماعه

ربنا يسترها علينا ههههه

موضوع جامد

بس اية الحب الجامد دة

دول تقريبا شوية كمان

ويعوروا بعض

شبة الحب بتاع

اللمبى واوشا اخت مليجى

هههههههههههههه

هههههههههه انت متابع اللمبى ومليجى ولا ايه

هوا الحب اليومين دول كده

وبكره تشوف لما تخطب يا محمد

هتعمل زى كده واكتر

هتعورها زى مابتقول هههههه

لا طبعا ده عمره ميحصل معايا

لان دول اصلا اتخطبوا وهما تقريبا مشفوش بعض ولا فهموا بعض

لا عندك حق يامحمد

لو بيحبوا بعض ويعرفوا بعض

هيحترموا بعض جدا

هههههههه بجد ربنا يستر

خلى بالك انت بس