الفرق بين طريقة اكل البنت و الولد

الفرق بين طريقة اكل البنت و الولد

البنت::

*تغسل ايديها بميه و صابون..وتنشفها كويس اوى و ده قبل الأكل طبعاً.

*تمشي براحه كده وبهدوء لمكان الاكل او تساعد مامتها فى رص الاكل.

*و تقعد عالتربيزه تبص للى قاعدين و ما تكلش الا لما يبتدوا هما .

*تمسك الملعقة براحه و ممكن تحط فوطه على رجلها نضافه بقى

*تقول بصوت ناعم""بسم الله ""

*تبدأ بأكل السلطه او الشربه عشان تفتح شهيتها.

*و بعدين تعد 15 حباية رز و تاخدهم على المعلقه.

*تمضغ الاكل براحه و متسمعلوش أي صوت.

*و بعد ما تخلص تقريبا فى 4 دقابق تحط المعلقة ..وتقول""الحمد لله"

*تقوم بنفس الهدوء الى قعدت بيه و تروح عالحمام عشان تغسل ايديها

وبعدين ترجع عشان تبقى تساعد مامتها فى الشيل

الولاد هههههه

* اول ما يقول يافتاح ياعليم و لا قبل ما يقولها حتى

ويزعق ويقول فين الاكل يا.....

انا جعاااااااان اخلصوا يالا

يروح مشمر ذراعته ومبيكنش شايف حاجه

بعينه اساسا مهوا لسه صاحى

بس اهو احساسه بيخده على تربيزة الاكل عدل

او غالبا بيقى بايت تحت التربيزه

عشان يلحق الليله من اولها.

يقعد عالتربيزه تقولشى نيزك وقع من السما

و لا قنبله هيروشيما الى وقعت عاليابان

و يبتدى التعامل وطبعا مفيش بسم الله

الشيطان لو هيلحق ياكل معايا يدوس و انا هقوله لا يعنى

يخش عالرز اول حاجه طبعا سلطة ميييييين

ياعم ديه الى بنشوفها فى الافلام بس و بايده كلها

طبعا معالق مين يعم موصلناش الاختراع ده

و يسيب ما بين كل صباع و التانى قول بتاع 2 سم

عشان الكبشه تبقى محترمه

و لو هيغمس هتبقى ليله مطينه على الى قعدين معاه

هيعمل اللقمه ودن قطه

وتلاقيها فاتت تمسى على كل طبق موجود

عالتربيزه من فوق و تحت شمال و يمين

تقولشى الخطيب بيمرقص و فجاه تلاقى فتحت بقه بقت

من تحت الودان بالظبط

وتدخل اللقمه عشان ترقد جوه بسلام

و شويه بقى يبدا يظهر موهبته فى العزف المنفرد تقولش مزيكا حصب الله

شوربه( وففففففف) و النواشف (خشت خشت خشت )

(زو زو زو زو زو ) و ساعتها

طبعا بيكون الشيطان نفسه اتسدت و يقوم من عالاكل

و يمكن هو الى يقول الحمد لله كمان

اجمد حاجه انه بيتعامل من غير ما يبصش للى قاعد معاه

عالتربيزه د هو اصلا

ممكن ميكونش و اخد باله من الى قاعد مش فاضى بقى

الله يعينه هيقطع نفسه الراجل

وبعد حوالى تلت ساعه يصدر القرار بوقف اطلاق النار و تلاقيه قايم

ولا كانه واحد كان قافش حرامى جزم فى جامع و نازل فيه ضرب

وأشطاا يعنى يخلص و يمسح ايده ف اى حاجه

يلاقيها هدومه ولا مفرش التربيزه

مش فارقه يعنى هو لسه هيطخ مشوار لغايه الحمام ده ايه الافترا ده

يقوم يخبط على بطنه ويقووول تمام كده

بعدين يبتدى بقه يتعرف على مين الى كان قاعد عالترببزه

عشان يمكن يتسال

فيها و لاحاجه

ههههههههههههه

ههههههههههههههههه

يخرب عقلك يا نونه

هو ده الوصف الصحيح للولاد

وقدامنا بيعملوا نفسهم اتيكيت ومش عارف ايه

اتاريم من بره هالله ها الله ومن جوه يعلم الله

ههههههههههههه

تسلمى ياقمر على مواضيعك الجامده

ههههههههه يابنتى الرقه اتخلقت علشانا

هما منظره وبس

وميرسى نورتى يارقيقه ههههههه