احمد ولد الحج هريدى ف الجامعه ونور البنت المودرن (تم اضافه الحلقات 7-8-9-10) ارجو التثبيت.

جامد يامان

بجد ملكش حل

ياريت نعرف بكره بقا

ههههههههههههههههههههه

تمام يا سرور مستنى الباقى يا جامد

مرسى حماده ع مرورك نورت التوبيك

مرسى ليك يا ابوعلى ودايما منور

(كنا وقفنا المره الى فاتت عند نور وهي نازله جري ورا احمد عشان تخليه يعقد معاهم الاسبوع فلاقته حاطط الشنطه بتاعته جانبه وبيتصل بالتليفون
يا تري بيتصل بمين ؟؟ يلا نكمل ونعرف)
احمد : الو
جارته : الووووووووووو مين معايا في التليفون بس ازاي دخلت جوه هههههههههههههه
احمد : مش وقت استظراف امك دلوقتي
جارته : ايه يا واد الخفه دي مين معايا
احمد : انا احمد اللي اتهبب وساكن في الشقه اللي قدامك
جارته : اه حماده ميدو مودي ازيك يا واد يا موودي عامل ايه انت فين ياض وازاي اخبارك
احمد : انا في شرم الشيخ
جارته : مش كنت تقولي يا واد كنا رحنا سوا
احمد : تيجي فين يا وليه دا انتي لو شوفتي النسوان اللي هنا تنتحري
جارته :جاتك ايه يا ميدو عسل بس عسل اسود تلاقيك معاك الجثه اللي كلمتك قبل كده هي لسه عايشه يا واد هي مش ماتت في التليفون
احمد : عيطوا عليكوا بدري يا شيخه بتفولي في وش البت دانتي خارجه من الترب بكفاله يا وليه روحي موتي (نور سمعت الكلام دا وشها نور من الفرحه )
جارته : انا يا ميدو انا يا واد لو عايزه اكون زي جوليا روبرت هكون
احمد : جوليو ابو ربع جنيه انتي بتكلي الحاجات دي يا وليه
جارته : جاتك ايه يا ميدو يخربيت عقلك سكر سكر انت بتتصل ليه بقي
احمد : بقلك انا نسيت المفتاح تحت الدواسه اللي قدام الشقه خديه خلي معاكي لحد مرجع انا راجع النهارده
جارته : ماشي يا حبيب قلبي ترجع بالسلامه مستنياك
احمد : مستنيه مين يا وليه انتي تخلي معاكي المفتاح بس
جارته : ماشي يا مودي ترجع بالسلامه خلي بالك من نفسك
( احمد بيحط السماعه وبيلف لاقه نور في وشه )
نور : انتا مسافر خلاص
احمد : اصل اعد لمين انا جاي عشانك وانتي زعلتي ومشيتي
نور : مانتا السبب سرحان في واحده وانا معاك
احمد : خلاص يا سيتي انا اسف
نور : وانا اسفه ماتسفرش خلاص
احمد : خلاص مش مسافر عشان خاطرك انتي
نور : مرسي يا احمد بجد انتا طيب اوي
احمد : انتي اطيب والله
نور : طيب بقي اطلع حط الشنط وتعالي نتمشي
احمد : بس انا جعان اوي
نور : خلاص طلع الشنط وتعالي نفطر
احمد : اوك
احمد وهو طالع يودي الشنط وبيغير باب الاوضه خبط يا تري مين

9

احمد : مين اللي بيخبط
الطارق : انا
احمد : ايوه مين يا عني انت مش بشر كائن يعني ليك اسم
الطارق : ايه الظرف دا ايوه يا عم انا كائن يعيش ويتعايش وليا اسم انا محمود ( محمود دا صاحب احمد شافه في المطعم وطلع وراه الاوده عشان يسلم عليه)
احمد : ( فتح الباب لاقا محمود صحبه خاده بالحضن وسلامات وبوس )
محمود : ازيك يا ابو احميد يخربيت عقلك انت ايه يا واد اللي جابك هنا وجاي مع مين
احمد : اهه تغير شويه بدل ما نروح البلد جيت هنا مع اصحابي
محمود : طيب ياباشا اسيبك انا برحتك عشان تشوف اصحابك والبنت اللي مستناياك تحت
احمد : ماشي يا مان انت شوفتني معاها
محمود : اه يا معلم شوفتك في المطعم تحت بس تعرف زوقك حلو يا مان عرفت تنقي يا معلم
احمد : انقي ايه يا معلم دي صاحبتي اصلي معرفش حد في الرحله غيرها
محمود : طيب يا مان اسيبك بقي ولو عوزت اي حاجه انا في الخدمه
احمد : ماشي يا مان والف شكر

( احمد ساب محمود ونزل يفطر بقي اخيرا هيفطر مع نور )
احمد : اخيرا يا نور هنفطر
نور : اخيرا انا ميته من الجوع
احمد : لو سمحت الفطار بتاعنا
الجرسون : حاضر يا فندم
احمد : بس بسرعه والنبي عشان ميتين من الجوع
نور : اه بسرعه خالص عشان ممكن ناكل في بعض دلوقتي
احمد : بسرعه يا عم احسن تيجي تاكل فيا
جرسون : حاضر يا فندم

( الجرسون جاب الاكل وكله الحمدو لله ونور خدت احمد وتمشوا علي البحر )
نور : انت هتعمل النهارده ايه يا احمد
احمد : مش عارف والله يا نور انا عندي فكره احنا نتمشي شويه بعدين انا هطلع انام عشان تعبان من السفر
نور : عندك حق والله اوك وبليل ننزل نخرج ونشوف البلد
احمد : اوك يا نور
نور : البحر هنا حلو اوي بكره اكيد ننزله سوا
احمد : باذن الله
نور : يلا نرجع بقي
احمد : يلا

( احمد ونور طلعوا اودهم وهنعرف عملوا ايه باليل باليل النهارده )

....................... بعد وقت طويل احمد ونور قابلوا بعض بليل كده بعد المغرب وخرجوا مع بعض )

احمد : تصدجي يا نور شوفي احنا بقلنا قد ايه مع بعض وانا مش عارف عنك اي حاجه
نور : وانا بردك تصور بص يا سيدي اتكلم انا ولا تتكلم انتا
احمد : لا اتكلمي انتي وانا بعدين اتكلمي ليدز فرست
نور : بص يا سيدي انا اسمي نور عبدالله والدي شغال مدير بنك اوك
والدتي اسمها مش مهم وشغاله في الجامعه
احمد : تصدقي اسم مامتك جامد مش مهم مين الذيذ الي سماها الاسم ده
نور : هههههههه يخربيت عقلك يا احمد اسمع بقه
احمد : اتفضلي خلاص
نور : وانا عندي اخت واحده اكبر مني وماسفره مع جوزها واعده في البيت لوحدي مع ماما
وبابا وليا اخ صغير كده بس ايه عسل
احمد : ربنا يخلوهملك
نور : انا حكيت اهه اتكلم انت شويه
احمد : بصي يا سيتي انا اسمي احمد عمر والدي عمده القريه الي عايشين فيها
والدتي ست بيت طيبه اوي
نور : ربنا يخلهالك
احمد : ربنا يخليكي وانا عندي اخت صغيره كده بس ايه عفريته موووووووووت
نور : ربنا يخلهالك
احمد : بس قوليلي انتي دخلتي الكليه دي كان نفسك فيها ولا عشان مجموعك
نور : لا انا كان نفسي ادخلها عشان والدي يعني كده
احمد : طويب
نور : وانت دخلتها ليه تلاقيك عشان المجموع
احمد : لا والله انا دخلتها عشان كان نفسي اخشها يعني شغلها كتير وفي جميع المجالات
نور : قولي صحيح يا احمد لما تيجي تتجوز ايه مواصفات البنت اللي انت نفسك تتجوزها
احمد : ايه السؤال المحرج ده بس ( بصي يا سيتي )
اولا لازم تكون مؤدبه جدا وجميله وتكون دمها خيف زيك كده ( نور وشها احمر واخضر وبتكلم نفسها دا كل المواصفات دي فيا وسرحت في كلام احمد)
احمد : وانتي يا نور بتحلمي جوزك يكون ازاي نور نووووووووووووووووووووووووووووووووووووور انتي رحتي فين
نور : هه معاك ايوه كنت بتقول ايه
احمد : لا انتي كنتي فين يا بنتي بقولك بتحلمي جوزك يكون ازاي
نور : بص لازم يكون بيحبني مووووووت ويكون طيب وجميل ودمه خفيف
احمد : ( احمد بيضحك مع نور ) تصددقي المواصفات دي فيا يعني انفع ابقي جوزك
نور : ههههههههههههههههههههههههههه يا بنن الايه انا نفسي في ايس كريم دا يا احمد
احمد : من عنيا يا نور

( نور واحمد امتشي كتير اوي وكلموا اكتر وراحوا المطم بتاع الفندق اتعشوا وطلعوا ناموا )
( تاني يوم الصبح احمد ونور فطروا سوا وراحوا البحر|)
احمد : ايه يا نور انتي هتنزلي البحر
نور : طبعا يا ابني هو انا جايه هنا عشان اتفرج عليه
احمد : طويب خالي بالك من نفسك
نور : طيب انا بعرف اعوم خالي بالك انتا من نفسك ( احمد علي فكره بيعوم علي اد ه )
احمد : الحقوني الحقوني الحقوني يا نووووووووووووووووووور بغرق
نور : ااااااااااااااااااااااااااااحمد
(يلا كفايا كدا وادعولى بكرا عنندى امتحانين )
يارب تنجح يا تتح
لو حليت حلو هحط 3 حلقات مره وحد
ههههههههههههههههههههه
ولو حلقيت وحش هحط 5 حلقات
اظن مفيش احسن من كدا

جامد ياسرور

ياسيدى لا حل انت كويس واحنا يعنى هنروح من بعض فين احنا مع بعض اهو

اصلى يابرنس ورجعنا تانى

نورت التوبيبك يا ميدو

يارب تنجح يا تتح هههههههههههههههههههه

ربنا يوفقك يا سرور وان شاء الله تكمل القصة دى

» بطاقة تعارف لطلاب اداب ( ارجو التثبيت)
» موضوع هام جدا .. لكل من يهمه كسب المال بسهولة ... ارجو التثبيت
» الفنانبن ايام الجامعه
» ميكاب ناعم للبنات الجامعه
» ازاى تثبت البنت