ما هى ارائكم اتجاه خيانة الاصدقاء ؟؟

الصداقه من افضل النعم التى انعم الله علينا بها

فالصديق هو الطريق الى الحياه هو النظرة الى الامل

فكل ما اجد انسانا بلا صديق يشاطر الانسان همومه ويشاركه احزانه

ويفرج عنه كروبه ويرشده الى الطريق الصواب

لكن عندما تاتى الخيانه من الصديق الذى اعطيته كل شيء ؟

الصديق الذى لم تبخل عنه باى شيء

الصديق الذى عاملته كأخ وعاملك كغريب ؟

كالصديق الذى عاملته بكل امانه وصدمك هو بالخيانه ؟

الصديق الذى اعطيته كل شيء ؟ واخذ هو منك كل شيء ؟

وقتها كيف سيكون حالك ؟؟

كيف ستعامل هذا الصديق ؟

وهل سيكون هناك مجال للتسامح ؟؟

ام انك ستكتفى فقط بهجره والابتعاد عنه ؟؟

اصعب شيء فى الوجود ان يخونك شيء وصل الى درجة كبيره

فى قلبك لكن تبقى كلمه

هل هناك من يستحق ان تسامحه فقط لانه صديقك ولانك لن تستغنى عنه ؟

عمتا فى راى افضل ان ارى الخيانة من حبيب على الا اراها من صديق ؟

[ندعوك للتسجيل في المنتدى أو التعريف بنفسك لمعاينة هذا الرابط]

احب اكون اول واحدة ترد علي موضوعك يا ناميلوس
وطبعا مناقشة جميلة علشان نشوف اراء بعضنا في الموضوع دة
بص هي الخيانة اسوء شعور ممكن انسان يشعر بية في حياتة
سواء كانت من صديق او حبيب او اخ او اي انسان تعرفة
وانا هجاوب علي الاسئلة اللي انت طرحتها:
وقتها كيف سيكون حالك ؟؟
اكيد حالي هكون مجروحة جدا لانك وثقة في انسان وهو مش كان اهل للثقة دي
وبعد كدة من الصعب انك تثق في انسان تاني ماهما كان هو مين

كيف ستعامل هذا الصديق ؟
اول حاجة طبعا المواجهة ودي حاجة مفيشش مفر منها
لان المواجهة اسلم حل للطرفين علشان تعرف وجهة النظر في الموضوع
ولية هو عمل كدة وتتكلموا علشان توصلوا لحل ولية الخيانة بالرغم انك
كنت صادق معاة في كل حاجة

وهل سيكون هناك مجال للتسامح ؟؟
بص انا في مبدأ اعرفة في حياتي اللي بيحب مش بيعرف يكرهة
ماهما كان الشخص دة عمل اية او اية اللي صدر منة
اكيد هتتعاتب معاة بس مش هتعرف تكرهة انسان
كان فية في يوم من الايام مشاعر حلوة بينكم
ولو انتوا اتكلمتوا وفهمتوا بعض ولية عمل كدة وقادر انك تسامح ماشي
لان مفيش انسان مش بيغلط

ام انك ستكتفى فقط بهجره والابتعاد عنه ؟؟
الهجر والابتعاد من غير ما تتكلموا وتواجهوا بعض اكيد
هيتاخد ضددك انت ومش في مصلحة حد خالص
وهل انت فعلا هتكون مرتاح وتقدر تكمل حياتك بعد ما تبعد عنة
حتي بدون عتاب او لوم لية

هل هناك من يستحق ان تسامحه فقط لانه صديقك ولانك لن تستغنى عنه ؟
اكيد طبعا ممكن اسامح صديقي لو اعترف بغلطة قدامي
واكيد اي حد مش هيقدر يعيش بدون اصدقائة
ولمجرد انة يحس بالغلط دة اعتقد انة احسن اعتذار عن اللي صدر منة

عمتا فى راى افضل ان ارى الخيانة من حبيب على الا اراها من صديق ؟
هي خيانة الحبيب لا تقل عن مكانة الصديق
كلها خيانة سواء من صديق ولا حبيب
مش بتفرق كتير والله كلها جروح من اعز الناس اليك
بس اعتقد ان الحبيب ممكن يتعوض
لكن الصديق صعب اوي انك تلاقي صديق تاني بتثق فية
وتعيش معاة افضل ايام حياتك ويكون ليك كل حاجة
وتقول لية علي اسرارك وكل اللي جوالك

وطبعا في النهاية احب اشكرك جدا علي انك فتحت المجال اننا نتكلم عن الموضوع دة
ويارب محدش فينا يشوف الخيانة لا من حبيب ولا من صديق
لانها مشاعر محدش يقدر يعيشها ولا يمر بيها في حياتة
وبالتوفيق ليك وللجميع

أولا بحيك ناميلوس ع الموضوع الرائع ده وفعلا الموضوع ده مزل فى وقته بالظبط

توبيك فى منتهى الروعه ومنتهى الاهميه لان الخيانه فى حد ذاتها شئ مرير

أوى ووجعها بيألم اوى ويالذات من انسان اعتبرته كل حاجه وصدقته فى كل كلمه

وكل حرف كان محل ثقتك واهتمامك وفجأه تلاقيه بيغدر بيك وبيكدب

ولقيته واحد تانى كأنك مش تعرفه قبل كده الصداقة اهم شيء في الحياة

وقتها كيف سيكون حالك ؟؟

هكون مجروحه اوى اوى لان الصداقة فعلا اجمل شئ ف الوجود وبجد بتحسس الواحد انه مش

لواحده وان في ضهر يتسند عليه وفي ال هيقف جنبه ف محنته وبالنسبة لجرح الصديق بيكون

جامد اوووي يمكن اشد من جرح وخيانة الحبيب لان الحبيب ممكن يتعوض وييجي غيره لكن

الصداقة لما بتتبني بجد صعب انك تلاقي زيها تاني لان خلاص مش هتعرف اصلا تعمل صداقة

بجد تاني والحاجة ال مش ممكن اسامح فيها صديقة ليا الخيانة اما اي حاجة تانية ممكن

نتسامح

فيها لان مفيش انسان مش بيغلط و بجد

كيف ستعامل هذا الصديق ؟

لازم اعاتبه طبعا لازم نتواجه واشوف مبررراته واسمع وجهة نظره وليه عمل معايا

كده رغم صراحتى معاها ومعاملته بما يرضى الله ورغم اننا اتقاسمنا حاجات جميله ومواقف

مع بعض فيها الحلو وفيها الصعب واتحملنا كتير فلازم المواجهه قبل ما اجتنبه

ومن طريقته فى الكلام هعرف ليه خانى بالطريقه دى

وهل سيكون هناك مجال للتسامح ؟؟

بص يا ناميلوس التسامح موجود فى كل شئ لان صفة المسلم الحقيقى التسامح

وبالذات لما يكون صديق انت اعتبرته كل شئ واديته كل ماتملك من مشاعر

اذا كان فى فرح او حزن لازم يكون فيه رحابة الصدر اكيد هسامحه لو اعترف

بغلطه بس هيكون صعب اوى انى اقدر اتعامل معاه زى الاول تانى وبعدين

ام انك ستكتفى فقط بهجره والابتعاد عنه ؟؟

لالالا صعب اوى انى اتجاهلها من غير ما اواجهه باللى عمله لانه مش هيكون سهل عليا

اتجاهل خيانة صديق ليا بدون ما اعتابها واحاسبها صح وهيكون عتاب جامد اوى

يحسسه قد ايه خسر صديق كان بيكنله كل احترام وتقدير وقد ايه مزل من نظرى بسبب

خيانته ليا مقدرش ابعد او اتجاهل بدون رد ع خيانته

هل هناك من يستحق ان تسامحه فقط لانه صديقك ولانك لن تستغنى عنه ؟

دة بيتوقف على حاجتين

اولهم:- مين اللى قام بالخيانه دى ومقدار غلاوت ها الشخص عندى والعلاقه اللى كانت بينا

وازاى قدر هو يخونى برغم صراحتى

ثانيهم:- اية هى الخيانة دى (نوعها اية) خانى ازاى وخيانته دى وجعتىبمقدار صداقته

ليا وغلاوته عندى انجرحت لان اكتر شئ يهد الواحد الخيانه من انسان عزيز

وعلى اساس الحاجتين دول ممكن اسامح ها الشخص او لاء اصلا واتعامل معاه كأنه انسان

عادى او اقل كمان من العادى

عمتا فى راى افضل ان ارى الخيانة من حبيب على الا اراها من صديق ؟

والله اما فى اعتقادى خيانة الصديق والحبيب اصعب من بعض

والاتنين بيوجعوا اوى وبنتأثر بيهم وبناخد وقت ع ما الجرح يترم من تانى

ونبدأ من جديد لكن اعتقد ان خيانة الصديق اصعب لان الحبيب بيتعوض مع الايام

وييجي غيره لكن الصداقة لما بتتبني بجد صعب انك تلاقي زيها تاني لان خلاص مش هتعرف

اصلا تعمل صداقة بجد لانك هتفقد الثقه بالصداقه لو مريت بلحظه خيانة الصديق يبقى اكيد

خيانة الصديق هي الاصعب لان الحبيب اذا خان عن حبيبه ينسى الحب كليا اما الصديق فهو

يمثل كل شيء هو الذي يمسح دمعة حزنك ويقاسمك المر والحلو

واخيرا بجد بشكرك لانك ادتنا المساحه اللى نقدر نتكلم فيها فى الموضوع ده لانه

بقه منتشر اوى وكل اللى عاوزه اقوله

بالنسبة للخيانة فانا بنظري كلها خيانه مهما تعددت الاسباب

الخائن خائن سواء خان الصديق او الحبيب تعتبر خيانه

ميرسى لتعليقك يا مها

نورتى التوبيك

نورتى التوبيك يا ندا

والخيانه خيانه سواء من صديق او حبيب

كلها خيانه

بجد انا سعيد جدا بتعليقك

اولا يا ناميلوس بحيك على التوبيك الممتاز دا بجد

وثانيا الخيانه لما بتيجى بتكون لشئ واحد فقط

ان فيه ناس بتفتكر انهم اصحابنا واكتر من كدا

بس دا بيكون مفهوم خاطا صاحبى لازم يخاف عليا وعلى مصلحتى

ولما بيكون غير كدا بيكون متخفى وراء ستار الغدر والخيانه

وللاسف دا بيكون عيبنا احنا لاننا بنفهم غلط او بنكتشف متاخر

اللى بيخاف عليا اشيله فى عينيا واللى انا موش فى حسبانه

ولا مشاعرى تهمه وعاوز يزعل الناس منى دا موش صاحبى

واللى موش يخاف عليا ادوس عليه واكون قاسى معاه

فيه اللى قال انه عيب فيا وعلى اد ما بحب حد على اد

لما بيغدر بيا بكون قاسى معاه جدا وموش بسامح اى مخلوق

يحاول يزعل واحد صاحبى منى سورى انا اسف على راى بس موش بحب

اللى يحاول يوقع بينى وبين اصحابى لان اللى بيخاف عليا

يبقى يحبب فيا الناس موش يزعلهم منى ويوصلهم كلام يزعلهم منى

الصديق الذى عاملته كأخ وعاملك كغريب ؟

كالصديق الذى عاملته بكل امانه وصدمك هو بالخيانه ؟

الصديق الذى اعطيته كل شيء ؟ واخذ هو منك كل شيء ؟

انسان غشاش واللى اعرف انه كدا هبعد عنه ومسامحه من كل قلبى

بس موش عاوزه يقرب ليا تانى

وقتها كيف سيكون حالك ؟؟

اكيد حزن شديد جدا واحساس بالغدر ودا اصعب احساس

كيف ستعامل هذا الصديق ؟

سورى دا موش صديق بئا

اكيد هتجاهله كانسان واحاول ابعد عنه

وهل سيكون هناك مجال للتسامح ؟؟

ازاى اسامح حد غدر بيا

ومحسش بيا وحاول يضايقنى اكيد هيكررها تانى

هل هناك من يستحق ان تسامحه فقط لانه صديقك ولانك لن تستغنى عنه ؟

انا اللى ينطبق عليه كلمة صديقى اللى يخاف عليا واسامحه فى كل حاجه

لكن اللى يغدر بيا سورى موش صديقى ولا يفهم معنى الصداقه

عندك حق يا تيتو فى كل كلمه قلتها

الصديق بجد ميغدرش بيك فى ضهرك

وفى وشك بيضحكلك

نورت التوبيك يا تيتو وميرسى لمرورك المتواضع دا

» خيانة الحبيب .......عبر عن رايك بصدق
» الاصدقاء جوهره نادره