اهلك سبب ضياعك....ماذا تفعل؟؟؟؟؟

ما هو شعورك عندما يكون
أهلك سبب ضياعك ..
بالنسبة لـ
الزواج , الدراسة , العمل , ...
بشكل مختصر في اي ناحية من النواحي ..
ما هو شعور كل منا عندما يكون الاهل سببا في ضياعنا او ضياع مستقبلنا
او دمار حياتنا و أحلامنا او سببا في آلامنا وحزنـنـا ..
ما هو شعوركم عندما تقف آرائهم وقناعتهم أمام أحلامنا وطموحاتنا ..
والأمر من ذلك عندما تكون هذه القناعات بلا أسس واضحة ..!

الاهــــل

ان تكلمنا عنهم وعن عطائهم لن نوفيهم حقهم ابدا
ولكــــن !!
عطائهم احيان ينقلب الى تسلط
هناك الكثير من الاهالي يحملون في عقلهم فكرة واحد يسيرون عليها
ويجعلونها بين اعينهم وهي انهم يعلمون ما هو الافضل لابنائهم ..
لانهم اكبر سنا وذوي خبره وان ابنائهم مهما كبروا لا يعلمون اين هي
مصلحتهم
اكيد ومؤكد من الافضل ومن واجبهم ان يقدموا لنا النصائح ومساندتنا للوصل
للدرب المشرق
لإعطائنا تذكرة لدخول العالم بقوة وثقة ..
لكن القناعات قد تصل إلى ما هو أقسى ..
الكلمات لن تفي الموضوع حقه لذا أكتفي بما تقدم ..

موضوع جميل جدا يا كوين


بس انا من رايى ان الاهل مهما قلنا كلام مش هيوفيهم حقهم وانا شايف ان مفيش حد بيرضى لابنه

حاجة وحشة لانه مهما كان بيغصب على الابن حاجة فهو اكيد شايف ان فيها مصلحته

ومش بالضرورة تكون دى رغبة الابن والحاجة صحيح اللى مينفعش فيها ان الاهل يتحكموا فيها

الاهل هى حالة الحب او الزواج

وشكرا مرة تانية يا كوين على الموضوع وتقبلى مرورى

طبعا مرورك مقبول يااحمد

وعندك حق فعلا ان مهما قولنا مش هانوفيهم حقهم

بس ممكن يكون حاجه هما شايفنها من وجهه نظرهم لمصلحتنا وهما مش عارفين احنا عايزين ايه؟

واحنا مثلا نكون عايزين حاجه وشايفين انها لمصلحتنا واحنا عارفين قدارتنا

انا مش هاعرف اوصلك المعلومه اللى ف بالى كويس

بس اكيد هاتفهمنى

يعنى انا مثلا داخله كليتى دى على رغبه اهلى

وانا ماكونتش حباها

فانا مش عارفه اسلك فيها ويادوب بعدى عالحركرك (لو مش فاهم معناها مش هاعرف اشرحها)

واهو ربنا يسهل واعدى السنه دى نضيف

فهمتك يا كوين وربنا معاكى وتعدى ان شاء الله والمعلومة وصلتنى خلاص


بس اوعى تكونى فى تجارة

اولا بحيكى كوين ع التوبيك الرائع ده وطرحك لموضوع متميز زى ده

وفعلا الاهل مهما اتكلمنا عنهم وعن عطاءهم عمرنا ماهنقدر نوفيهم حقهم

لان الاهل دول هما منبع العطاء والحنان وأكتر حد يحرص ع مصلحه الابناء

والله و لو أنا اتكلمت عن الموضوع دا مش هيكفيني 20 صفحه

بس موضوع راااااااااااااائع بجد كوين والكلام فيه كتيروعاوزه اقولك علي حاجه


ساعات كتير في سننا الصغير بنفتكر ان تسلط الاهالي

واصرارهم علي رايهم دا محي لشخصيتنا وانكار لحقنا في الاختيار


بس لما بنكبر شويه بنعرف ان رايهم كان صح وكان هوا اللي لازم يتعمل

مش تسلط بس خبره اكتر في الحياه ومعرفة اكبر بقيمة الاشياء

وعارفين ايه الصح والغلط

نيجي علي الشق القليل اوي واللي يكاد يكون انقرض نظرا للانفتاح الكبير للشباب علي العالم


عن طريق الجامعات والنت التكنولوجيا بوجه عام اللي بيتحكمو في ابناءهم حتي وهما كبار


ودا عاوزه اقولك ان العيب في الابن لانه مبيحاولش يوصل وجهة نظره

او يااخد موقف من اللي بيحصل ومبيوصلش ايه اللي نفسه فيه

بيمشي وراهم وخلاص علشان كدا هيا سلطتهم بتزيد

اما ان يكونو الاهل سبب الضياع لابناءهم فدي بسيطه جدا جدا تكاد تكون مستحيله

موضوع رائع يا قمر تسلم ايدك