حظك اليوم علي الطريقه الاسلاميه

السلام عليكم انا جايبلكم النهارده موضوع جامد هو عباره عن فكره من ابتكاري

طبعا كلنا عندنا مصاحف في بيوتنا الفكره ان كل واحد فينا هيقوم من النوم الصبح هيفتح المصحف علي اي صفحه

عشوائيا ويحط ايده علي اي ايه عشوائيا برضه ويحاول علي اد ما يقدر يطبق الايه دي علي نفسه ف اليوم ده مثلا

لو شاف ايه زي : بسم الله الرحمن الرحيم "واقيمو الصلاه واتوا الزكاه واركعوا مع الراكعين" يبقي اللي مش بيصلي

يبتدي يصلي واللي بيصلي مقطع ينتظم في الصلاه واللي منتظم ف الصلاه ميروحش ع الاقامه يروح من اول الادان

واللي بيعمل كده ومبيصليش السنن يبتدي يصلي اما عن الزكاه فنظرا لان الشباب مأشفر اليومين دول وفيش فلوس

توجب الزكاه عليه يبقي هنشتغل علي موضوع الصدقه طبعا وده هتعمله في اي ايه تشوفها كل يوم الصبح تحاول

تطبقها ممكن حد يتفزلك عليا ويقول طب لو النهارده شفت "واقيموا الصلاه " وبكره شفت ايه تانيه اعمل اللي في

الايه التانيه واسيب الايه اللي قبلها اقوله لأ طبعا يا سيدي لأن مفروض اليوم ده يعلمك انك تستمر ف الصلاه مش

اليوم ده وبس



اللي عاجبه الموضوع يرد واللي مش عاجبه يشرب من......... ميه زمزم انا وهو والسامعين (قصدي القاريين) ان شاء الله