سؤال وعايزاله اجابة ؟؟

لو انت من وانت صغير وحيد وحاسس بالوحدة القاتلة وكبرت وصاحبت وكونت صداقة ولسة حاسس بالوحدة

وفى يوم اتكلمت مع صديق وارتحتله واحتجتله اوى واتخلى عنك ولجات للأخر وكنت فى امس الحاجة ليه

وبرضه سابك وانت محتاجله اوى وقابلت بقى واحد احسن منهم كلهم وحسيت ان عقدة الوحدة هتتفك معاه

والواحد دا قاسى اوى ومش مقدر اى حاجة بعد اما خلاك تحبه اوى

السؤال بقى ليه الناس اما بتكون محتاجة لحد اوى الناس والحد دا بالذات بتخلى عنه؟

لو انت مكان الشخص الوحيد دا كنت هتعمل ايه؟؟

ليه كل واحد بيفكر فى نفسه وبس ومش بيفكر فى الطرف الأخر يعنى انا اما اكون محتاجة لحنان شخص
والشخص دا ممكن يكون محتاجلى بس مش اوى وبعد اما احس انى مش محتاجاه هل امشى واسيبه ؟؟
مش المفروض افكر فيه برضه زى ماهو فكر فيا ؟؟

كل دى اسئلة بتدور فى دماغى ليه الناس بتعمل فى بعضها كدا؟
ياريت تاولولى رايكو

بجد رايك جميل جدا جدا ياامال وعندك حق مش شرط اننا نكون بنتكلم عن حبيب ولد يعنى ممكن تكون صديقة او واحدة كانت مقربة ليكى كدا يعنى بجد منورة موضوعى ياجميل

ههههههههههه لالا بالعكس كلامك جميل جدا بس مش شرط انى انا اللى بيحصلى كدا انا عاملة الموضوع عامة مش عليا ههههههههه هو يمكن فعلا انى بحس ان الناس بتبعد عنى بس من الواضح كدا انى بفهم الناس غلط خالص او ممكن يكون اختيارى غلط من الأساس ودى حصلتلى قبل كدا بس الحمد لله خلص الموضوع من زمان بس اللى يمكن بيزعلنى اكتر ان بيصادف فى الوقت اللى اكون محتاجة للشخص دا اوى احس انه بيبعد فدا بيخلينى اكره حياتى كلها لأنى بحس انى مختلفة فى مشاعرى واحاسيسى عن اى حد يعنى بمعنى اوضح لما احس ان حد مهتم بيا ولو حتى لمجرد الأخوة بحس انى عايزة اديله كل حاجة من حنان وحب وعطف احس ان من الواجب عليا انى لازم اخليه اسعد انسان فى الدنيا وفعلا كنت عملت كدا من اللى اخترته غلط بس لللأسف لقيت رد فعل غير متوقع منه صدمنى وخلينى افقد الثقة فى كل حاجة

اوكى رايك محترم ياعبقرينو بس مفيش حد قال اننا مفيناش عيوب احنا كلنا عيوب بس مش معنى كدا ان كل مرة احنا اللى وحشين فيه ناس كتيرة وحشة برضه وناس كتيرة حظها مش بيقع الا على الناس الوحشة يعنى انت مثلا صاحبت شخص واكتشفت فيه انه مش كويس فسبته وبعد كدا صاحبت حد تانى وبرضه اكتشفت فيه انه مش كويس فسبته وهكذا فمش معنى كدا ان انت اللى غلط وهو اللى صح علشان الموقف اتكررر لالالالالالا ممكن انت حظك يقع 50 مرة فى ناس مش كويسة وتسيبهم وتكون انت اللى صح برضه
عموما نورت ياعبقرينو الموضوع واسعدنى مرورك