عبقرينو حلال المشاكل العاطفية (انا والنجوم وهواك)

انا مع الطيب ف الرد بتاعه دة فعلا الوقتى من النادر لما تلاقى شاب او فتاة يستهلو ان الطرف


التانى يحبهم وبالنسبة للحب من وجه نظرى


اللى بيحب بجد ممكن يعمل اى حاجة لحبيبه

[ندعوك للتسجيل في المنتدى أو التعريف بنفسك لمعاينة هذه الصورة]

نورين مع احترامى لصحبتك

هيا اكبر غلطانه ازاى تسمح لنفسها انها تحب واحد متجوز

تفكر انه عنده اسره وبيت

وانها ممكن تكون سبب فى يوم من الايام ان البيت دا يتهدم

تفكر فى الاصلح ليها وهو انها تبعد عنه

تحاول تحترم بيته واسرته

اعذرينى فى ردى عليكى بس لازم تكون صريحه مع نفسها

وانتى كمان لازم تنصحيها

اوكى لو هيا بتحبه وهو باعها واتجوز يا نورين

يبقى هيا علشان نفسها تنساه لانه لو رجع ليها تانى

موش هيبقى لحب هيبقى لحاجه تانيه

دورك انتى كصديقه ليها انك تقفى جمبها وتساعديها

علشان تبعد عنه وتفكر فى اسرته الجديده

لان اصعب حاجه هدم البيوت

وخليها تفتكر دايما

(كما تدين تدان والديان لا يموت)

يا عبقرينو باشا طبعا دا بعد توجيهات سعادتك لينا

وانت صاحب الفكره الاكثر من مميزه دى

وميرسى ليكى انتى نورين لطرحك للسؤال دا لان

فيه كتير محتاج لتوضيح ليه

هههههههههههههههههه

ربنا يزيد من مشاكلك ياعبقرينو استضفنا بقه ممكن لاول مره

فى بابا المشاكل دى

لو الواحد بيزيد اوى فى غيرته والغيره دى سببت فى مشاكل

لان الطرف التانى رافض الغيره بطريقه التحكم فى حياتك

نتصرف ازاى معاه وانه يقف ع كل كلمه او اى تصرف

هههههههههههههههههههههه

ياسلام ع الدلع ياسى عبقرينو ليه بقه

هقابل الغيره بالحب بس فيه غيره بتموت الحب ده وتقتله

ولا انا غلطانه

اوكى يا جماعه فى كلامكم كله صح

نظرا بئا عن كلام الملايكه دا كله

ندخل فى الكلام الواقعى

انا انسان بحب واحده بثق فيها جدا جدا

وبحبها جدا جدا

لكن هاجى مره الاقى واحد بيكلمها ولو حتى فى ماده علميه

وتقولى هتقبل الموضوع عادى كدا وموش هضايق

سورى يعنى انا موش بقيت اوروبى لسه

انا راجل وشرقى كمان اذا مكنتش هغير على حبيبتى امال هغير على مين ؟؟؟؟

انا عارف هيا بتتصرف ازاى وواثق فيها

بس موش هقدر اعصم نفسى عن الغيره من حبى فيها

لان انا لما بخاف على اختى وعلى بنتى موش تمكلك فيهم

بيبقى بدافع خوفى عليهم ومقدار حبى ليهم

تقبلوا مرورى ورأئى المتواضع

مع احترامى لكلامك ياكابتن تيتو بس انا شايف انك بكده ادخلت بعض الامور فى بعضها مثلا انا بخاف على بنت الخوف ده ليس غيره بمعنى انى لو شوفت واحد بيعاكسها لازم ادخل ادافع عنها خوفا عليها من الشخص ده ده اسمه الخوف عليها بس دى مش غيره ده خوف عليها من الشخص اللى بيعاكس ده انه ممكن يعمل حاجه مش كويسة مثلا لكن كلمة غيره غير الخوف ومالهاش علاقة بالخوف الانسان اللى بيغير مش بيخاف على حبيبته ده مجرد انه سورى انانى او عاوزها ليه وتملك وبس ومش عاوز يديها اى حرية خالص فى اى حاجه خالص والشخص اللى بيغير ده انه يخاف عليها من اى حاجه حتى لو من اخوها فيه ناس كده صدقنى واعرفهم ممكن يغير من اخو مراته او اخو حبيبته يبقى ده مرض وليس خوف وبعدين طبعا الغيره بتؤدى لفشل العلاقة بين البنت والولد لانه اكيد هيكون كاتم عليها حياتها او هى كاتمه عليه حياته وخنقاه دايما بسبب الغيره والغيره بتولد الشك والشك بيولد عدم الثقة واستحاله ياكابتن تيتو يكون فيه ثقه مع غيره والغيره بتعتبر مرض

لو انا واثق فى حبيبتى جدا عمرى ماغير ولا اشك فيها ابدا لكن لو مش واثق فيها اكيد هشك فيها واكيد هغير

وصدقنى استحاله استحاله اان يكون فيه انسان بيغير على حبيبته وتلاقيه واثق فيها

استحاله بجد يكون بيغير وبيثق فيها فى نفس الوقت

ده زى بالظبط كانك بتقول احط الميه والنار مع بعض هل ينفع يبقى فيه ميه ونار مع بعض طبعا لاء يبقى مافيش غيره وثقة مع بعض

مع احترامى ليك يا برنس فكر فى كلامك هتلاقى فيه

حاجه غريبه انت بتغير وانت خايف عليها

وجهين لعمله واحده

ماهو غيرتك عليها ناتجه من خوفك عليها

حاجه عامله زى الفلسفه كدا

لكن انا فى الاول والاخر راجل شرقى

موش اتربيت فى امريكا علشان ابقى بارد فى مشاعرى

الراجل الشرقى معروف انه دمه حامى

وانا لما اغيره عليها قولت قبل كدا موش عدم ثقه فيها دا شعور

بداخل اى واحد فينا تلقائى كدا

موش بنعرف نسيطر عليها

نما موضوع المعاكسه دا موضوع تانى خالص انا موش اتكلمت عليها

انا قولت واقفه مع اى حد بيتكلموا مثلا فى دراسه ماده علميه

هغير وهضايق شويه بس غصب عنى طبعا لانى بحبها

دا شعور جوايا وكل واحد بطبيعته طبعا محدش يقدر يتحكم فى حد

بس دا بيبقى طبعى انا تقبلوا مرورى

وبالنسبه لعبقرينو بيه بئا

ايه دا ياواد يا عسل يا مزاجوا دا انت عامل جو جامد اهو ههههههههههه

اية يا جماعة مفيش مشاكل