حاجه غريبه انا عندى حق ولا غلطان نقاش ؟؟

هاي ياجماعة ازيكو عاملين ايه ؟

الموضوع دا لاجمل اعضاء فى الدنيا اعضاء ناميلوس ..

انا جيبالكو النهاردة موضوع دمو خفيف كدة بس بيناقش برضو قضية مهمة

...تفاهة كتير من شباب الايام دي بئو بيعانو منها بصراحة ...

عجيبة أمور المحبين في بلدنا! .. يا جدع فعلا بتلاقيهم

بيعملوا تصرفات بتكون بالنسبه لك قمة في الرزالة وتقل الدم..

انما بالنسبه ليهم .. رومانسية و حب!

يا أخي تلاقيهم بيشوفوا بعض في كليتهم الصبح .

وبعد الضهر يكلمها يقولها وحشتيني! ... يا كذاب انت لحقت!

.. ولا يكلمها يقولها وحشني صوتك ...هو يعني اتغير فيه حاجة!

.. ماهو هو ! ولا زاد عليه نغمتين ولا هيبقى صوت ام كلثوم!

المشكلة بقة انه فعلا رزق الهبل ع المجانين! ..

والله انا بحسد شركات الموبايل في بلدنا على الذهب اللي

بيكسبوه من الهبل دول! .. ممكن يتكلموا مكالمه ساعه..

نصها ساعتين بيسمعوا تنهيدات بعض .. والنص التاني يقولها وحشتيني

..ومقدرش اعيش من غيرك ... ولا الكارثة بقه .. في آخر المكالمة

.. خد عندك بقه ربع ساعة (اقفل انت .. لأ اقفلي انتي)

..وصباح الملل والناس الفاضية ..يا عم ما تقفل انت

ماهو الغلبان اللي طالب هو اللي بيكع !

المفروض نتفق على حاجة .. يعني عشان نوفر في الفلوس يا جماعة

.. بص يابني .. بدال ما كل مكالمة تقعد تقول : وحشتيني .. بحبك

.. بموت فيكي .. حياتي من غيرك ملزقة والحوارات دي .. اتفق على حاجة

.. يعني أول ماتكلمها .. قولها .: عارفة الاسطوانه اياها ..؟

هتقولك .. ايوه يا مضروب .. ويبقى خلاص ..

وفرتوا الفلوس والوقت ! وتدخلوا في المهم .. وبما انه مفيش مهم

.. نوصل لآخر المكالمة .. وطبعا تنسى موضوع اقفل انت و انتي

.. احنا نتفق ان اللي هيقفل الآول هو اللي بيحب التاني أكتر

.. عشان مش عايز يسمع صوتوا كتير عشان ميزهقش منه!

انت اشفهمك في الحب يا بني! .. اسألني أنا!

هههههههههههههههه توبيك جميل اوى ياتيتو بس انت عرفت الحاجات دى ازاى خبير فى الكلام

ههههههههههههههههههههههههه
اوعي التوبيك الجامد دة يا تيتو
بس للممعلومة بقي البنات دلوقتي بقيت هي اللي بتتصل يا عم
هما علي طوال مفلسين ورصيدهم خلص
يبقي لسة جايب الكارت وتسالة الشحن فين يقولك اصلة خلص
خلص مع مين انت كلمتني منة 3 دقايق
خلص بقي وخلاص
وكعي انتي بقي
مش انتي اللي عايزة تتكلمي يا هبلة
وخلاص يا تيتو موضوع اقفل انت الاول لا اقفلي انتي دة خلص من زمان
اللي بيتصل هو اللي بيقفل علي طوال علشان الرصيد
ومشكور علي الموضوع المتميز

ههههههههههههههههه

ميرسى للمرور الجميل دا يا جماعه

منورين التوبيك المتواضع دا

ويا مها مين اللى يتصل موش هتفرق الاتنين واحد

ههههههههههههههههه

انما الرصيد اللى بيخلص فهو موش بيعد اصلا والله

انا اللى عارف الكلام دا

اكتر الزباين بتاعتى حبيبه قدااااااام هههههههههه

بنات واولاد حالتهم صعبه

يلا بس نورتوا التوبيك والله ويارب يكون دمه خفيف

هههههههههههههههههههههههههه
اكيد يا تيتو حبيبة قدام
بس اصل انت داخل فينا شمال يعني
والبنات هما وهما
وانا بقي نصيرة السيدات
هههههههههههههههههههههههههه
وبجد التوبيك دمة خفيف ومميز
تسلم ايدك يا تيتو

ههههههههههههههه

ماشى يا ست نصيره ههههههه

ميرسى للمرور والكلام الجميل دا

انا مع مها

هههههههههههه

توبيك جميل
ودا اللي بيحصل فعلا

ايوة كدا يا زوزا حد يظهر معايا في الاتحاد بتاعنا
لحسن انا حاسة اني لوحدي بنت هنا في المنتدي
قدام الشباب دي كلها
ههههههههههههههههههههههههههههه
ومعلش يا تيتو دخلت تاني غلاسة بقي

مش تخافي

كلنا هنا معاكي

وهنعمل حزب ضدهم كمان

[ندعوك للتسجيل في المنتدى أو التعريف بنفسك لمعاينة هذه الصورة]
لحد ما يرفعوا الرايه البيضه

الله الله دا احنا شكلنا هنعمل احزاب بئا فريق بنات وفريق اولاد

ونشوف مين اللى هيقدر للتانى ومين اللى هيرفع الرايه البيضه

[ندعوك للتسجيل في المنتدى أو التعريف بنفسك لمعاينة هذه الصورة]

انتوا طبعا
ولا ايه يا مها ؟

هههههههههههههههههههه

لالالالالالالالالالالالالالالالالالالالالا

انسوووووووووووووووووووا

توبيك رائع وجميل
وجماله انه واقعى فعلا
انا مش ضدد الحب ولا ضدد المكالمات
لكن ضدد المشاعر الزائفة
ضدد التسلية بمشاعرنا مع انسان ما راح يقدرها
سواء بنت او ولد
المشكلة وللاسف ان احيانا هما الاتنين بيتسلوا ويضحكوا على بعض
كأنه اتفاق مسبق بالخداع والتسلية
لكن الحب اللى فعلا مبنى على احترام وتقدير وتفاهم
وحلم واحد وبيت واحد
اكيد هيلاقوا كتير من الاحلام هيتكلموا فيه
ومفيش مانع من التعبير عن مشاعرنا
بس بما لا بخرج عن المألوف
وما حد يزعل من رأيى
مجرد وجهة نظر
دموع القمر

وجهة نظر جميله بجد

يا انجى وتستاهل كل احترام

وانا معاكى فى كل كلمه

لان الانسان اللى ممكن يطلع مشاعر مزيفه

يعتبر انسان غشاش ومتعود على كدا ومحترف كمان

انه يقدر يقنع اللى ادامه بمشاعره المزيفه دى

ولو حسبها موش هيلاقى ليها اى فايده

احساسه لما يطلع بكل احترام ويكمل مع الانسانه اللى اخترها

قلبه افضل مليون مره ما يوزع مشاعره على كل بنت شويه

نورتى التوبيك المتواضع بكلامك الجميل

متزعلوش منى
مش الاولاد لوحدهم اللى بيوزعوا مشاعرهم
للاسف كمان البنت ممكن
مرة واحدة صحبتى قالتلى
فى نقاش بينا ايام الجامعه
علشان انا كنت رافضة مبدأ الارتباط
مش علشان ضدد الحب
لانى مش مستعدية اعطى مشاعر لانسان اللى لما يكون فعلا
جاد وعاوز يرتبط بيا وبشكل رسمى
قالتلى وليه مش تجربى
فالتلى انتى فاكرة انك لازم تتجوزى اللى بتحبيه
مش شرط جربى
يعنى ايه اجرب؟
هو الحب تسلية
ايوا ممكن احب وادخل العلاقة ةلكن مش بمبدأ التجربة
لا بمبدأ الاخلاص والتضحية
انى عارفة ظروفة وهستناه ونفضل جمب بعض لحد منوصل لحلمنا بالارتباط
بس دلوقتى للاسف فى بنات عاوزة الجاهز اللى هيحقق احلامها بسرعة ومن غير متتعب معاه
لحظه توقف.......................
كلامى مش عام على الجميع زى ما فى حلو فى وحش
يعنى كله موجود
بس العيب فى فينا ونظراتنا للحياة وظروف الشباب الصعبة للجواز
سورى رجعت تانى
ورخمت عليكم هههههههههههههههههه
اصلى بصراحة رغاية
يلا سلاموز يا حلوين
دموع

دموع صدقينى وجهة نظرك صح وانتى لا طولتى ولا اى حاجه

نورتى التوبيك مره تانيه بردك الجميل دا

وفعلا معاكى حق فى كلام كتير

انا واحد من الناس اقرب الناس ليا كان مرتبط بانسانه بقالهم حوالى سبع سنين

وخلاص جاى فى شهر 12 يتقدم ويلبس الشبكه

علشان هيا كمان قربت من انهاء كليتها

مجرد ما اتتقدم ليها عريس

وافقت عليه وقالت دا كويس

ونست كل حاجه للاسف موش نقدر نقول

الاولاد لوحدهم اللى بيتسلوا كمان فيه بنات بتتسلى

وواخده الموضوع مجرد تسليه

اللى بيبقى واخد الموضوع جدا وفعلا بيحب بجد

ربنا بيوفقه انا موش قادر اوصفلكوا اد اتيه الشخص دا ادمر

لانه تعب كتير علشان يقدر يتقدم فى الوقت اللى هما

اتفقوا عليه بس خلاص الحمد لله انها بانت على حقيقتها

واكيد موش ليهم نصيب فى بعض

وكل شئ قسمه ونصيب بس

لما يبقى فيه حب بجد ومشاعر صادقه

هتلاقى كل حاجه تمام وهيكملوا مع بعض

انما لما بيكون فيه مشاعر مزيفه مستحيل يكملوا

وفى الاخر بشكرك على المناقشه الجميله دى اسعدتنى كتير فعلا

لا انت فعلا عندك حق وفعلا الموضوع جاااااااامد ويستحق المناقشة

وانا متفق معاك ان الموضوع ده زاد عن حده قوى

وانا شايف ان معظم البنات بيبقوا مزودينها قوى فى حكاية التليفون

والمستفيد الوحيد هو شركات المحمول

وبتبقى البنت مفكرة ان كتر الكلام فى التليفون بيقرب الانسان ده منها اكتر

وانه هيحبها اكتر بس هو فعلا لو بيحبها بجد وخايف عليها ميقبلش انه

يبدا ارتباطه معاها بمعصييه لله وعمر العلاقة دى ما تستمر لان ربنا مش بيبارك فيها

ومش كل اتنين حبوا بعض اتجوزو بعض

وحاجة بقى البنات مش واخدة بالها منها انب عض الشباب مش دايما بيختارو البنت اللى بيحبوها

انها تبقى زوجة ليهم لانهم بيقولو اللى توافق انها تكلمنى اكيد كلمت حد قبلى

وبيدور على واحدة غيرها .

ومعلش انى طولت بس الموضوع شدنى وتسلم يا تيو على المواضيع

ميرسى ليك يابو على ومعاك حق

بس موضوع التليفونات دا موش منحط الانظار انا بتكلم عن اللى بيتكلموا

بطريقه مستفذه زى ما انت شايف التوبيك ههههه

نورت التوبيك يا مان

فعلا الموضوع جميل جدا ويستحق النقاش لانه زاد اوى

عن حده او عن الاصول واصبح الحب زى الروتين فى حياتنا

والكل ناسى ان مفهوم الحب اتغير اوى عن زمان دلوقتى مش الشاب لوحده اللى

بيوزع مشاعره البنت بقت كده فيه بنات كتير بتحب بدل واحد اتنين وتلاته

انا عندى واحده فى الجامعه تعرف اكتر من شاب وبتكلمه فى الموبيل

ولما جيت اسألها ازاى بتحبهم كلهم قالتلى لاء انا مش بحبهم انا بكلمهم كلهم

واللى هيتقدم ليا الاول خلاص يبقه هو ده عشان مش اخسر حد منهم وكده اطمن اكتر من فرصه

زى المثل اللى بيقول عصفور فى اليد يعنى اوقات كتير بيكون العيب مش من الولد فيه بنات

دلوقتى بتتصرف بجرأه أكتر من الولد وبتتعامل بنفس طريقه الشاب ان تكلم اكتر من شاب فى

وقت واحد باسم الحب والغريبه انهم بيفكروا دلوقتى لما يكلموا الشاب كتير ده بيقربهم ليها

وده مفهوم غلط كليا لان مش كل الجواز بيكون عن طريق الحب ده بيكون نادر اوى

لان الواحد لما بيفكر فى الجواز هيكون عاوز اللى تحافظ ع بيته واولاده واللى هتربيهم تربيه

صحيحه مش اى واحده هيختارها لمجرد انه بيحبها

موضوع جميل اوى ياتيتو فعلا متألق كعادتك

كلامك مظبوط يانور فعلا الولد دلوقتى ممكن يكلم اكتر من واحدة بس يوم اما يختار هيختار البنت المحترمة اللى تحافظ على بيته واولاده
وشكرا على التوبك الرائع