مش عارفة ليه كدا؟

يابنات انا ملاحظة حاجة غريبة جدا بيننا كبنات
ملاحطة ان فيه بنات كتير (الا من رحم ربى) بيعاملو ولاد عمهم او ولاد خالتهم زى المحارم بالظبط واجى اكلمها تأولى .. دا زى اخويا ... دا بن عمى ... والاقيها تقعد بلبس البت قدامه عادى لا حجاب ولا بتاع كل دا علشان ابن عمى ولا ابن خالتى
طبعا لللأسف كتير من البنات كدا وطبعا دا حرام لأن دول مش من محارمها حتى لو ياستى متربى معاكى بس الشرع شرع واحنا منجيش نحرف فيه ونقول دا زى اخويا ودا عمرى ما فكرت فيه
طيب بقى ياستى وانتى اش عرفت انه بيبصلك على انك زى اخته ؟؟؟ حد يعرف باللى فى نفس الأنسان؟؟ طبعا لا ...الا ربنا سبحانه وتعالى يعلم خائنة الأعين وما تخفى الصدور
يا اختى يا حبيبتى ربنا سبحانه وتعالى حدد فى الأيات فى سورة النور
(وقل للمؤمنات يغضضن من ابصارهن ويحفظن فروجهن ولا يبدين زينتهن الا ماظهر منها وليضربن بخمرهن على جيوبهن ولا يبدين زينتهن الا لبعولتهن او ابائهن او ءاباء بعولتهن او ابنائهن او ابناء بعولتهن او اخوانهن او بنى اخوانهن او بنى اخواتهن ........) طبعا الأيات واضحة جدا ومش محتاجة تفسير هتأوليلى بس انا متزينتش ليهم هأولك امال شعرك اللى مبيناه دا ايه مش زينة برضه ؟؟ امال النصف كم اللى انتى قاعدة بيه قدامه دا ايه مش زينة برضه ؟؟
انا عارفة انى طولت عليكم بس بجد الموضوع دا مهم اوى لأنى شايفاه فى بنات كتير اوى وعايزة ااولك حاجة يا اختى انتى ممكن تكونى طلعتى كدا علشان مفيش حد نبهك سواء والدك او والدتك لأنهم ممكن يكونو مش عارفين او لم يتعلمو وعلى نياتهم بس انتى علشان انتى متعلمة وتعرفى الصح من الغلط والحرام والحلال لازم تغيرى الغلط دا

ارجو انكو تأولو رايكو فى الموضوع دا والولاد كمان ياريت يشاركونا لأن رايهم مهم وشكرا

ميرسيه ليك ياابو وديع بس دا مش مبرر ان البنت تقعد براحتها ادامه
انتو قاعدين فى بيت واحد انما اظن مش فى شقة واحدة وحتى لو البيت مفتوح وكدا فبرضه لازم البنت تلتزم بالبس الشرعى يعنى فيها ايه اما البنت تلبس طرحة ادام ابن عمها ولا ابن خالها ؟
وبعدين عايزة اسالك سؤال مهم \\\
انت كولد هل ترضى ان اختك تقعد ادام ابن خالها او ابن عمها الشاب بدون حجاب او ماشابه ذالك؟؟
انت اعتقد مش هترضى بكد وميرسيه جدا لمرورك ومنورنى بجد

انك حكمتى من غير ما تعرفينا


ابن عمها او ابن خالتها دة اخلاقة اية


اهم حاجة الاخلاق وانة ممكن يحافظ عليها مهما كانت


ميرسيه جدا ليك يا عبقرينو على مرورك الجميل ومجاملتك ليا
انا بتكلم ياعبقرينو بغض النظر عن دا اخلاقه ايه ماهو ممكن يكون الأثنين نيتهم حلوة وكويسة
بس انا بحكى ان القران محددش اذ كان دا اخلاقه حلوة ولا لا دا امر الهى يا عبقرينو واحنا المفروض نقول سمعا وطاعة مش اكتر وبجد ميرسيه مرة تانية ليك

تيتو ميرسيييه ليك جدا على ردك ومجاملتك


(احنا مش اعدين فى غابه يعنى يا نورين

ومش كل واحد ناخد حذرنا منه والا محدش هيرتاح فى اى بيت من اهله

وبعدين احنا بنتعامل مع بعض بشئ من الحرص

يعنى انا وبنت عمتى اعده وانا دخلت مثلا مش هتدخل وتلبس نقاب علشان انا جيت

انا بدخل اسلم عليهم اعد معاهم شويه مش داخل كباريه )

ياتيتو انا مأولتلكوش احذرو من حد ولا انها تلبس النقاب ولا حاجة انا باول انها تلتزم بلبسها الشرعى يعنى على الأقل تحط طرحة بيت وتلبس حاجة تغطيها يعنى زى بيجامة محترمة مثلا وبعدين زى مانت اولت هى انت هتدخل وهتقعد شوية يعنى اكيد مش اعد عندها على طول وحتى لو اعد عندها على طول دا اللى المفروض تعمله كبنت ملتزمة بدينها


((وجايز اى انسان منا يكون بيحب بنت عمه او بنت عمته ودا شئ جايز

وزى ما انتى حبيتى انسان غريب عنك بل دا قريبها بئا))

اكيد جايز جدا بس مش معنى ان بحب شخص انى اقعد قدامه بلبسى العادى ومن غير طرحة
سواء غريب او قريب كلهم اجانب عن البنت ومعنى كلمة اجانب يعنى مش محرم ليها وياتيتو زى ما وضحت فى الأول الأية اللى فى سورة النور واضحة جدا ان البنت متبديش زينتها الا لبعولتهن يعنى الزوج والى اخر الأيات مش هفسرها لأنها واضحة جدا
وبعدين ياتيتو عايزة ااولك حاجة واضربلك مثال بسيط مثلا مثلا نفترض ان واحد مثلا بنت عمته قاعدة بالبسها العادى ومبينة شعرها وعادى بيبصلها على انها اخته ويوم تزوج واحدة و طلع شعرها مثلا مش حلو
وشعر بنت عمته دى جميل .. اكيد هيقارن وهيبتدى يكون عنده عقدة من مراته وبالتالى هيحصل فيه تنافر بينهم كل دا بسبب ميبييييييييييين بنت عمته اللى على نياتها وقاعدة قدامه بشعرها وعلى نيتها خالص تسببت فى مشاكل بين زوجين وهى مش اخدة بالها وبعدين متنساش قول ربنا ( ان النفس لأمارة بالسوء )



((يعنى الامور مش لازم تبقى معقده لان النادر من الناس ماشيه كدا تكاد تكون مش موجوده الان

ودا بدافع الانفتاح اللى بقينا فيه وكل انسان بيعرف يتحكم فى نفسه ويحكم على الانسان

اللى ادامه بمنتهى العقل والحكمه ولو الانسانه شافت ان ابن عمها بيبصلها

بصه مش كويسه مش هتعد معاها اصلا))
ياتيتو الأمور مش صعبة ولا حاجة والله احنا اللى مصعبينها ومعقدينها وبعدين حتى لو الناس معظمهم كدا فمنجيش نمشى ورى الناس ونسيب كلام ربنا بحجة ان القران اجى فى زمن راح وانتهى لالا القران صالح لكل زمان ومكان واكيد علشان دا كتاب الله وربنا يعلم بالماضى والحاضر والمستقبل ويعلم ايه اللى حصل وبيحصل وهيحصل فى كل زمن ياتيتو دا قران وبعدين اسمع كل الشيوخ اللى على القنوات كلها هتلاقيهم بياولو نفس الكلام
ياجماعة انا مش بجيب الكلام دا من عندى ومش باولكو انى ملتزمة ولا متدينة جدا زى مانتو ممكن تفتكرو من كلامى لأن كل بنى ادم بيخطأ ومفيش حد معصوم من الغلط بس غلطنا بقى اننا بنبرر غلطنا دا بحجة اننا فى عصر التقدم والأنفتاح والكلام دا لو مش مقتنعين بكلامى اسمعو الشيوخ الأفاضل ورأيهم فى الموضوع دا ايه و اسئلوهم كمان بس تأكدو انهم هيقولو ان البنت لازم تلبس الحجاب واللبس الشرعى قدام الناس اللى مش محارمها
ومعلش زمنتى زهقتك ياتيتوهههههههههههه بس فكر فى الكلام دا كويس من جهة الدين واكيد هتلاقيه صح

وانا طبعا مش زعلانة من رايك بس بالعكس انا مبسوطة كتير انكم مهتميين بالموضوع وبتاولو رايكم وعندكو ايجابية ورايكم يحترم واختلاف الراى لا يقطع للبنت جلابية هههههههههههههههههههههه

اولا ميرسيه جدا ليك ياعبقرينو ومنورنى على طول

((بس انا عاوز اقولك ان ابن العم او ابن الخال بتهايلى بيبقوا من المحارم))
يا عبقرينو ابن العم او ابن الخال مش من المحارم
ياعبقرينو معنى كلمة محارم يعنى انه مينفعش يتزوجها باى طريقة من الطرق زى الأخت والخالة والأم والزوج والأب والخال والعم والأخ من الرضاعة .....
انما هى من الرحم وليس المحارم والرحم دى معناها انك يجب انك تسأل عليها وتصلها
وزى ما اولتلك كل الشيوخ بياولو كدا وان الكلام دا مش من دماغى واظن مش معقول كل الشيوخ غلط واحنا اللى صح احنا ياعبقرينو مشكلتنا اننا اتعودنا على كدا من واحنا صغيرين لدرجة اننا كبرنا على ان ابن الخال وبنت العم دول زى الأخوات ومن المحارم ومش قادرين نقتنع انهم مش من المحارم
انا مأولتلكش انك تقطع عنهم الصلة او متزورهمش لالا يبقى حرام عليك لأنك تبقى قاطع رحم
انما تزورهم وتودهم بس بشروط اما تزورهم لازم يكون اعد معاها حد يعنى متكونش لواحدها ولازم هى تلتزم بالبس الشرعى اللى المفروض تلبسه بس كدا مش عارفة انتو زعلانين من الكلام ليه مع انى مش بألف هههههههههههههههه على العموم زى مااولتلكو لو مش مقتنعين اسمعو الشيوخ وهتلاقو كلامهم فى المسالة دى نفس الكلام

ميرسيه ليك ياابو وديع انا رديت عليك بعد ردك شكلك مشوفتوش اقرئه تانى وميرسيه جدا لمرورك الجميل

بس انا كان قصدى ان ممكن اذا كان فى الاخلاق موجودة مش هيبقى فى مشكلة سواء كانت لبسة



او حتى مش لبسة سورى فى الكلمة بس انا صريح



الاخلاق كلمة كبيرة وانتى يا نورين

بالنسبة لللأخلاق سواء موجودة او مش موجودة لازم نلتزم لأن الأنسان نفسه امارة بالسوء وعلى راى الشيخ محمد حسان ان الأنسان ممكن يتعرض لفتنة النساء والله لو كانت ذقنه لغاية الأرض فاحنا ليه نعرض نفسنا للفتنة؟؟؟ وطبعا اكيد سمعت الحديث بتاع الرسول ( ماتركت فيكم فتنة اضر على الرجال من النساء) ودا كان على ايام الرسول يعنى كانت اكيد الأخلاق موجودة مش فى الأنحطاط الأخلاقى بتاع الزمن دا فمابالك بقى فى الزمن دا ؟؟؟ وميرسيه جدا جدا

هههههههههههههههههههه ياتيتو انا عارفة والله انكو نيتكو حلوة وكويسة بس زى مااولتلك انى بتكلم فى نقطة الدين اللى محددش للبنت امتى تقعد ادام ابن عمتها اللى اخلاقه حلوة بلبس شرعى او عادى هو امر امر عام واحنا ننفذ وزى مااولتلك احنا القران اجى للماضى ومشاكله والحاضر ومشاكله والمستقبل ومشاكله يعنى اجى لكل زمن وحل مشاكل الزمن دا وعلى فكرة ياتيتو انتو شباب فيكو خير كتير اوى ومش وحشين ومش معنى اننا بنغلط يعنى اننا وحشين او مش متدينين احنا كلنا بنحب ديننا وبنفخر بيه وبنحب ربنا وعلشان بنحب ربنا بنطيع اوامره وبنحاول اننا منعصيهوش ولو غلطنا ربنا غفور رحيم وانا والله مش بعقدكو ولا حاجة ولا انا معقدة فى الدين ههههه لا والله الحمد لله انا بس حبيت افتح الموضوع دا لأنه من وجهة نظرى مهم وانتو رايكو يحترم وعلى راسى من فوق وبعدين بقى انا كنت عايزة شكل وشد شعور ودم ههههههههههههههههههههه مشوفتش يعنى انتو شكلكو اعضاء هاديين ههههههههههههههههههههههههههه انا جاية اهدى النفوس ههههههههههههه

ههههههههههههههههه بس برضه كنت عايزة دم دم
ماشى وانا مقولتش غير كدا بس بالنسبة للنية انت متعرفش نية كل واحد فيهم ايه انا مثلا لو قعدت مع ابن عمتى عادى بدون احتشام على اساس اننا متربيين مع بعض وبنعامل بعض زى الأخوات هل بقى انا دخلت جواه وعارفة دا بيفكر فى ايه؟؟ وحتى لو قالى انتى زى اختى فانا بقى هعرف منين انى زى اخته فعلا؟؟؟ اعتقد مفيش حد بياول لحد انى ببصلك على انك مش اختى وبالزات لما يكون قرايب اكيد هيكون محرج
وليه بقى انا اوقعه فى الأحراج او انى اازى مشاعره مانا من اولها اكون متحشمة علشان ميكونش فيه حرج
طيب افرض العكس افرض هو بيعاملنى زى اخته فعلا وانا بحبه الحب مش الأخوى وطبعا بالمنطق دا يبقى لازم اكون محتشمة طيب بقيت محتشمة واجى بقا بيهزر معايا هزار جامد على انى اخته هل انا هقوله متهزرش معايا علشان انا بحبك حب مش اخوى؟؟؟ طبعا مستحيل وهحسسه انى بحبه زى اخويا بس من جوايا هكون متأذية
طب وليه بقى كل دا ماكل واحد يلزم حدوده وخلاص
وميرسيه جدا ياعبقرينو على ردك

هههههههههههههههههههههوهكتر بس اما الاقى مواضيه جامدة

ههههههههههههههههههههههههههههههههههههههههههه معلش بقى هيسنا بدرى بدرى
فهمتك ياباشا ومنورنى والله

ربنا يكرمك دا بس من زوقك ومنورنى والله