برجاء متابعه الموضوع لاخره (اللهم اهدنا واهدى بنا)

[ندعوك للتسجيل في المنتدى أو التعريف بنفسك لمعاينة هذه الصورة]

ازيكم جميعا يا شباب يارب تكونوا جميعا بخير وصحه وسعاده

فى البدايه الموضوع كلامه هيبقى صغير جدا بالنسبه لمعناه

احب اسئل كل واحد فيكم والرد هيكون بينه وبين نفسه

بس لازم علشان تحس معنى التوبيك والكلام دا محتاج تكون صادق مع نفسك اكتر

هقولك انت او انتى نفسك تتوب عن كل حاجه انت لسه بتعملها وانتوا عارفين انها حرام ؟؟

هتقولوا ايه ؟؟؟!!!!!!

هقولك انت راضى ربنا عنك بنسبه كام ؟؟؟؟؟؟؟ هتقولوا ايه؟؟

هقولك انت او انتى شوفتى كام انذار من ربنا ليكوا ومش رجعتوا ليه بردوا ؟؟ هتقولوا ايه ؟؟!!

هقولك انت او انتى كام مره حمدت ربنا على النعم اللى انعم عليك بيها ؟؟ هتقولوا ايه ؟؟!!

بكل بساطه هقولك انت حافظ اد ايه من القرأن هتقولى ايه ؟؟؟؟؟؟؟؟!!!!!!

هقولك انت تعرف ايه عن مسيرة النبى عليه افضل الصلاه والسلام هتقولى ايه ؟؟؟؟

هقولك وهقولك وهقولك .... وانتوا هتردوا بايه وانا زيكم بالظبط

بجد يعنى مهما اتكلم واشرح الحاله الجميله لما الواحد بيرضى ربنا

مش هقدر اوصف مدى السعاده والاطمئنان وعدم الخوف والقلق

كل الاسئله دى انا سئلتها لنفسى قبل ما اتكلم معاكم فيها وللاسف

ردى كان محرج جدا واعترف بكدا والسبب فى انى افوق من اللى انا فيه دا

حاجه بسيطه جدا يوم كدا داخل اصلى قولت اما اصلى كدا يوم مره كدا

لاقيت مين اللى بيصلى جمبى انسان عفانا الله مريض عقليا ومن زوى الاحتياجات الخاصه

طلعت من الصلاه حاجه هزتنى من جوا مش عارف هيا ايه بس حسيت

ان ربنا بيقولى فوق اعرف انت ماشى ازاى انت عملت بلاوى وانا مش عاوز افضحك

انت ايه هتتعظ امتى انا اديتك كل حاجه انت اديتنى اييييييييييييييييييييييييييييييييييييه ؟؟؟؟؟؟؟؟؟؟؟

يااااااااااااااااااااااااااااااه حسبت نفسى لثوانى بجد اتكسفت اوى

والشيخ محمد حسين يعقوب قال كلمه جميله اوى اوى بس للى يفهمها

بيقول فى احد البرامج بتاعته

(انا قولت للزانى والزانيه اخى المسلم واختى المسلمه

* قولت للسارق والسارقه اخى المسلم واختى المسلمه

لكن انت يا تارك الصلاه اقول لك ايه وانت الاسلام برئ منك )

الموضوع مش ساهل يا جماعه والله

والحقيقه انا تابعت سلسه على فين يا شباب وراجعلك يارب

بجد المجموعتين دول فوقونى جدا جدا جدا واستفادت منهم جدا جدا جدا جدا

اتعلمت من جديد بمعنى اصح يعنى ايه اسلام يعنى ايه دين علشان يطلع للنور

ناس ضحت بنفسها ناس احنا المفروض نتعلم منهم ومن اللى حصلهم علشان نحافظ على اللى احنا يه

وارجوكم تابعوا معايا السلسله فى اقرب فرصه هتكون نازله فى الصوتيات الاسلاميه

بجد ياما شوفنا مواقف وانذارات ومش بنتعلم

خلونا نقرب من ربنا ونشوف هتكون ايه النتيجه صدقونى راحه وسعاده جميله جدا

فايده السلسه دى بتعرفنا احنا فين وهنوصل لايه لو كملنا ولو اتغيرنا هتكون ايه حلاوة دا

هتعلمنا حاجات كتيره جدا بس تابعوا معانا التوبيك دا علشان نراجع حسابتنا ودى

حاجه بينا وبين نفسنا اللى عايش حياته ومش حاسس باللى بيعمله

يحاسب نفسه يلحق نفسه يشوف اخرت اللى هو فيه دا ايه

واللى اقرب الناس ليه فارقوا الحياه يتعلم ويشوف لو هو مكانهم هيبقى مكانه الجنه ولا النار

هنشوف بس حياتنا هتبقى عامله ازاى وباذن الله ربنا يقدرنى

واقدر انزل ليكم المجموعه كامله على الصوتيات الاسلاميه

بس السلسله دى هتزداد قيمتها لو قدرنا نغير نفسنا لحاجه احسن هنرتاح كتير صدقونى

وارجوا من كل اللى بيشوف التوبيك دا ويرد فيه يكون صادق فى كلامهم

وصادق اكتر مع نفسه بحيث يبقى عنده القدره الحقيقيه على التغير ويقدر يقول لاء

راجعلك يارب انا اسف التوبه الصادقه عن كل اللى بنعمله وعارفين انه من المحرمات

اللهم اما بلغت اللهم فاشهد

برجاء ادعو لى بالهدايا

اللهم اهدنا واهدى بنا

Capta!n T2

اللهم اهدنا واهدى بنا

تيتو بجد التوبيك ماشاء الله مفيد جدا

انا جاوبت على اسئلتك مع نفسى والله اتحرجت جدا

لان حاسه انى بعيده عن ربنا رغم انى بصلى بس ده

مش كفايه لان لازم نعرف عن ديننا حاجات كتير احنا جاهلينها

ونبعد عن حاجات ملهاش لازمه فى حياتنا بتجيب ذنوب وبس ومفيش

حد مش مأثر فى حق ربنا بس لازم زى مانت قولت نقدر نقول لاء ونتغير

للاحسن ونقرب لربنا اكتر ونقرأ عن ديننا واكيد هنلاقى حياتنا بقت احسن بكتير

من الاول ..تيتو بدعيلك وبدعى لنفسى ولكل مسلم ان ربنا يهدينا جميعا وكل اللى يدخل

التوبيك ويقرأه يتعظ وانشاء الله هنكون احسن

بشكرك جدا ع التوبيك وجزاك الله كل خير وجعله فى ميزان حسناتك

ومستنيا المزيد من الجديد

ميرسى جدا ليكى انجيل على المرور

والاهم من المرور هيا صراحتك وجرئتك للرد

لان زى ما انتى شايفه المشاهدات ومفيش رد

بس يارب التوبيك دا يبقى سبب ان فيه ناس تعيد النظر للى بتعمله

بجد نفسى انزل كل اللى عندى على الجهاز حاجات جميله جدا وهتفيدنا بس الوقت بئا

مش كافى عندى هنا والله انجيل وكمان النت تعبنى شويه

بس ربنا ياخد بايدك وتقدرى تغيرى الجزء اللى انتى مش حاباه فيكى

وربنا يجازيكى كل خير يا انجيل

اللهم اهدينا واهدي بينا

واعفينا واعفي عنا جميعا

بجد طلعنا فعلا مقصرين مع ربنا لابعد الحدود

ومتي هنفوق يا تري بعد فوات الاوان ولا هنلحق نفسنا قريب

الاسئلة مش صعبة بس اجابتها هي اللي بجد تكسف اي حد

ربنا نعمة علينا كتير اوووووووووووووووووي فين بقي حقة علينا

انا واحدة من الناس اكيد اتكسفت من نفسي لما جاوبت عليها لاني مقصرة فعلا

بصلي الحمد الله بس مش كفاية فين حقوق الاخريين علينا فين صلة الارحام

فين حق الفقراء والايتام فين حق الوالدين علينا وكتييييييييييييير اوووووووووووووووووووي

بجد لازم نتغير لان لو فات الاوان الندم مش هيرجع شئ

منكرش ان فيا حاجات كتير اتغيرت عن الاول ولسة بحاول

بس بجد بشكرك يا تيتو علي التوبيك الاكثر من رررررررررررررررائع

وانة اتاح لي فرصة اقول كلام جوايا صعب اقولة بس انا كنت صريحة مع نفسي قبل ما اكون

صريحة معاكم لان مبقاش فية وقت لسة نخبي يا تري هنعيش قد اللي عيشناة حد فينا ضامن

هيعيش لحظة واحد بعد النهاردة ولا لا

وبشكرك مرة تانية وفي انتظار المزيد

ميرسى ليكى يا مها وربنا يهديكى كمان وكمان

وباذن الله صدقينى حاولى هتقدرى تغيرى كل اللى انتى شايفه انه غلط فيكى

وصدقينى فيه حاجات كتيره جدا لو عرفناها هنترعب قبل ما نعمل شئ

احنا عارفين انه حرام وكل حاجه وليها عقابها وقبل العقاب فيه نعمه ربنا اديهلنا

واحنا مش بنحافظ عليها

دا اللسان ابسط حاجه لما بنتكلم كلمه واحده فيه 18 حركه سبحان الله

صدقونى ربنا هيساعدنا لو احنا من جوانا اخدنا خطوه ادام رربنا يساعدنا كلنا

ويارب الناس تاخد بالها قبل فوات الاوان

نورتى التوبيك يا مها

اللهم اهدنا واهدى بنا

اولا موضوع بجد أكثر من هايل تيتو والكلام فيه كتير أوى

موضوع مهم جدا جدا وحقيقى كلها اسئله لازم نسألها لنفسنا ده لو مش كنا سألناها

وبعدنا عنها لكثرة خجلنا من اجاباتنا عليها وانا مش هنكر أنى مقصره وغير راضيه عن

علاقتى

بربنا وأن فيه حاجات كتير اخدتنى وشغلتنى عن العلاقه الجميله دى اللى المفروض كلنا نتحلى

بيها

انا فعلا بقول الكلام وانا خجلانه من نفسى بس هى دى الحقيقه بعدى عن ربنا فى حاجات كتير

حصلت معايا بس كل اللى بصبر نفسى بيه ان ربنا غفور رحيم وامنى ان اقرب لربنا اكتر

وعلاقتى بالخالق العظيم تكون أفضل من كده بكتير واتمنى من ربنا العون والمساعده لانى فعلا

ندمانه ع اى شئ قصرت فيه فى حق العلاقه الروحانيه بين الخالق والمخلوق وفعلا سألت نفسى

الاسئله دى بس اتحرجت بينى وبين نفسى واتحرجت من الخالق مهما كان ربنا رحيم بينا ورحمته

شامله كل شئ بس مش لدرجه اننا نهمل حاجات كتير فى دينا ونقول ربنا هيغفر لينا منطق اكتشفت

انه غلط ميه فى الميه بالعكس ده لان ربنا غفور لازم نخجل من نفسنا لما من غلط فى حق

اعظم شئ فى حياتنا فى حق من وهبنا الحياه وبرغم انى بصلى الحمدلله بس برضه الصلاه

لوحدها

لا تكفى شئ بجانب اشياء كتير بنتغاضى عنها ونتلاشاها كأننا جهلاء لا نعلمها برغم وعينا

وعلمنا

بالغلط والصح والحلال والحرام بس كأننا اتعودنا نغلط ونقول ربنا هيبسامح

واتمنى اننا كلنا نستفيد من الموضوع ده ويكون سبب فى تغيرنا للاحسن وربنا يهدينا جميعا

واتمنى ان كل الاعضاء تدخل الموضوع ده ويكون عظه وعبره فى حياتنا ويكون خيط لهدايتنا

وتوبتنا توبه نصوحه ونوعد نفسنا اننا مش هنغلط تانى وهنتعلم من غلطنا واخطأنا

ميرسى تيتو ع الموضوع المهم فى حياتنا ده وربنا يجعله سبب لهداية الجميع

» ساعات بتكون الحقيقة اغرب من الخيال
» برجاء الدخول وقول انت هتعمل ايه
» برجاء الدخول وعرفنا رائيك ايه ...هااااااام
» فصل الخطاب فى حكم النقاب
» ما الخطاء الذي ما زلت نادم عليه لغاية الان ؟