محاضرة مادة التكاليف التانية للفرقة التالتة

بسم الله الرحمن الرحيم
محاسبه تكاليف الفصل الثالث
بتاريخ الخميس 5-11
د\مصطفى عطيه الغندور

* طبعا المحاضره دى مهمه واتقال فيها حاجات كتير ومفيده

فى البدايه الفصل بيتكلم عن ( المفاهيم الاساسيه للتكاليف )

وده فى الكتاب بيبدأ من صــ 68 واحنا وقفنا لحد صــ 92

والمحاضره الجايه بدايه النظرى

مش هطول عليكوا كتير يلا نبدأ المحاضره

------------------------------------------------

المفاهيم الأساسيه للتكاليف :-

النفقه

التكلفه

المصروف

النفقه : هى التضحيه بالموارد الماليه لتحقيق غرض معين .

التكلفه : هى التضحيه بالموارد الاقتصاديه لتحقيق هدف معين قد تكون مدفوعه او محسوبه .

و هنا ممكن نستنتج 3 حاجات :-

التكلفه اشمل واعم من النفقه .

النفقه جزء من التكلفه .

يجوز القول على ان النفقه تكلفه والعكس غير صحيح .

المصروف : هو ذلك الجزء من التكلفه الذى يقابل الانتاج المباع .

وهنا نستنج ان :-

المصروف جزء من التكلفه .

يجوز القول على ان المصروف تكلفه والعكس غير صحيح .

وعندك الشكل رقم 3 فى الكتاب صــ 71 يبين تدفق التكلفه فى القوائم الماليه .

------------------------------------------------

نيجى بقى للنقطه اللى كانت محور المحاضره ولازم تركزوا فيها دى سهله جدااااا

مفاهيم التكلفه لغرض تحديد تكلفة المنتج لتقويم المخزون السلعى وتحديد الدخل
أ- التبويب النوعى للتكاليف :-

تكلفه المواد .

تكلفة العمل البشرى ( العماله )

تكلفة الخدمات .

ب - التبويب الوظيفى للتكاليف :-

تكاليف الانتاج .

تكاليف التسويق .

تكاليف اداريه .

ج - تبويب عناصر التكاليف وفقا لعلاقتها بوحده النشاط :-

التكلفه المباشره : هى كل عنصر تكلفه يمكن ربطه بمنتج معين ويمكن تحميلها مباشرة على وحدات الانتاج .

التكلفه غير المباشره : بمعنى انها لا تخص منتج بذاته ولذلك لا يمكن تحميلها مباشره على وحدات الانتاج بل توزع او تخصص .

* التكاليف الانتاجيه المباشره ... تنقسم الى :-

تكاليف مواد مباشره .

تكاليف عماله مباشره .

تكاليف خدمات انتاجيه مباشره .

* تكاليف الانتاج غير المباشره ... تنقسم الى :-

تكاليف مواد غير مباشره .

تكاليف عماله غير مباشره .

تكاليف خدمات انتاجيه غير مباشره .

د - تبويب عناصر التكاليف وفقا لتوقيت تحميلها على الايرادات :-
تنقسم بدورها الى :-

تكاليف ايراديه . * تكاليف راسماليه .

التكاليف الايراديه : هى التكاليف التى تتحملها الوحده الاقتصاديه لخدمه النشاط الجارى لفتره محاسبيه واحده - عادة تكون سنه - تحمل على قائمة الدخل .

التكاليف الرأسماليه : هى التكاليف التى تتحملها الوحده الاقتصاديه لعدة فترات قادمه يجب ان تتحمل هذه التكاليف الراسماليه على قدر استفادتها منها .

نركز بقى فى النقطه الجايه دى اهم حاجه عشان العملى ... ودى برضه مرتبطه بالتقسيمات اللى فاتت عشان دى زى ما الدكتور قال العمود الفقرى للعملى وانه مش بيشرح النقط دى عشان يسالك فيها وتحفظها ده بيشرحها علشان تعرف تحل معاااااااه العملى ( يعنى احتمال 90% الدكتور يجيب الامتحان اغلبيته عملى والدكتور طمنا وقال ان امتحانا هييجى غير انتظام ده لو الكليه مأجبرتوش يعمل امتحان واحد للاتنين حتى لو ده حصل طالب انتساب هيجيب 10 مرتاح لكن هتفرق فى شويه حاجات عشان اللى يجيب 15 واللى يجيب 20 Smile

)

نرجع لموضوعنا .....

* تكاليـــف المنتـــج & تكاليــــف الفتـــره *

( مــــــــــــهــــــــــــــــمــــــــــــــــــه )

تكاليف المنتج ترحل فى قائمة التكاليف ... وتكاليف الفتره فى قائمة الدخل

بس خلى بالك لازم نعرف التقسيمه لان فى حالات معينه .. لازم تاخد بالك منها

تكاليف الفتره :-

هى التكاليف التسويقيه والاداريه وترحل لقائمة الدخل .

تكاليف المنتج :-

نقسم الى :-

1- مباشره . 2- غير مباشره .

1- متغير .

2- ثابته .

وهنا يمكن القول ان كل مباشر متغير ..

وهناك طريقتان لتحميل التكلفه :-

1- تحميل كلى . 2- تحميل جزئى .

* ويرى انصار التحميل الكلى تحميل المنتج بعناصر التكاليف الانتاجيه ( المباشره والغير مباشره - متغيره او ثابته ) .

* ويرى انصار التحميل الجزئى تحميل المنتج بالتكاليف الانتاجيه المتغيره فقط .. اما التكاليف الانتاجيه الثابته فتعتبر تكاليف فتره توجد بقائمة الدخل .

وبكده الحمد لله وصلنا لنهايه المحاضره واتمنى اكون قدرت ابسطها ليكوا ..
وان شاء الله بالتوفيق ليا وللجميع ....

جزاك الله خيرا اخى عبقرينو

على الافاده اللى انت بتقدمها للطلبه

ربنا يوفقك وينجحك التيرم التانى