طــــــــــــــــــــــلبـــــــــــــــــــــــــــــتي

السلام عليكم ورحمة الله وبركاتة
انا بقدم شكوي هنا النهاردة
علي اننا متفاهمين في كل حاجة في المنتدي
ويعتبر كلنا اصحاب للمنتدي دة
انا دلوقتي كنت مشرفة علي 3 اقسام
(الصور _ الازياء والموضة _ كلية تربية )
ودلوقتي مشرفة لقسم واحد بس
( كلية تربية )
انا طبعا مش معترضة علي دة
لان اكيد المدير شايف المصلحة كدة
بس طلبي لما يبقي يحصل حاجة زي دي
او تقرروا انك تشيلوا الاقسام من اشرافي
ياريت يبقي المشرف يعرف دة او علي الاقل
حد يبلغة علي ان فية حرية شوية هنا
وطلبي دلوقتي لادمن ناميلوس
لما يحصل انك ترفع اشراف اي قسم عن المشرف
ياريت يعرف انة مش بقي مشرفة علية وبدون سبب
وبشكرك مرة تانية
وبتمني ليكم التوفيق

اولا بالنيابه عن الاداره

انا هرد عليكى يا مها

انتى بقالك اد ايه موش عملتى مشاركات فى القسم بتاعك

وموش بتدخلى المنتدى اصلا

اولا المشرف مهما كان لازم نشوف شغله ولو غاب يعرفنا

سبب غيابه ونقرر بعد كدا هنسيب اشراف ولا هنشيله

اولا احنا سيبنا اشرافك على قسم واحد

دا مراعاو منا وتقدير لشغلك السابق على المنتدى

ومن الفتره اللى بعد الامتحانات المشرف اللى موش هيشتغل فى القسم بتاعه وموش هيتابع

فيه ناس تستحق الاشراف وهتمسك مكانه لحد اما يتنظم تانى معانا

بس موش عارفين ننفذ دا فى الفتره الحاليه علشان

امتحاناتنا كلنا وباذن الله لما هتعدى هيبقى فيه نظام

جديد فى المنتدى حسب شغل العضو الاداره هتقدره

واظن ان حضرتك يا مها شايفه انك من فتره كبيره وانتى مالكيش

اى نشاط فى المنتدى غير فى الالعاب

والقسم الخاص بيكى موش ليكى اى نشاط فيه غير ضعيف جدا جدا

وتقدير من الاداره ليكى ولشغلك السابق انها سابتك مشرفه على قسم

من الاقسام لحد ما ترجعى تشتغلى تانى تمسكى القسم اللى تحبيه

ارجو ان المشكله تكون اتحلت

وفهمتى وجهة النظر بتاعتنا

اولا طبعا بشكرك يا تيتو علي اهتمامك وردك
وانا طبعا فاهمة جدا وجهة نظركم في الموضوع دة
بس انا بتكمل دلوقتي في نقطة معينة سواء معايا انا او مع اي حد من الاعضاء
انة لما الادارة تاخد قرار بحاجة زي دي
ياريت يكون في طريقة تبلغوا بيها العضو
وبالنسبة بقي لموضوع اني مش بشارك او مش مهمتة باقسامي
ممكن تشوف اخر مجموعة مواضيع انا منزلها في القسم بتاعي
الخاص بالازياء والموضة كم موضوع
وتشوف المشاركات كم عضو تقريبا
والحقيقة انا مش هبص للاعضاء الباقية
بس ممكن تشوف المشرفين الباقيين
واكيد معروفين دون ذكر اسماء
مش بيدخلوا غير مرتين في الشهر
واقسامهم زي ما هي بالظبط
انا طبعا مش هحطة نفسي في وجهة مقارنة
بس دة اللي بيحصل
وكويس اني عرفت السبب
وبشكرك مرة تانية علي اهتمامك
واكيد طبعا اللي شايفة الادارة اصلح مني للاقسام دي
ربنا يوفقة ويقدر يفيدها اكتر مني
وبتمني ليكم التوفيق

ميرسى ليكى مها وزى ما قولتلك كل المشرفين اللى غاييبين

ليهم ظروفهم واحنا عارفينها

وغير كدا ان مفيش حد يشغل مكانهم حاليا

وفى الاجازه هتشوفوا كلكم التغيرات

وان الاشراف هيبقى للى يستحقه

ولو مشرف مفيش حد مكانه واحنا عارفين غيابه دا ناتج ايه

هنقف دمبه وهنقدر ظروفه

وبالنسبه لشغلك ااحنا موش هنبص لشغل من يومين تلاته انا بتكلم عن غياب طال لمده

شهر ونقطاع عمل المشرف ودا موضوع هينزل

وتم عمل موضوع لشروط المشرفين اما بالنسبه لعدم

مواصلتك على الميل الشخصى وعدم تنبيهك فدا

لظروف انتى عارفاها عننا كمان

اسف لتاخرى ردى ويارب يكون الرد وصل صح

وباذن الله مع بداية الاجازه ناميلوس هيكون معاك مكانى

وتقدروا تشوفوا التغيرات وربنا يوفقنا جميعا

ميرسي طبعا ليك يا تيتو علي ردك
وانا فاهمة طبعا كلامك دة
وبالنسبة لانقطاعي شهر
اكيد انت عارفة الظروف وكل الاعضاء تقريبا كانت عارفة اية الظروف
وانا كنت بسيب رسايل في الصندوق عن ظروفي
ول كان عارفة ظروف والدتي
وكل الاعضاء كانت بتدخل ترد علي الرسايل
طبعا دي حاجة مش هتشغلكم بس مش مشكلة
وبشكرك مرة تانية
وربنا يوفقكم
وتلاقوا المشرفين الاصلح للمنتدي

ميرسى ليكى

والحمد لله ان وجهة نظرنا وصلتك وفى اقرب فرصه

باذن الله كل شئ هيبقى للاصلح والاحسن فى المنتدى

بس فترة الامتحانات تخلص وبقيت الاعضاء يرجعولنا فى الاجازه