اكتب تجربة مريت بيها؟

ازيكم ياشباب

انا شوفت الموضوع دا فى منتدى وعجبنى اوى قولت انقله هى فكرة جميلة اوى\\

كلنا وبلا شك مرينا بالعديد والعديد من التجارب من تجارب الحياة ...طيب بما ان

عندنا تجارب يبقي اكيد استفدنا منها صح؟؟؟

واتعلمنا منها دروس وعبر.. الفكرة ان انا أتمني من كل عضو مر بتجربه مفيده

يدخل ويحكيهالنا عشان الكل يستفيد وهتبقي حاجه كويبس

عشان لما نكون في مواقف مشابهه نعرف هنتصرف ازاي

ولو عملنا كده كل واحد حكي تجربه من واقع حياته اكيد هنستفيد استفاده

كبيرة جدا فأرجوا ألا تحرمونا من هذه الاستفاده حتي نستطيع التعامل مع مثل

هذه التجارب

لو مرينا احنا بيها..... واكيد هيظهرلنا الصح من الخطأ!!!!

ملحوظه:احكي تجربة....موقف....حادثة شاهدتها بعنيك(مش لازم تكون طرف فيها)

منظر اعجبك..منظر لم يعجبك(في الشارع...في الكليه..في أي مكان)

تصرف عملته غلط وعرفت الصح....تصرف زميل ليك ونتيجته...موقف مع طبيب

من الاخر أي حاجه مرت عليك ولو كانت تافهه من وجهه نظرك أو صغيرة جدا

فلا تحرمنا من الاستفاده منها

وفي النهاية تقبلوا مني فكرة الموضوع،،وشكرا

فكره جميله جدا نورين ويسعدنى أكون أول واحده ترد

بس بعد اذنك انا نسقت الموضوع عشان يظهر بصوره كويسه

أما الموقف بقه ياست نورين وهو كان موقف محزن جدا مريت بيه

وهو لواحده صاحبتى كانت معايا فى المدرسه من اول ابتدائى لحد الثانويه

واتخرجنا سوا من الثانويه بس اختلفنا فى الجامعه لانها مش كملت اصلا والدتها توفت

ووالدها تزوج بأخرى وكانت صعبه معاها جدا لدرجة انها بدأت تطلع عليها

اشاعات صعبه اوى وكلها افتراء فعاشت صاحبتى دى مع جدتها من مامتها واخوات مامتها

وكانت المعامله يعنى مش اوى من اخوات مامتها فقررت ترجع تانى لوالدها ومن كتر قسوة

الحياة قررت انها تنتحر وفعلا ولعت فى نفسها فى البلكونه والجيران لحقوها بس كانت

الحروق صعبه جدا وانتقلت للمستشفى وكنت انا معزومه فى فرح عند ناس اصحاب والدى

وطلبت من اهلها انها تشوفنى وحاولوا يوصلولى بس معرفوش لانهم مش كانوا يعرفوا مكان

الفرح بس انا رحت الفرح وانا كنت عارفه انها فى المستشفى بس قولت هرجع من الفرح

واروح اشوفها ع طول مكنتش اعرف انها تعبانه اوى كده او الحروق

كانت وصلت للمرحله دى ورجعت واكتشفت انها ماتت وادفنت كمان والاصعب

انى عرفت انها طلبت من اهلها انها تشوفنى كان موقف صعب عليا جدا وتعبت بعدها

فترة لانى مقدرتش اشوفها او انها تشوفنى حسب رغبتها الاخيره

والموقف ده حقيقى فعلا وحصل معايا بالظبط وكان اكتر موقف مزن فى حياتى

واتمنى من ربنا ان مفيش اى حد يمر بيه ابدا

ياااااه يانور بجد حاجة صعبة اوى والله هعيط
ربنا يرحمها يارب ويجمعكو مع بعض فى الجنة ان شاء الله

» &&اكتب لك بدموعى&&
» لن اكتب لحياتى عنوان
» اكتب لنا كلمه للذكري
» اكتب لنا كلمه للذكري