لماذا فقد المعلم احترامة

السلام عليكم ورحمة الله وبركاتة
انا النهاردة يا جماعة حبة جدا اعرف رائيكم
في موضوع احترام المعلم داخل المؤسسة التعليمية
مهنة المعلم مهنة الرسل والانبياء
لية دلوقتي قل احترام المعلم
امام تلاميذة
انا بطلب من كل عضو يدخل يقول راية
سواء كان في كلية تربية او في اي كلية تانية
الموضوع دة يهمنا اكيد سواء بصفة شخصية
او يهمنا ويهم اولادنا مستقبلا
عايزة نشوف اراء الجميع
ويارب الموضوع يكون شيق ليكم واشوف رائيكم

اشكرك بشدة على طرحك الموضوع الجامد دة

اولا اا زميلك فى كلية التربية
او تقدرى تقولى خلصت بس مستنى النتيجة
(ربنا يسترها )

المعلم فقد احترامة لان المنظمومةالاجتماعية هيا السبب فى ان المعلم ميكونشى لة احترام
ودة بداية من المرحوم وزير التعليم اللى كان اسمة حسين كامل بهاء الدين
وعلى فكرة هوا فاتح محل كشرى الوقتى
المهم

اولا المجتمع
ثانيا الاسرة
ثالثا المعلم نفسة افقد هيبتة ومكانتة داخل المجتمع
الموضوع طويل مش هيكفية توبك ولة اتنين

ارجو تثبيت الموضوع دة فى قسمم كلية التربية للاهمية

اولا طبعا بحب اشكرك جدااااااا يا علي اهتمامك بمواضيع القسم

لانك يمكن الوحيد اللي بتمر دايما علي القسم هنا

وانا بردة تقدر تقول منتظرة النتجية علشان اقول اني معلمة بالفعل

ربنا يسهل ان شاء الله

ثانيا بحييك علي ردك بجد وان فعلا المجتمع ومنع الضرب بالمدارس

هو السبب في فقد المعلمة احترامة

وطبعا الدروس الخصوصية ضيعت من هيبة المعلم كتير

وياريت فعلا يتم تثبيت الموضوع

ونعرف راي الاعضاء كلهم

مش لازم يكونوا معلمين او خريجي تربية

بس ممكن يقولوا لنا رايهم ونتناقش فية

وبشكرك علي مرورك ونورت الموضوع بردك

المعلم فقد احترامة بسب الدروس الخصوصية ودا بشكل اساسي لان اولياء الامور معتقدة انها بكدة بتستعبد المدرس وبالتال كل المدرسين من وجهة نظرهم محتاجين فلوس فبيقل الاحترام ليهم ودا التفسير الوحيد

بشكر حضرتك فعلا وانا بايد رايك ان دة السبب الرئيسي
اللي فقدة المعلم احترامة الدرس الخصوصي
وبشكر حضرتك علي ردك
ونورت الموضوع بردك

باذن الله يتثب يا جماعة متخافوش

بس انا من رايى

على راى الاستاذ

رمضان مبروك ابو العملين حمودة

ودة قال

بعد ما الاستاذ ياكل فى البيت الشاى والكيك يقدر

يحكم الفصل ازاى ازاى ازاى

موضوع بجد مهم

وانا رايى بعيدا عن الهزار طبعا

الدروس الخصوصية بوظت الدنيا

يعنى دلوقتى الكل بيفضل يدى دروس عن انة يتعب فى المدرسة

وبعدين المنظومة والروتين بيجبر المدرس على كدة

على اساس مفيش مرتب يخلى المدرس يقدر يعطى

والموضوع لسة بنتاقش فية

وجارى تثبيتة

هههههههههههههههههههههههههه الله علي ردك الرررررائع يا عبقر
والله كلامك صح بعد الكيك مفيش كرامة
وبشكرك علي ردك يا عبقر
وموضوع التثبيت دة انا شايفة الافضل ان احنا هنستفيد من الموضوع بغض النظر عن تثبيتة او لا

اولا بشكرك على المجهود دا يا مها

وارجوا انك تفيدينا بخرتك كمربيه ومدرسه حاليا

اما موضوع هيبة المعلم بداءت فى الانهيار

طبعا الدروس الخصوصيه الطالب معدش محتاج للمدرسه غير

للنتيجه فقط لا غير وطبعا المدرس فى المدرسه قل حضوره

لما الدروس تشتغل معاه لان المرتب ضعيف

المشكله دى حلها انا شايف انه فى ايد وزاره التربيه والتعليم

مرتبات المدرس لازم تكون مجزيه علشان يقدر المدرس يستغنى عن الدروس

الخصوصيه دى لانها بقت حاجه فظيعه

تانى حاجه التعليم لوحده مش كافى دور المعلم اساى فى التربيه وتهذيب خلق طلابه

اللعب على الجانب التعليمى فقط خطأ

لازم ييهتم بالجانب الاخلاقى لطلابه

وكذلك لازم يبقى فيه متابعه مستمره لاولياء الامور

اولا طبعا بشكرك يا تيتو علي مرورك وردك
واكيد طبعا الدور الاول للوزارة بس حتي لو
الوزارة مقمتش بموضوع رفع المرتبات ميكونش البديل الدروس
لان بجد مهنة التدريس اصبحت الان مهنة من لا مهنة لة
اي حد مش لاقي شغل يقول انا هشتغل مدرس
واصبح دلوقتي كرامة المعلم في انحدار تاااااااااااام
وبشكرك طبعا علي كلامك ليا ويارب فعلا اقدر افيدكم جميعا
وبشكرك علي مرورك مرة تانية