انا اسمى خالد محمد سعيد @ !!!

انا اسمى خالد محمد سعيد @ !!!

خالد محمد سعيد
شاب مصري عنده 28 سنه من منطقة كليوباترا بالاسكندريه
و صاحب مكتب استيراد و تصدير
كان قاعد في سايبر في وقت متاخر بالليل
و دخل بتوع المباحث بيفتشو كل اللي قاعدين باستخدام قانون الطوارئ
خالد اعترض و قال احنا بنتفتش ليه
كان تمن السؤال البرئ ده ان اتنين مخبرين مسكوه و نزلو في ضرب في المحل و في الشارع و في مدخل عماره جنب السايبر قعدو يرزعو وشه في الرخام بتاع السلم و في مدخل العماره الحديد
بكل بساطة خالد مات !!
و خدو جثته و حطوها في البوكس و بعد 15 دقيقه رجعو رموها ف الشارع و مشيو
كل واحد فينا ممكن يكون خالد
حنسكت ؟

دى كانت وصف الجروب اللى اتعمل ع الفيس بوك لخالد
وهى دى قصته

الخبر من جريدة

الحقيقة هى أن خــالد محمد سعيد صبحى(28... مات وسط زهول الجميع ,وصمت الجميع!!

خالد لم يكن إرهابيا مطاردا تطلبه الشرطة -حيا او ميتا - ولم يكن يمثل خطرا على أى شئ فى الحياة ,التى فارقها دون ذنب ,أو جريمة .

..كعادته ذهب خالد "الى نت كافيه" بشارع بوباست , بمنطقة كليوباترا , التابعة لقسم شرطة سيدى جابر!! واثناء جلوس خالد فى "النت كافيه" لاحظ دخول مخبرين يفتشون رواد الكافيه بغلظة لم يقبلها خالد مبديا امتعاضه فقط ..

.. وقبل ان يبدى خالد اعتراضه على الإجراء التعسفى ,سحبه المخبر محمود الفلاح من ملابسه وصفعه على وجهه,لم يكذب عوض المخبر الأخر زميله الفلاح و انهال على خالد بالصفعات ,واللكمات,حتى سقط الشاب خالد على ارض النت كافيه وسط ذهول الجميع من رواد الكافيه و اصحابه

..فجأه أمسك أحد المخبرين برأس خالد ,وظل يرطمها فى رخامة بالمقهى ,حتى فقد خالد الوعى ,وسالت الدماء من فمه و وجهه ,بينما اصحاب المقهى يتوسلون للمخبرين بالتوقف عن ضربه , فسحبه أحدهم مرة أخرى الى مدخل عقار مجاور للمقهى و أنهالوا عليه ركلا وضربا ورطما لجسده بمدخل العقار وبوابته الحديدية

..خالد كان يلفظ أنفاسه الاخيرة ,بينما الجناة يحملون جسده النحيل و يلقون به داخل سيارة الشرطة ,التى انطلقت به بعيدا عن عيون الناس والشهود وعادت بعد مده بسيطة لتلقى بالجثة فى قارعة الطريق!!

..مات خالد .. دون ان يعرف جريمته,دون أن يفهم احد لماذا قتلوه!!

..المشهد فى تلك المنطقة كان مثيرا للذعر والرعب فى نفوس الناس,حيث انتشرت مباحث سيدى جابر بالمنطقة ليس بحثا عن الجناة ,بل بحثا عن محمول مزود بكاميرا التقط صورا للجناة وللجريمة البشعة التى اقترفوها..

..مباحث سيدى جابر ,مارست كل أنواع الضغط لأثناء شهود الواقعة عن الإدلاء بشهادتهم على تفاصيل ما حدث ,بل استعانت بعدد من "تجار الوصلة" ليكونوا شهود نفى لحماية المخبرين من العقاب على جريمتهم البشعة!!

[ندعوك للتسجيل في المنتدى أو التعريف بنفسك لمعاينة هذه الصورة]

..ورغم هذا الإرهاب شهد بعض شهود الواقعة على تفاصيل الجريمة البشعة ,وحررت اسرة القتيل عريضة للنيابة العامة برقم 1545, بتاريخ الاثنين 7 يونيو 2010 وقررت النيابة استدعاء الطبيب الشرعى ,الا أن الجناة مازالوا طلقاء يعبثون بالادلة ويرهبون الشهود!!

..هذه الواقعة الخطيرة المعفرة بتراب الواقع والملوثة بدماء الشاب خالد نهديها لكل الشرفاء فى هذا الوطن وكل المؤسسات التى تدعى حمايتها لحقوق الأنسان

الخبر دا من جريدة المطرقة

والخبر دا كمان رسميا من جريدة الشروق المصرية

[ندعوك للتسجيل في المنتدى أو التعريف بنفسك لمعاينة هذا الرابط]?
id=245294

[ندعوك للتسجيل في المنتدى أو التعريف بنفسك لمعاينة هذه الصورة]

تجرى نيابة سيدي جابر برئاسة المستشار هاني شرف، تحقيقاتها الموسعة بشأن البلاغ المقدم من وليد سعيد محامي المجني عليه خالد محمد سعيد صبحي قاسم 28 سنة "صاحب شركة استيراد وتصدير"، يتهم فيه كلا من محمود الفلاح، وعوض الشهير باسم عوض المخبر، "مساعدين شرطة بقسم سيدي جابر"، بالتسبب في وفاته بسبب الاعتداء عليه بالضرب وسحله إلى القسم.

ترجع أحداث الواقعة إلى يوم الثلاثاء عندما كان المجني عليه يجلس داخل إحدى محلات الإنترنت الكائن بشارع بوباست بمنطقة كيلوباترا، حيث فوجئ بالمتهمين يقتحمان "الكافية نت" ويدخلان ويطلبان من المتواجدين إبراز تحقيق الشخصية بالتعرض وتفتيشهم بدون وجه حق تحت مسمى قانون الطوارئ، وعندما اعترض المجني عليه على طريقة تعامل المخبرين الهمجية والوحشية، قام المتهم الأول بتقييده من الخلف لشل حركته، وعندما حاول المجني عليه الخلاص منهما قاما بطرحه على الأرض وركله في البطن والصدر، واصطحابه إلى أحد المنازل المجاورة لمحل الإنترنت.

وواصل المتهمان الاعتداء عليه بالضرب المبرح والركل بأقدامهما في مختلف أنحاء جسده، مما جعله يفقد الوعي ونزف سيلا من الدماء من أنفه، واعتقد المتهمان أن هذه هي تمثيلية من المجني عليه، ثم حاول الثاني إفاقته بضرب رأسه في ترابزين سلالم العقار المشار إليه ما أدى لحدوث كسور بالجمجمة التي أودت بحياته.

وأكد عدد من شهود العيان لـ"الشروق"، أن واقعة الاعتداء كانت على مرأى ومسمع من الموجودين بالسيبر والمارة بالشوارع، مشيرين أن الضرب والاعتداء استمر لأكثر من 20 دقيقة متواصلة وسط توسلات واستغاثة ودموع المجني عليه.

وأضاف محمود علي موظف وأحد شهود الواقعة، أن المتهمين قاما باصطحاب المجني عليه وهو جثه هامدة إلى ديوان قسم شرطة سيدي جابر، ثم فوجئنا بعد أقل من 15 دقيقة بالمخبرين يعيدان جثته مرة أخرى إلى مكان الواقعة وتركوها مسجاة على الأرض، ثم قام أحدهما بالاتصال بسيارة الإسعاف لإخلاء مسئوليتهما، مؤكدا على وجود شاهد لتلك الواقعة سمع طبيب الإسعاف يقول إن: "واقعة الاعتداء تسببت في الوفاة وأنه لفظ أنفاسه الأخيرة نتيجة عمليه التعذيب الوحشي الذي تعرض شقيقه على أيديهما".

وفى ذات السياق أكد أحمد محمد سعيد شقيق المجني عليه – أمريكي الجنسية - في تصريحات خاصة لـ"الشروق" أنه علم من أصدقاء المجني أنه توفي إثر عمليه تعذيب تعرض لها على يد 2 من مخبري سيدي جابر، أثناء تواجده داخل "النت كافيه" على الفور ذهبت إلى المقدم عماد الدين عبد الظاهر رئيس مباحث قسم شرطة سيدي جابر للسؤال عن سبب القبض على شقيقي، أجابني أن شقيقي مدمن الأقراص المخدرة، وأرجع سبب الوفاة هو تناوله كمية كبيرة من الأقراص المخدرة داخل الحجز.

وأضاف في تصريحاته لـ "الشروق" أن أخي لم يتم حجزه في هذه الليلة بالتحديد داخل القسم أو غيرها، وأنه حسن السير والسلوك ويتمتع بسيرة طيبة بين جيرانه ومحبوب من جميع أصدقائه ومعارفه.

وأوضح شقيق المجني عليه قائلا: "عقب سماعي اتهام القسم لشقيقي توجهت على الفور إلى السفارة الأمريكية وأخطرتها بالواقعة بصفتي مواطن أمريكي قد يحميه الجواز الأمريكي بدلا من الجواز المصري الذي يهين أبنائه، مؤكدا إنني لن أتنازل عن حق شقيقي".

ووجه أحمد رسالة من خلال "الشروق"، إلى الرئيس محمد حسنى مبارك مطالبا فيها بصفته مواطن مصري وليس مواطن أمريكي بحق شقيقه المجني عليه الذي ضاعت حياته على يد مخبرين لا يملكون قدر من الرحمة والإنسانية، كما طالب اللواء حبيب العادلي وزير الداخلية أن يعاقب المخبرين المتسببين في الحادث، مؤكدا أن أمثال هؤلاء يحصدون كراهية الشعب لرجال الشرطة.

وقررت نيابة سيدي جابر أمس انتداب الطبيب الشرعي لتشريح جثة المتوفى وإعداد التقرير اللازم وصرحت بدفن الجثة.

ومن جانبها تجرى مديرية أمن الإسكندرية تحت إشراف اللواء محمد إبراهيم مدير الأمن تحقيقاتها الموسعة بشأن البلاغ المقدم من نجل المجني عليه ضد المخبرين حول الاتهامات الموجهة ضدهما.

_______________________________________

فى صور تانية لشهيد الطوارىء على الجروب اللى الشباب عملوه ع الفيس
على فكرة
الجروب عمل 4000 عضو فى اول ساعة
ودلوقتى بقى 10000 عضو
الان بقى
14.737‏ شخص معجب بهذا.
دلوقتى15.310

بيزيد باللاف كل خمس دقايق !!

[ندعوك للتسجيل في المنتدى أو التعريف بنفسك لمعاينة هذه الصورة]

حسبنا الله ونعم الوكيل
وربنا يصبر اهله
وحقك مش هيضيع يا خالد باذن الله

ولا تعليق اكتر من كده .

حسبنا الله ونعم الوكيل

[ندعوك للتسجيل في المنتدى أو التعريف بنفسك لمعاينة هذه الصورة]
بأى ذنب قتل
بأى ذنب هذه المهانه

اللهم أضرب الظالمين بالظالمين
ونجنا منهم سالمين

رحمك الله يابن دينى
رحمك الله يا أبن وطنى
الذى ظلمك فاسديه

لك الله يا خالد
[ندعوك للتسجيل في المنتدى أو التعريف بنفسك لمعاينة هذه الصورة]

هذا هو الشارع الذى كان يسكن فيه خالد رحمه الله عليه

[ندعوك للتسجيل في المنتدى أو التعريف بنفسك لمعاينة هذه الصورة]

وهذا هو السايبر الذى كانيوجد به خالد وقت الحادثه والذى تهجم عليه فيه الفاسدين
[ندعوك للتسجيل في المنتدى أو التعريف بنفسك لمعاينة هذه الصورة]

وهذه هى العماره التى اخذوه فيها الجبابره
وقاموا بتعذيبه وضربه ضربا مبرحا
[ندعوك للتسجيل في المنتدى أو التعريف بنفسك لمعاينة هذه الصورة]

وهذه بعض من صور المجنى عليه...والشهيد بأذن الله
[ندعوك للتسجيل في المنتدى أو التعريف بنفسك لمعاينة هذه الصورة]
لكى الله ولكى الصبر يا أمى

حــــــــــــرام اللى بيحصـــــــــــــــل ده بجـــــــــد

يرضى مــــــــــين
أن يحولوا هذه الابتسامه الى هذا الشكل
[ندعوك للتسجيل في المنتدى أو التعريف بنفسك لمعاينة هذه الصورة]

رحمك الله

اللهم ارحمه واغفر ليه واجعل دمه كفاره لجميع ذنوبه
اللهم نقه من الذنوب كما ينقي الثوب الابيض من الدنس
اللهم انس وحدته وانس وحشته
اللهم انقله من مواطن الدود وضيق اللحود الي جنات الخلود

القبض على المتظاهرين امام قسم سيدى جابر ضد قتل خالد سعيد

لكى الله يابلد

حسبنا الله ونعم الوكيل

وانا لله وان الية لراجعون

لا تعليق

ميرسى ليكى على الخبر القيم دا

وحسبنا الله ونعم الوكيل

فى كل من يخطأ او يرتكب اى اساء فى حق الوطن والدين ويسشئ اليه

وياريت المصادر المقتبس منها الموضوع تكون رسميه

بمعنى ان انا دخلت على اللينك المكتوب فى التوبيك

لقيت مكتوب هذه الصفحه غير متاحه حاليا

فهل جريدة الشوق اغلقت الخبر دا ام حذفته اصلا ام انه لم ينشر بعد

فياريت نتأكد من صحة المعلومات والاخبار اللى بنحطها

والمقصود بالرسمى اللى انا اقصده بمعنى

رسمى رسمى موش معارضه بمعنى مايباح ان ننشره

وياريت الصورة بتاعت يا كلاب النظام المحطوطه فى التوقيع تحذفيها بعد اذن حضرتك

وأنا حذفتها من التوبيك لاسباب تخص الادارة

احنا لسنا مشوفناش القضاء بتاعنا رده ايه على اللى حصل

القضاء المصرى بتاعنا قضاء عادل

لايفرق بين غنى وفقير بين أمير وخفير

بين مخبر ومواطن مصرى يتمتع بحقوقه كاملة

قسما بالله ان دى الحقيقه فى نظرى موش كلام

اكيد المخطئ لازم هياخد جزاؤه سواء دنيوى او أخروى

وأنا بعتذر لو ردى ضايقك

بس ياريت تتقبلى مرورى بصدر رحب

واسف على الاطالة

وربنا يصبر أهله

ويدخل الفقيد فسيح جناته

ويبلغه منزلة الشهداء اللهم امين

اولا بحيكى جد بجد يا دموع على التوبيك دا

وانك نشرتيه عندنا هنا

التوبيك فيه كلام كتير وفيه اندفاع اكتر

شاب قتل ايوا بس الاسباب مبهمه

وقتل على ايد احد رجال الشرطه ايوا

مش معنى كدا ان كل رجال الشرطه شايلين العبئ دا

صوابع ايدينا مش شبه بعضها

والدليل على كلامى ان القانون عاقب كتير من رجال الشرطه

اللى تورطوا مش ثفقات مشبوه

اذن فيه الكويس وفيه الوحش

انما انا مقدرش احكم فى الموضوع دا لانى معرفش

الاسباب اللى ادت للى حصل دا ايه

فيه كلام كتير فى الموضوع ودا بيقول كلام غير دا

لكن فى النهايه فيه شاب قتل وفيه قاتل

وفيه اهل للمجنى عليه ربنا يصبرهم لان الموضوع صعب عليهم

كل اللى فى ايدينا ندعى للشاب ان ربنا يدخله فسيح جناته

وينزله منازل الشهداء ويصبر اهله

ولازم يكون هناك تحقيق عادل وصارم فى اللى حصل

لكن احنا مش نقول مين اللى غلطان لان محدش فينا كان فى مكان الحادث

كلنا بنسمع بس وفعلا موقع جرديه الشروق حذف الموضوع دا

من على موقعه رغم انها احد جرائد المعارضه

اذن الموضوع دا مش سهل وكلامه كتير وهناك تحقيقات جاريه لحد الان

واخر كلامى انا سعيد لنشرك للتوبيك دا علشان نحاول نتكلم فيه

ويارب رائيى ميكونش زعل حد منى

تقبلى مرورى

متشكرة ليكم جميعا لتفاعلكم مع الحادث
لكن رأيى بمنتهى البساطة
اننا فى بلد فيها حكومة وقانون وتحقيق وعدل
مهما كان خالد سعيد ظالم او مظلوم
دا شاب زى وزيكم وممكن اوى اكون انا مكانه بكرا
مش من حق حد يهدر روح مهما عملت
ومستحيل يكون اللى فى وشه دا ملوش مبرر
ويمكن صوابعنا مش زى بعضيها
لكن معذرة الظلم بقا هو السائد
والمواطن المصرى كرامته بتتهان
يمكن فيهم كويسين لكن كما يقال السئية تعم الجميع
وبعيد عن موضوع خالد سعيد
الامثلة كتير وبالنسبة للمصدر اخى ناميلوس
اتمنى تتدخل على جوجل
واكتب خالد سعيد فيس بوك
وانت هتشوف كل حاجة عنه
وكمان الموضوع اتعرض فى التليفزيون وفى برامج كتير
وفى الاخر هو مواطن مصرى
ومش فى ايدينا غير ندعو له بالرحمه والمغفره
ويصبر اهله وامه على مصيبتهم الكبيرة
واكيد الحق موجود عند ربنا
وربنا اللى عالم باللى ظالم واللى مظلوم

يا دموع انا متعاطف مع خالد

زيك بالظبط صدقينى بس فيه حد لازم نقف عنده

كلنا مضايقين للى حصل وممكن يحصل تانى وتالت معاكى حق

بس الدنيا كلها قامت وهاجمت الحكومه قبل ما يتم التحقيق حتى

صدقينى رجل الشرطه اللى بيتعدى القانون بيتعاقب وفيه امثله كتير

وبالنسبه للمصدر بتاع جريده الشروق فهيا حذفت الموضوع دا من موقعها

وفى الاخر بجد بحيكى لمشاعرك الجميله دى وربنا يجيب لكل انسان حقه

بشكرك طبعا يا دموع علي طرحك للقضية دي
وهي فعلا بقيت قضية كل بيت مصري كل بيت بيتكلم عن خالد
لان بجد اللي حصل في اساءة لكل مصري وكل شاب
واللي حصل اهانة لحق كل انسان
بجد موت خالد بالشكل المهين دة ومن غير حق
يعني مكنش مجرم ولا قتل حد ولا كان فاسد في مجتمعة بالعكس
بس للافس اللي بيحصل لشبابنا دلوقتي حاجة بجد تحزن
مش نقووووووول غير حسبنا الله ونعم الوكيل
وربنا يلهم اهلة الصبر والسلوان من عندة
وبشكرك مرة تانية يا دموع علي مشاعرك الجميلة

» قصة الشاب خالد ..العجيبه
» خالد ابو النجا 2011
» خالد بن الوليد سيف الله المسلول
» سميره سعيد واحدث مجموعه صور 2010
» انا بقول الحب كلمه سهله بس احساسها صعب حد موافقنى؟