عندى اقتراح للمنتدى

يامحمد انا شايفة ان المنتدى كويس بس محتاج بعض حاجات بسيطة

بص ياسيدى
اولا بالنسبة للملف الشخصى فأنا شايفة ان مفيهاش حاجة لما الأعضاء الأخرين يطلعو عليها وبعدين لو كان فيه حاجة العضاء مش عايزين يشفوها مكنوش كتبوها فى الملف الشخصى اصلا
وطبعا الملف الشخصى يشمل المشاركات والمواضيع ودى مهمة جدا
انا ساعات بستسهل وبحب اعرف المواضيع من خلال الملف الشخصى للعضو

ثانيا بالنسبة للمواضيع اللى فيها كذا صفحة
يعنى مثلا قسك الألعاب المسلية فيها مواضيع مشاركاتها كتير وليها صفحات كتير فباجى لأخر مشاركة اللى هى اخر صفحة وابقى عايزة اشارك بس مش فاهمة اللعبة اقوم اضطر اجيب الصفحة الأولى وطبعا فى معظم الأوقات بكسل واقفل الصفحة لأن ساعات النت اصلا بيبقى عندى زبالة ...... فانا بقترح انك تعمل فى كل صفحة تذكير بالموضوع

وشكرااااااااا

ايه يا محمد مردتش ليه ؟؟ اقتراحى مش عاجبك؟

بصى يا نورين فى بعض الصلاحيات الادارة شايفه انها فى مصلحة الاعضاء

وبردوا انا شايف انها فى المصلحه العامه للمنتدى

بمعنى انا لو فتحت حاجه زى الملف الشخصى دى

فيه بعض الاعضاء هتضغط على العضو وتستعرض مساهماته

وترد عليه يبقى انا كدا بموت باقى المنتدى

وزى ما سبق وقلت كل منتدى بيسير على نهج وسياسة مختلفه عن الاخرين

ودا اللى بيخلى منتدى ينجح او يفشل انه يكون مختلف ومميز

نيجى لحوار التذكير فى الصفحات بالموضوع

هيا ليها مميزاتها وليها عيوبها

مميزاتها طبعا زى ما انتى بتقولى ان هتسهل على العضو انه يفتح اخر مساهمة

وفى اعلى الصفحه تذكير بالموضوع هيعلق وانتهى الدور على كدا

طيب وال 15 او ال 16 صفحه اللى فاتوا دوووا

طبعا موش هيبصلهم دى بقى انا شايف انها من عيوبها

بمعنى ان لعبه مثلا زى كرسى الاعتراف الهدف منها

اللى محتاج يعرف حاجه او يسأل اى سؤال بيسأله

طيب أنا محتاج اعرف حاجه عن شخص هوا موش على الكرسى اصلا بس اتسأل قبل كدا

يا ترى هعمل ايه ؟؟؟

طبيعى وانا بقلب هيلفت انتباهى إن العضو دا اتسأل وهتوقف لدقائق وهقرأ اللى انا عاوزه

لو انا بقى عامل تذكير بالموضوع هضغط على اخر صفحه

وعندى فى اول كل صفحه الموضوع يبقى طبيعى موش محتاج اقلب فى باقى الصفح

وبكدا يبقى ملهومش لازمه الصفح دى انها تكون موجوده اصلا

بصى يا نورين اى حاجه فى المنتدى ولو كانت ملهاش اى قيمه

قبل ما تتعمل فعدت وفكرت فيها وموش دقيقه ولو دقيقتين لا دا ساعات والله

موش معنى كدا ان المنتدى كامل والصلاحيات المفتوحه دى انا راضى عنها

حاجه زى الرسايل الخاصه هتتفتح وقريب جدا حاجات تانيه كتير هتتغير فى الصلاحيات

وفى عرض الملف الشخصى فى حاجات هتتفتح فيه

وفيه فكره هتتفتح فيه اللى هيا قائمة الاصدقاء المقربين

وقائمة الاصدقاء المنبوذين متقلقيش يا نورين قريب جدا هتشوفى حاجات كتير هتبسطك فى المنتدى

وفى النهاية بشكرك جدا على اهتمامك بالمنتدى

وعلى تقديم اقتراحاتك من اجل رفع شأن المنتدى

وصدقينى هفكر فى الكلام دا

تقبل مرورى واسف على الاطالة

شكرا يا محمد وانتو الأدارة وادرى بالمنتدى
وعلى العموم دا كان رايى واختلاف الراى لايفسد للود قضية

بشكرك يا نورين على اهتمامك بالمنتدى

وعلى حبك للمنتدى وحرصك على رفع شأن المنتدى ورقيه

وعلى تقديم اقتراحات واكيد هفكر فيها والاصلح هيتنفذ ان شاء الله

» حاجه غريبه انا عندى حق ولا غلطان نقاش ؟؟
» اقتراح بسيط
» فكره أو اقتراح
» اقتراح للمنتدي
» هام للمنتدى وكل اعضاء بخاصة نور الحياة