برجاء الدخول وقول انت هتعمل ايه

[ندعوك للتسجيل في المنتدى أو التعريف بنفسك لمعاينة هذه الصورة]

فى البدايه يا جماعه هسئل كل واحد فيكم سؤال ...!!!

وكل واحد منا يجاوب عليها جوا نفسه وهو بيقرا الموضوع دا

ورجاء منى ان كل واحد مننا يكمل الموضوع دا لاخره

ميزهقش منه لو طويل انا لسه مفيش حاجه فى دماغى اقولها ليكم بس اللى هيجى على لسانى هكتبه

ويارب اللى انا اقصده يوصل ليكم ونقدر نغير ولو جزء بسيط من افعالنا .

ندخل على السؤال >>

طبعا كلكوا عارفين كابتن تيتو اللى معاكم على المنتدى

بس هل انتم متاكدين انى انسان فاضل مية فى الميه ؟؟؟؟؟؟؟؟؟؟؟

بس اللى انا ااكدوا ليكم انى بجد خايف عليكوا كلكوا ..!!

ممكن انت او انتى مش واخدين بالكوا او مش عارفين تتصرفوا ازاى

بس المشكله مش كبيره ولا حاجه بادينا نغيرها بادينا نعمل حاجه تخلينا فخورين

انا بين يوم وليله كدا اتعرضت لكام موقف بجد خلونى زعلان من نفسى جدا وخايف جدا جدا

انا كنت سهران مع واحد صاحبى وجه يورينى فيديو بيقولى دا جميل جدا

لسه بيفتح الفيديو ولاقيت ملك الموت جاى ياخذ روح احد الشباب .... انا اترعبت وقولتله استنى

بلاش كدا مش بحب اتفرج على الفديوهات دى ولاقيت نفسى مرعوب جدا

هو قالى استنى دا مش فيلم رعب دا مقارنه بين سوء الخاتمه وحسن الخاتمه

وشغل الفيديو دخل على الشاب ولكن ماذا كان يفعل الشاب ؟؟؟؟؟؟؟؟؟؟؟!!!!!!!

للاسف الشديد كان بيعمل حاجه اغلبنا بيعملها ............

مشغل اغانى وجمبة الكمبيوتر ومشغل على قناة اغانى !!!

طبعا الفيديو دا توضحيى فقط مش حقيقى يعنى بس دا مثل للى بيحصل يا جماعه

دخل ملك الموت ساعة صلاة الفجر والشاب دا زى كتير منا سايب الصلاه ومشغول فى اللى هو بيعمله

وفوجئ الشاب بدخول ملك الموت .. خااااف انه يقابل ربنا عز وجل .... خاف من اعماله ....

سبحاااااااااااااااااااااان الله كان فين الخوف دا مانت لسه كنت عامل ومشغل اغانى

وناسى ان انت هتتحاسب عن اللى بتعمله ولا هو الخوف مجاش غير دلوقتى

انا كنت بتفرج على الفيديو وحاسس انى مكان الشاب دا وجداب شاب تانى

فى المسجد ساعة صلاة الفجر وحسن خاتمته ودا الفيديو بيقارن بين الاتنين

عموما من ساعتها وانا حاسس انى مش مرتاح حاسس انى تعبااااااااااااان

مين فينا مش ملتزم فى الصلاه اغلبنا مش ملتزم

احنا كشباب مين فينا مش بيعاكس !!! مين فينا مشربش سجاير وغيرها وغيرها !!!

وانتى يا اختى مين فيكم يا بنات مش لبس بنطلونات ومكياجات وغيره وغيره !!!

انا عاوز اتكلم معاكم والله خايف عليكم انا بجد نفسى اعمل حاجه بس كل اللى فى ايدى

اقولكم عن احساسى اللى انا حسيته كلنا هنموت يا جماعه مفيش مفر

بس امتى ؟!!!!!! محدش فينا يعرف انت او انتى جاهز انك تقابل ربنا

وناوى تدخل الجنه بعملك دا ولا هتبدء تتغير علشان تلحق نفسك

انا بدئت اهو من دلوقتى رميت السجاير اللى معايا ودوست عليها وربنا هيقدرنى ان شاء الله

لانى بعمل حاتجه اقرب منه فهيساعدنى بس خلى عملك محله النيه خلى نيتك التوبه بجد

مش بقولك البس جلابيه واطلق اللحبه واعمل كل دا من البدايه بس ابدء

دور عن معلومات عن دينك شوف انت ناقصك ايه وكمله اعرف اسلوب رسولنا وقدوتنا

صلى الله عليه وسلم وحاول تعمل زيه حاول ..... حاول مش هتندم جرب تعمل كل حاجه حلوه

علشان خاطر نفسك ... علشان خاطر انك تفوز بالجنه بدل ما تدخل جنهم وبئس المصير

فيه ناس هتقول تيتو دا اتجنن ايه اللى كاتبه دا وازاى فى يوم وليله هقولكم

انا هعمل كل اللى اقدر عليه اصلى اشوف دينى بيقولى ايه واعمله هحاول وربنا هيساعدنى

دا الواحد لما بيتلسع من ولاعه ولا كبريته بتوجعه بالكم يا جماعه من نااااااار جهنم وبئس المصير

بنعمل دلوقتى علشان مين وعلشان ايه دا الدنيا هتفوووووووت لانها دار الفناء

ومش هيبقى لينا غير الجنه ونعيمها علشان كدا نعمل كل حاجه نقدر عليها

هنحرم نفسنا من ايه فى الدنيا من اغنيه جميله لزمتها ايه اقرأ القرأن هتحس ان ربنا بيكلمك فيه

وصلى اعمل حاجه حلوه فى حياتك محدش فينا عارف اخرته امتى ولا فين ؟؟؟؟؟؟؟؟؟

بيحصلنا كتير يا جماعه والله ومحدش بياخد باله ؟؟؟؟؟؟؟؟

انذااااااااار من ربنا ادامنا على طول بس محدش فينا بياخد باله !!!!!

مين فينتا مشافش راجل عاجز عن الحركه ..شوف نفسك قادر تعمل كل حاجه

طيب الحق نفسك قبل ما يجى اليوم ومتقدرش تعمل اى حاجه ....

مين فينا مشفش راجل فاقد النطق طيب انت والحمد لله بتقدر تتكلم طيب انطق قول الشهاده احمد ربنا

صدقونى يا جماعه ممكن بمجهود قليل نعمل خير جميل والكل يستفاد منه ونكثب ثواب مستمر

من هنا على المنتدى ايوا من هنا ..طيب ازاى ؟؟؟؟؟؟؟؟؟؟؟؟؟

غير صورتك بدل ما هيا صوره مش كويسه ولا فيها حاجه انت عارف انها حرام ..

خليها صوره اسلاميه صورة دعاء مثلا كل اللى هيشوفه ويقرأه هيجيبلك ثواب ...

غير توقيعك اتكلم عن معلومات اسلامية فيد بيها غيرك

لما تعرف معلومه جديده قولها لغيرك

وانت جالس على النت هتسمع الاذان سيبه لو مهم اوى كدا كلها خمس او عشرة دقايق

وهترجع تانى مش كتير صدقنى الصلاه عامل ضميرك بلاش تنظر لواحده ليها مفاتن امنع نفسك عن المعصيه

هتتعب شويه اكيد طبعا بس الجنه تستاهل انك تعمل كل حاجه علشانها

حاولوا يا جماعه صدقونى وانا ربنا يقدرنى وكل ما اعرف معلومه جديده هنقلهالكم على طول

ونساعد بعض وهنقدر صدقونى

انا مش فقيه فى الدين اوى بس انا زيكم وبحاول اعبر عن اللى حسيته

علشان عارف ان فيه ناس منكم كتير جدا هتستجيب لانها نفسها تبقى افضل وهنساعد بعض

بدل ما تشغل اغنيه شغل ايه قرانيه حاول واكيد ربنا هيتقبل منك لما يلاقيك ماشى فى طريقه

فى النهايه يارب مكونش طولت عليكم واكون قدرة اوصلكم احساس انا حسته

وانا مش عملت التوبيك دا فى القسم الاسلامى لانه مناده علشان نتكلم مع بعض ونحاول نعمل حاجه كويسه

مع خالص تحياتى

Capta!n T2

بجد ياتيتو مش عارفه ارد على كلامك ده

بس اللى اقدر اقولهولك ان لما حد بيتعظ

بعدها بيومين بيرجع زى ماكان

يعنى هما هيدخلوا وهيقرأو وهيخافوا وبعدها

هيصلوا وهيلتزموا وكام يوم كده وتلاقى كل شئ رجع زى الاول

بس انا الحمد لله ملتزمه ف الصلاه بس للاسف انا

فى حكايه الاغانى دى مش ببطل اسمعها طول اليوم

حتى وانا رايحه أنام فى كل وقت تلاقينى بسمعها

بس انشاء الله هحاول اقللها خالص يعنى مفيش انسان كامل

وبتمنى ان اللى يقرأ كلامك يتعظ

ويخاف من ربنا ويفتكر ان فيه ورانا واجبات

نحو ديننا وبجد مشكور على الموضوع ده

وربنا يقدرك على الخير ياتيتو وانشاء الله ربنا

هيساعدك على نسيان السجاير

وطول ما الانسان قريب من ربه

مفيش اى هموم او اى شر هيقربله

مشكوووور جدا

ميرسى انجيل بس صدقينى الموضوع مش صعب ولا حاجه

انا كنت اعد ولما سمعت كل حاجه حسيت فجاه كدا

ان اللى بعمله دا كله مالوش لازم بضر نفسى ومفيش منه فايده رميتها

انا ممكن اتعب شويه دلوقتى بس هنساها وابعد ابص لنفسى

واحاول اعمل كل حاجه ارضى بيها ربنا اخلى تواجدى على النت بحاجه مفيده موضوع مفيد

كلمات مفيده انا وغيرى نستفاد منها ليه لاء بدل نعمل حاجه تانيه غلط

على العموم ربنا يقدرك انجيل وتبطلى تسمعى اغانى

حاولى كدا كل اما تحبى تسمعى اغنيه شغلى ايه قرأنيه وشوفى احساسك

بس صدقينى اهم حاجه فى الموضوع دا الاقتناع والاخلاص

/،،،،،،،،،،،،،،،،،،،،،،/

وانا هقولك على قصه جميله اوى لسه عارفها امبارح للاسف

انا هقولها بالعاميه لانى مش حافظها بالنص يعنى

كان فيه واحد عاوز يعرف مين هو الدين الصح ومين هما اللى ماشين صح

فجاب واحد يهودى وواحد مسيحى وواحد مسلم

وقال لهم كل واحد فيكم يقنعنى بدينه ...

فنظر لليهودى وقاله تفضل بالحديث؟؟ فقال له لا اتحدث اولا .

فنظر للمسيحى وقال له تحدث؟؟ فقال له لا اتحدث اولا .

فنظر الى المسلم وقال لحد تحدث اقنعنى بدينك ؟؟

فقال له لا اتحدث كثيرا ولكن لو اليهودى دخل الجنه فنحن معه لاننا نؤمن بجميع الاديان

ولو المسيحى دخل الجنه فنحن ايضا معه لاننا نؤمن بجميع الاديان .

اما نحن لو دخلنا الجنه لاننا نؤمن بمحمد فلا احمد سيدخل معنا ..

فتخيلوا بئا اد ايه الرد كان رائع ومش دينى بردوا رد بدائى جدا بس مقنع جدا جدا

بس المسلمين مين احنا اللى بنعمل ونعمل ولا اللى بيدوروا على رضى ربنا سبحانه وتعالى

اكيد طبعا اللى بيدور على رضا ربنا يارب تقبل منا جميعا صالح الاعمال

وصدقينى يا انجيل ادينا هنحاول وجايز نقدر نتغير فعلا

بجد ربنا يقويك ياتيتو

وانشاء الله هتقدر طول ما ايمانك بربنا قوى

وربنا يوفقك ويوفق الجميع

ويقدرنى اقلل الاغانى دى

وتسلم على موضوعك

يارب يا انجيل

نورتى التوبيك ويارب تقدرى تقليلها