صباح الفل **شوية احباط على الماشى

صباح الفل ..ممكن أحبطك بسؤال مفاجئ ؟؟

إيه آخر كتاب قريته ؟؟ طبعا غير الكتاب( التاريخ اوالفيزياء ) بتاع تالتة ثانوي ؟ ..خلي الأجابة لنفسك لغاية آخر الموضوع .

خد عندك حبة الأحصائيات دي .

* تعرف حضرتك إن كل ما كتبه العرب مجتمعيييييين من كتب خلال المئة عام الأخيرة لم يتجاوز ما كتبه الأسبان

خلال الخمس أعوام الأخيرة .

* طيب تعرف إن مجهود العرب في التأليف والكتابة لا يتعدى 0.03% من مجهود العالم كله ؟؟

* تعرف حضرتك إن أكتر وأضخم كتاب بيتوزع في مصر بيتوزع 3 آلاف نسخة حسب احصائية مكتبة الشروق

( اكبر ناشر مصري ) ..يعني أقسم بقى على السبعين مليون أنا عن نفسي قسمتها طلعت 0.00000428 فضيحة

صح ؟

* تعرف إن أستاذ مصطفى مشهور المرشد السابق للأخوان بيقول إن اللي يقرا في اليوم الواحد أقل من خمسين

صفحة يبقى أنسان مقصر في حق نفسه ودينه ووطنه ....أنا مش عايز أحلف إن فيه ناس ما قرتش الخمسين صفحة

دول مجتمعين في حياتها .

* تعرف إن الأديب البرازيلي باولو كويليو قال إنه كان نفسه يتعلم العربي و داخ السبع دوخات وملقاش كتاب عربي

واحد في العديد من دول العالم اللي زارها .

* تعرف إن 40% من العرب الذين يدخلون الأنترنت لا يتعدى أستخدامهم لشبكة الأنترنت سوى الدخول على

المواقع الإباحية .

* وإن حوالي80% لا يتعدى الأستخدام سوى الشات والأغاني والألعاب

ياااه ومن ده كتير . انا أعرف خريجين هندسة وطب ما بيعرفوش يركبوا جملة عربية على بعضها صحيحة ..

والمشكلة إن الشباب مش عايز يقرا ومش عايز يفهم ومنهم طبعا الشباب المتدين اللي حالته بقت تقرف تكلم الشاب

من دول تلاقيه عمال يردد شوية كلام حافظه ولا هوا فاهم حاجة في حاجة وعامل نفسه خلاص فهامة .

أنا عايز أضرب لحضرتك مثل ..مجلس الوزرا عندنا فيه 34 وزير ..ممكن لو سمحت تقولي أسم عشر وزراء منهم ؟؟

طيب بلاش دي نجيب محفوظ اللي أنت طبعا عمال تفخر بيه أول عربي أخد جائزة نوبل ..تعرف تقولي سبع كتب هوا

ألفهم ؟؟ ....حرام يا جدعان ده الراجل بقاله سبعين سنة بيكتب كتب . وما حدش عارف هوا ألف إيه ؟

إحنا فعلا جيل ضايع لأننا جيل لا يقرأ ..ومادام الأنسان لا يقرأ فهو أنسان ضايع ..تقريبا هو شيء زائد على الحياة ....

إحنا عمالين نقول الشباب مغيب ليه الشباب ضايع ليه وعمالين نقول الغرب هو اللي بوظ شبابنا الغرب هوا اللي

عراهم الغرب هوا اللي وداهم في داهية ...طيب والغرب ما خلاكومش تقروا .

طيب ما أنا شايف شباب زي الفل أهو قدامي من اللي بيعلقوا في الموقع وأكبر عدو للغرب ومتدينين ملتزمين ومع

كده ما بيقروش ونص كلامهم غلطات املائية..مال الغرب بقى مال المؤامرة بقى ..إحنا اللي وكسنا نفسنا .

تعرفوا حضراتكم برنامج " ستار ميكر " اللي جذب أكثر من 40 مليون مشاهد على مستوى الوطن العربي ؟

البرنامج ده أصله أنجليزي ..أسمه بيج برازر ( الأخ الكبير أو زعيم الشلة ) لكن مع كده كان في أنجلترا في نفس

الوقت اللي بيتعرض بيج بروزر قناة البي بي سي عملت برنامج منافس إسمه بيج ريديرbig reader "

" ( القارئ العظيم أو زعيم القراء ) وعملت فيه تصفيات ما بين 100 كتاب والخمس كتب اللي فازت نزلت في

المعارض والمكتبات بخصم كبير دعما من البي بي سي .

شفتم بقى مين اللي وكسنا ..إحنا اللي وكسنا نفسنا وضيعناها ...مش عارف أساسا في حد وصل لغاية كلامي ده ولا

لأ ..تلاقي الناس زهقت وخلعت . ما محدش بقى بيقرا خلاص .

عرفتم ليه إسرائيل يا جماعة وصلت القمروإحنا القمر بتاعنا لسه على الباب؟؟؟

ههههههههههههههههه

قمر ايه اللى على الباب

والله معظم الكلام اللى انت بتقوله صح يا تيتو

واحنا كلنا فعلا مقصرين فى حق القراءة وعاوزين نقرا

لان ممكن الانسان يكون متعلم ومش مثقف الثقافه مبتجيش غير بالقراءه

ياريت كلنا نقرأ

بجد يا كابتن تيتو بحييك على اختيار للمواضيع

ميرسى على المرور يا ناميلوس

وفعلا احنا مقصرين جامد فى الموضوع دا

وكلنا اكيد سمعنا عن امية المتعلمين

وسبب التقدم الحقيقى للشعوب هيا الثقافه

بتفتح العقل وتنميه وبدل ما تخليه

يفكر تفكير سلبى بتخليه يفكر تفكير منطقى وسليم

ويوزن الامور ياريت بجد ندى للقرأة حقها

اسعدنى المرور يا ناميلوس ودايما منورنى

بجد موضوعك مميز يا تيتو
بس انا شايفة والله ان في ناس مهتمة جدااااااااا بالقراءة
هو الاغلبية مقصرة يعني
بس لو كان التعليم طرقة مختلفة شوية عن التعليم التقليدي الموجود دة كنا اتعلمنا حاجات كتير
ومعلومات بدال حشو الدماغ بتاع اليومين دولت
وانا شايفة ان لازم يكون لنا كافراد دور في دة
وكمان محاولة تغير نظام التعليم
يمكن نحاول نعمل حاجة لينا ولاولادنا ومستقبلنا
وميرسي ليك مرة تانية
وتقبل مروري

ميرسى مها للرد الجميل دا ومعاكى حق

بس اذا كنا احنا بنعمل كدا ففيه الوف غيرنا موش

بتفكر زينا فياريت بجد الكل يفكر شوية

اكيد مستقبلنا هيبقى افضل

اكيد يا تيتو
وان شاء الله بلادنا هتبقي بلد متقدمة
واحسن بلد في الدنيا كلها
بشبابها الصاعد
واتمني لك التوفيق

يارب يا مها