من حسنى مبارك الى الشعب المصرى رسالة كاملة

من حسنى مبارك الى الشغب المصرى

شعر احمد فواد نجم

يا شعبى حبيبى يا روحى يا بيبى ياحطك فى جيبى يا بن الحلال

يا شعبى يا شاطر يا جابر خواطر يا ساكن مقابر يا صابر وعال

يا واكل سمومك يا باين هدومك يا حامل همومك وشايل جبال

يا شعبى الى نايم وسارح وهايم وفى الفقر عايم وحالو دة حال

احبك محشش مفرفش مطنش ودايخ مدروخ واخر انسطال

احبك مكبر دماغك مخدر ممشى امورك كدة بالتكال

واحب الى ينصب واحب الى يكدب واحب الى ينهب ويسرق تلال

واحب الى شايف وعارف وخايف وبالع لسانة وكاتم ما قال

واحب الى قافل عيونة المغفل واحب البهايم واحب البغال

واحب الى راضى واحب الى فاضى واحب الى عايز يربى العيال

واحب الى ياس واحب الى بائس واحب الى محبط وشايف محال

واحبك تسافر وتبعد تهاجر وتبعت فلوسك دولار او ريال

واحبك تطبل تهلل تهبل عشان مطش كورة وفيلم ومقال

واحبك تايد تعضعض تمجد توافق تنافق وتلحس نعال

تحضر نشادر تجمع كوادر تلمع تقمع تظبط مجال

لكن لو تفكر تخطط تقرر تشغل مخك وتفتح مجال

وتبدا تشاكل وتعمل مشاكل وتنكش مسائل وتسال سوال

وعايز تنور وعايز تتطور وتعملى روحك مفرد رجال

ساعتها هجيبك لا يمكن اسيبك وراح تبقى عبرة وتصبح مثال

هبهدل جنابك واذل الى جابك وهيكون عذابك دا فوق المحال

وامرمط سعادتك واهزا سيادتك واخلى كرامتك فى حالة هزال

وتلبس قضية وتصبح رزية وباقى حياتك تعيش فى انعزال

هتقبل هحبك هترفض هلبك هتطله هتنزل هجبلك جمااااااااااااال

بنحبك يا مصر

استدعى الاب ابنة لغرفتة وما ان راة امامة الى ووجة لة هذا السوال

الاب _يا بنى هتعرف تحافظ على الثورة الى هتورثها بعدى

الابن _طبعا يا ابا دا انا تربيتك

الاب _ يعنى هتعرف تربى الكتاكيت زى ما انا ربيتهم

الابن _ اكيد يا ابا

الاب _ طيب هات الكرتونة الى فيها الكتاكيت

سارع الابن باحضار الكرتونة ووقف امام ابية

الاب _ اقلب الكرتونة على الارض وورينى ازاى هتقدر تلم الكتاكيت

وبسرعة قلب الكرتونة وما ان رفعها حتى انطلقت الكتاكيت فى ارجاء الغرفة واندفع الابن خلفها يريد جمعها لكن هيهات ووقف امام ابية وقد ارتسمت على وجهة البلاء والغباء ولم يوقظة الى صفعة قوية من ابية

الاب _ شوف يا غبى الى هوريهولك دا 27 سنة فى تربية الكتاكيت

ثم اخد الاب الكرتونة بعد ان جمع فيها الكتاكيت مرة اخرة واخد يهزهل يمين وشمال وسط صراخ متواصل من الكتاكيت ما لبس ان تلاشى وانقطع نتيجة ما اصابهما من اعياء

الاب - الان فقط نقلب الكرتونة وما رفعها الا وشاهد الابن الكتاكيت لا تتحرك ساكنة اصابها الاعياء وقال اذن يمكن الان جمعهم بسهولة ويسر

الاب _ الوقت يا ابنى تعلمت اهم شى فى تربية الكتاكيت

ريحهم يتعبوك اتعبهم يريحوك

ياترى عرفت مين هو الاب ومين الابن ومين الكتاكيت

مش لازم تعرفو

بيتك بيتك بينك

احمد فؤاد نجم احد الشعر الساخرين

وهو من الشعراء اللى بيتكلموا العاميه فى شعرهم

ةسريعا ما يصل الى القلوب

خاطره جميله من خواطره الا انها مستفزه فى كلامها

ميرسى للتوبيك يا نوفا ودام تالقك

شكرا تيتو لمرورك نورت التوبيك

متالقة

بجد كلمات رائعة من الكبير

الى الكبير

تلميذة فى مدرستك يا كبير شكرا عبقرينو لمرورك بجد نورت التوبيك وزادو شرف