يوم فى حياة عضو معانا

هههههههههههههههههههههههههه

والله ياعبقر يـــــــــــــــــوم جامد

بس السرقه دي عشان الطيب معاك

ممكن يكون الطيب

هههههههههههههههههههههههه

منا قولتلوا كدا يابو وديع محدش يستبعدها هههههههههه

يلا يا اتش قول يوم علشان اللعبه تمشى

هو يوم كنت رايح

انا وابويا ازور عمتى فى القاهرة

فوصلت فى حدود الساعة 2

وروحت لا ولدها جميعا

وحنا مروحين العربية بتاعتنا عملت حادثة

خبطتها عربية نقل وربنا ما يوريكوا خبطة النقل

والمهم احنا كنا سلام والناس جابوا عربية

تشيدنا ولما وصلنا المنصورة

ابويا اتصل بعمى عشان

يقبلنا وداة كان اوحش يوم فى حياتى

داة غير الثانوية العامة

اتمنى انى ماكنش صدعتوكم

ههههههههههههههههههه

اختار زعيمة الما فيا لو بتدخل

لو مش موجودة يبقى

ناميلوس

هههههههههههههههههههههههههههههههه
اية اليوم اللي انت اختارتة دة
صعب بجد طيب الحمد الله انكم بخير
وننتظر يوم جديد

اولا بشكرك يا اتش ان انت اختارتنى

نيجى بقى لليوم اللى يارب ما يتكرر تانى وما يوريكم اللى شفتوا هههههههههه

أنا اليوم اللى حصلى كان غريب حبتيين

ويمكن اول مره بيحصلى موقف زى دا

هوا كان فى أيام الامتحانات والموقف دا

عبقرينو وتيتو كان موجودين كانوا واقفين مع والدى ومع أعمامى

وهيا كانت خناقه بسيطه كدا فى الجامعه مع عامل فى الجامعه

بس انا وصاحبى ما أدركناش عواقبها

المهم العامل اللى اتخنقنا معاه دا اتفتح 3 غرز وكتب فينا محضر فى الجامعه عند قائد الحرس

وتقرير طبى وحوارات

وطلعنا قسم أول ونيابه وكلبشات وعربية ترحيلات وحجز مع المتهمين والمسجلين

المهم والراجل اتنازل فى الاخر بس امتى بالليل فى النيابه

الحوار دا قعد حوالى 9 ساعات من الجامعه لقسم اول للنيابه

بصراحه الموقف دا اصعب موقف حصلى فى حياتى ويارب ميتكرر تانى

لامعايا ولا معاكوا

وأختار كريزى جيرل او ملكة الحزن

طيب الحمد الله انة مر علي خير
ويارب فعلا محدش يحصل معاة كدة ابدااااااااااااااااا
وفي انتظار العضو القادم

حبيبى يا ناميلوس باشا

دا كان حتة يوم من ايام الامتحانات بئا

واللى يضايق انه تانى يوم امتحانى انا وعبقرينو ههههههههههه

وروحنا للواد نلاقى العامل ايه مدمر هههههههههههه

ناميلوس فى اليوم دا رايح اشرب سيجاره قالى حاسب ياعم ابويا واقف مينفعش

هما ساعتين وكنت واقف انا وابوه مولعين وعمالين بنحاول نحل فى الموضوع هههههههه

والمعلم فوق ولا حاسس بالدنيا واحنا طالع عينا تحت واقفين لحد اما ربنا حلها بئا

اللى ليه واسطه فعلا والمشكله انه كان ممكن يطلع من قبل ما يروح فى اى حته

وكنت ناسى ان واحد صاحبى جوز اخته رئيس محكمه كان زمنا خلصنا

وبعد ما روحنا بالليل الساعه 12 طبعا كنا ميتين ومش ذاكرنا حاجه لا انا ولا عبقرينو ونمنا

الساعه 3 وصحينا سابعه مدمرين والماده كانت مش بتتذاكر اصلا هههههههههههههه

ابقى احكى يومك كامل يا بروف عيب عليك دا انا ناويهالك هههههههههههه

بس كنت عسل فى اللى بالى بالك انت فاهمنى ههههههههههههههههههه

ههههههههههههههههههه

دا انت فضحتنى يا تيتو الله يا يفضحك يا بنى هههههههههههههه

وبعدين انت بدور على ماده كانت تانى يوم امال انا اعمل ايه فى الماده اللى كانت يومها

والبطايق والكارنيهات مسحوبه عند قائد الحرس ودخلت امتحن

سيبها لله موش امى دعتلكم بزمتك حليتو زى المادة دى هههههههههههههه

عموما ردك دا أنا هحذفه ويارب محدش يكون شافه

هههههههههههههههههههههه

منتظرين يا جماعه اللى عليه الدور

انا اخترتك عشان تقول اليوم داة

يا ناميلوس عشان كنت عاوز اعرف

التفاصيل بتاعت الموضوع

ههههههههههههههه

لا والله يا اتش المفروض انا اللى اختار العضو

اللى عليه الدور صح

انا كنت عايزة اعرف ايه الحكاية كنت عايزة اسالك يا محمد بس نسيت

حكاية ايه بالظبط يا نورين هههههههههههه

اللى تيتو بيحكى عليها وانت حذفت الرد بتاعها ههههههههههه

على فكره يا نورين انا كنت كاتب ردك يا تيتو انا هحذفه

ويارب محدش يكون شافه لكن انا والله ما كنت حذفته ولا حاجه دا كان تهريج

ولو قرأتى التعليق بتعاى اللى فوق هتفهمى

الحكاية اللى انتى عايزة تسألى عليها

طيب ومالك اتنرفزت اوى كدا ليه ههههههههه
خلاص ياسيدى انا غلطانة واسفة هههههه

يا ستى وربنا لا اتنرفزت ولا حاجه

بس كل ما افتكر الحوار بجد بيضايقنى

انا كنت زى زى اى حرامى كلبشات وحوارات

وكان معايا ناس مسجل فى الحجز وليلة تانيه

ويا ستى انتى موش غلطانه ولا حاجه

وجهزى نفسك عشان انا اختارتك تحكيلنا عن يوم

اوكى

طيب يا نورين اوكى اوكى

منتظره ايه لسا احكى احكى بس يوم يكون مميز

مختلف عن ايامك كلها

ههههههههههه ماشى

كان اول يوم اروح فيه الكلية

كنت سافرت للمنصورة مع واحدة صحبتى فى اوتوبيس الهرم اتبهدلت اخر بهدلة لأنى بتعب من السفر والعربيات وصلت مطلعة اللى فى معدتى ومكنتش ادرة اقف المهم صحبتى راحت المدينة وسابتنى وانا كنت اول مرة اطلع بره بلدى لواحدى بقيت ماشية مش عارفة انا راحة فين ومكنتش عارفة اى حاجة وكمان كان معايا شنطة
المفروض بقى انى اركب تاكسى يوصلنى حتى على كلية اداب انما من زكائى اخدها مشيا على الأقدام ههههههههه مكنتش طايقة اركب عربيات من المدينة للكلية وطبعا اعدت اسأل فين وفين اما اندليت على الكلية اخيييييييييييرااااا وصلت الكلية ومن الكلية اعرف اروح للسكن اللى مأجراه رحت مهدودة ووديت الشنطة ورحت ع الكلية
دخلت الكلية طبعا وانا معرفش اى حد ولا اعرف حتى مدرجنا فين اعدت اسئل على شباك فلسفة وروحتله علشان ادفع المصاريف لقيت بنات اتعرفت عليهم من القسم وودونى اخيرا على المدرج
هههههههههههههه بس

ماساه يابنتى ربنا يعينك

انا بختار اللى بعدى بهاء اللى هو بيبو

هههههههههههه يوم صعب فعلا يا نورين ههههههه

بتتعبى وربنا كان الله فى عونك ههههههههه

ايه يا بهاء باشا منتظرينك تحكيلنا عن يوم ههههههههه

هخليه يدخل النهاردة اصله بيبقى مشغول حبتين

هههههههههههههههههه
والله هى الايام المميزه كتير جداااااااااا
بس احلى يوم
كان يوم نتيجة تالته ثانوى اصل انا بعيد عنكم كنت متدمر فى سنه تانيه
هو صحيح كان يوم كله حوادث والنت كان فاصل والجكايه مكانتش تبشر بالخير
بس الحمد لله عدت وجبت مجموع كويس ودخلت كليه جميله
هى مش جميله اوى يعنى
بس هى حلوه وانا بحبها

انت هتأولى على النتيجة ههههههه دى كانت ايام غريبة
يالللا هتختار مين؟

انا مش اعرف حد هنا يعنى
اختارى انتى بالنيابه عنى

اوكى هتختار نور الحياة

الحمد لله ان اللعبه الجميله دى اشتغلت

ويوم جميل يا بهاء وصدقنى يا مان كلنا موقفنا يوم تالته ثانوى

موقف بطولى ههههههههههه

ويلا يا ندا ياريت تقوليلنا يوم جميل كدا ويكون طويل شويه

يوم جميل جدا يا نورين

ويومك يا بهاء قصير كده ليه هههههههههههههه

كنت احكى بقى عن اللى عملته طول اليوم

ومنتظرينك يا ندا تحكى

هههههههههههههههههههههههههه

يعنى لازم الاحراج ده يا نورين ماشى ياستى وانت عاوزه طويل ياتيتو كمان

اوووووووووووك يا جماعه

هو يوم بصراحه كان صعب جدا وحصل فى مصيف مراقيا

كنا فى المصيف فى مراقيا ودى كانت اول مره نشوف البلد دى او نصيف فيها

اول ماوصلنا تانى يوم ع البلاش وكنا لسه هنكتشف البلد بقه ونشوف هنقضى اليوم ازاى

يعنى انتوا عارفين المصيف بقه ونظامه هههههههههههههههههه انا وولاد عمى قولنا بقه هنهيس

ونشوف جروب لذيذ نتعرف عليهم اكتر ونشوف حالنا بقه ههههههه

المهم وانا قاعده لقيت طفله بتعيط جامد اوى ومش عارفه مامتها فين

وجات عليا اخدتها جمبى وفضلت اسكت فيها وانا مش عارفه هعمل ايه لو مش لقيت اهلها

ولاد عمى قالولى خلاص سيبيها وتعالى نقضى اليوم اصل احنا كده هنفضل مرتبطين بيها

بس بجد والله ماقدرت وخلتها معايا لو حد سأل وكنت بلعب معاها فجأه لقيت واحده جايه عليا

مسكتنى بهدلتنى جامد واتهمتنى انى بسرق بنتها هههههههههههه ولمت عليا البلاج كله

وقالت انها شافتنى وانا واخده البنت وماشيه وانا يومها خوفت جدا وقالت هتبلغ الشرطه

وانا معرفتش اقولها ايه لاانا ولا ولاد عمى لولا بابا وواحد صاحبه اللى كان عازمنا اصلا

حضروا وبابا بقه مش يبتوصى مسكها بهدلها وقالها ان هو اللى هيبلغ الشرطه وانها نهمله وبتتهم

الناس وخلاص هههههههههههه والاخر اتأسفت بعد ماعرفت الحقيقه بس بعد ماحرقت دمى

وبهدلتنى وضيعت عليا الشاب الوسيم اللى كنت هتعرف عليه ههههههههههههههههههههه

ومن يومها وانا قررت انى مش اعملها تانى ده بالنسبه ليا كان يوم صعب اوى

» لكل محبى كرة القدم ادخل معانا وقوووووووول
» حكاية الحياة معانا.... وماذا تعلمنا منها
» اروع لعبة فلاش شغل دماغك ويلا العب معانا دون بسرعه
» احلى واطيب تحيه من اداره منتديات ناميلوس لمشرفتنا الجميله ملكة الحزن هنوا معانا يلا بسرعه
» حياة قلبي .. مع كتاب ربي