طلب من ادارة منتديات ناميلوس

بسم الله الرحمن الرحيم
ازيك يا ناميلوس
انا هطلب منك حاجة في السريع كدة
املا منا في تطوير منتدانا العزيز
انا بقترح عليك شئ انا شوفتة وكان عجبني
ان احنا نحط في واجهة المنتدي
بجوار( اعلان مطلوب مشرفين وهناك مواضيع لم يتم الرد عليها)
نحط اعلان مكتوب فية عزيزي الزائر اهلا بيك في منتدانا العزيز ونقول فية كمان
ان ممكن يتفضل بوضع اسئلة لضيفنا الكريم علي كرسي الاعتراف ونقول اسم العضو
مثال : ان دلوقتي كابتن تيتو موجود علي الكرسي
فنكتب اسمة ومنها الزائر يكون عندة فكرة مين علي الكرسي
وكمان العضو اللي مش واخد بالة ان تم استضافتة علي الكرسي يعرؤف عن طريق هذا الاعلان
وممكن يكون الاعلان دة بردة للعبة يوم في حياة عضو معانا نكتب مين مطلوب منة يوم يحكية
لان اللعبة بتتوقف كتير احيانا لان العضو مدخلش لاي ظرف او محدش بلغة
ومن هنا اللي هيكون عارف ان علية يوم او اسئلة علي الكرسي ومدخلش عملها سوف يتم عقابة هههههههههههههههه
لا انا بهزر بجد بس هتسهل علي الزائر والاعضاء حاجات كتير
وارجو ان تحظي الفكرة علي اهتمامكم وشكرا

قبل ما ابدأ التعليق ياريت يا مها تقرأ العنوان بعد ما عدلته

وتكونى فهمتى ايه اللى انا اقصده من تعديلى لعنوان التوبيك

اولا يا مها بشكرك جدا على اهتمامك بالمنتدى

واهتمامك ان احنا نكوةن متميزين عن غيرنا

ثانيا بالنسبة لحوار الزوار انا شايف من مصلحة المنتدى العامة ان العضو هوا اللى يشارك

والزائر يشاهد فقط ودا للمصلحة العامة للمنتدى

انا شخصيا شايف ان الزائر لو شارك موش هقدر احكم المنتدى بقوانين وخلافه

بمعنى ممكن اى حد يدخل ويحط كلام موش ظريف ساعتها الكلام دا هيأذيكى وهيأذينى وهيضر بالمنتدى

بخلاف العضو لما يشارك وبعدين الاشتراك فى المنتدى سهل وبسيط جدا وموش محتاج لا وقت ولا مجهود

نيجى بقى بالنسبة لحوار البنر صدقينى الفكرة دى كانت فى دماغى

بس لو تلاحظى فيه شغل كتير على الصفحة الرئيسية انا مستنى بس اخفه شوية

وبعد كدا هننزل ببنر لكرسى الاعتراف وكل اللى انتى عاوزاه هيتحقق

اما بالنسبة لحوار انى اكتب مين اللى على الكرسى دى فكرة جميلة

بس موش هعملها بنفس الطريقة دى

هنبعت رسالة خاصة من الادارة على الميل للعضو اللى المفروض يكون على الكرسى

وهنعرف ان هوا اللى متواجد على الكرسى وكذلك الحال فى يوم فى حياة عضو

انا شايف ان كدا افضل

لان زى ما انتى شايفه ان الصفحه الرئيسية للمنتدى عليها شغل كتير ومحتاج يتخف

بشكرك جدا يا مها لاهتمامك برفع شان المنتدى

اولا طبعا بعتذر يا ناميلوس علي العنوان بس اكيد مكنتش مقصودة
ثانيا انت فهمت جزئية الزائر غلط انا مقصدش انة يشارك معانا علي الكرسي وهو مش عضو
اقصد انة هيعرف انة عندنا كرسي والضيف كذا موجود دة هتكون شوية جذب انتباة لية واكيد يحب يشارك معانا بعد طبعا الاشتراك
ثالثا موضوع وجود الكرسي ويوم في حياة عضو في الواجهة اكيد الادارة هتشوف الاصلح اية ليها هي كانت فكرة بس واكيد انك تبعت رسالة للعضة دي حاجة كويسة بردة
واخيرا طبعا بشكرك علي اهتمامك وردك وربنا يوفقكم

يا باشا مفيش بينا اعتذار وارجو تكونى فهمتى اللى انا اقصده

نيجى للزائر الفكرة مقبولة واكيد هتلفت الانتباه

وهيتم تنفيذها فعلا

بس اخف الشغل الكتير اللى على الواجهة دا الاول

وبشكرك مرة تانية على اهتمامك بالمنتدى وبشكرك على افكارك المميزة

بشكرك يا ناميلوس علي ردك واهتمامك
وربنا يقدرنا علي تقدم المنتدي
وربنا يوفقكم جميعا

» فقط وحصريا علي منتديات ناميلوس عايز تعرف اللعبة اللي بتدونها هتشتغل علي جهازك ولا لا ادخل علي منتديات ناميلوس
» حديقة منتديات ناميلوس
» علمتنى منتديات ناميلوس
» اعلنت انسحابى من منتديات ناميلوس
» هل فعلا من حقى ان ابكى(منتديات ناميلوس)