هل انت مستعد للتبرع بعضو من اعضاء جسدك ..... ولو؟

السلام عليكم ورحمه الله وبركاته

النهارده ياجماعه احب اناقش معاكم موضوع مهم جدآ مش هطول عليكم الموضوع هو ...

التبرع بالأعضاء

الموضوع من القضايا الطبية والشرعية التي أثارت الكثير من الجدل والنقاش،

فبعض الدول تحرمها والبعض الآخر يقرها بل ويعتبرها مسألة روتينية خاصة بعد وفاة الشخص،

وحول العالم توجد مافيا مخصصة لهذا النوع من التجارة بل أن بعض الأطباء تحولوا إلى لصوص بالقطعة والجملة لتجارة الأعضاء حتى أصبحت أشبه بتجارة السلاح والمخدرات خاصة مع الأرباح الخيالية التي تجنيها من وراء هذه التجارة .

وســـــؤالــــي هــــو

ما رأيك الشخصي في فكرة التبرع بالأعضاء؟

هل أنت على استعداد للتبرع بعضو من أعضاء جسدك؟

هل انت علي استعداد للتبرع مقابل المال ؟

ما رأيك في سرقة الاعضاء ؟ولو استيقظت وانت فااقد لعضووووو وقد اعطيت مبلغ كبير من الماال

هتسكت ولا مش حتسيب حقك ولا حتعمل ايه ؟

والله يا ندى موضوع مهم جدا

ميرسى لطرحك ليه

ربنا رزقنى بجسدى يبقى انا ابيعه!!!!!!!!!!

انا موش مع الكلام دا نهائى

لكن التبرع بيه بيبقى لشخص حياته تهمنى زى والدى انا اصلا ملكه او والدتى

او انسان من هذا القبيل

لكن انى ابيع احد اعضائى موش مع الكلام يعنى اللى بيفقد بصره

بيتعذب عذاب كبير وكذلك اللى فاقد احد اعضائه بيتالم

يبقى انا اعمل كدا وبمزاجى مقابل اى مبلغ من المال حتى لو كان ملايين الدنيا ازاى

ارجو ان تكون وجهة نظرى وصلت بالشكل الصحيح

مشكورة يا ندا علي موضوعك المميز
والحقيقة تيتو قال كل حاجة
لاني بجد ممكن ادي عضو من جسدي لاي حد من اسرتي
مش ابيع اعضاءي بفلوس الدنيا كلها
لان ربنا رزقنا بالعضاء دي
علشان نحافظ عليها مش نبيعها
وميرسي ليكي مرة تانية

ميرسى مها وتيتو كتير لرأيكم الجميل ده

وفعلا الجسم ده نعمه من عند ربنا

وهبه لينا مش من الساهل نتخلى عنه

الا لافرب الاقربين وهما الوالدين

اسعدنى مروركم

توبيك عجبنى وتسمحيلى ارد

طبعا هذا الكلام غير مقبول خالص

من رايى المتواضع انك التبرع مقابل اى شى حرام

ومن رايى بردوا التبرع من اجل اى شخص مهما يكون بدون مقابل لة معنى جميل جدا

وطبعا دة مش فى كل حاجة

مثال صغير زى التبرع بالدم

دة حاجة بجد اللى يعملها يحس باحساس جميل اوى

وخاصة لو كان الواحد محتاج فعلا

ومشكورة بجد على التوبيك يا امورة

موضوع جميل جدا يا ندا با حييكى عليه

وانا مش متفق فى مسالة بيع الاعضاء

واكيد ان فيه مافيا بيع الاعضاء دلوقتى ومعظم اللى بيبيعوا اعضائهم بيبيعوا مقابل مبلغ من المال

لا يضاهى النعمة اللى ربنا انعم بيها عليه

وانا مع التبرع لشخص محتج فعلا للعضو ده وخاصة لو كان من الاقارب (بعد الشر على الجميع)

وباشكرك فى النهاية على الموضوع الجميل ده

ميرسى كتير عبقرينو وأحمد أبو على

ع حضوركم الجميل وتعليقاتكم الجميله دى

واللى أكيد كلها صح وبجد اسعدنى تواجدكم الرائع

فكره الموضوه دى جامده جدا
وميرسى لطرحك ليه

ما رأيك الشخصي في فكرة التبرع بالأعضاء؟

هل أنت على استعداد للتبرع بعضو من أعضاء جسدك؟

بصى انا من وجهه نظرى ان الانسان ممكن يتبرع بعض من جسمه
ف حاله واحده بس
بعد وفاته وقتها هو هايكون خلاص مات وممكن يكون فيه شخص ف امس الحاجه لعضو
وحياته متوقفه عليه
وقتها ممكن بس طبعا ده يكون بموافقه الاهل وانا عارفه انه شئ مستحيل
مع انهم هايكونوا كده بينقذوا حياه شخص

ده ف حاله الوفاه
لكن ممكن نتبرع عادى كده لاقرب الناس لينا زى ماقال تيتو لبابا او لماما طبعا

هل انت علي استعداد للتبرع مقابل المال ؟

لا طبعا مستحيل اصل الجسم ده بتاع ربنا وهانتحاسب عليه لما نموت فمستحيل اننا نتبرع بجزء منه مقابل الفلوس لكن ف حاله بعد الموت نتبرع بس بدون فلوس لانه بيبقى لوجه الله

ما رأيك في سرقة الاعضاء ؟ولو استيقظت وانت فااقد لعضووووو وقد اعطيت مبلغ كبير من الماال

هتسكت ولا مش حتسيب حقك ولا حتعمل ايه ؟

لا طبعا مش هاسيب حقى
مش عارفه موقفى هايبقى ايه بالظبط لانى مش ف الموقف نفسه

عارفه انى طولت ف الاجابه عليكى
استحملينى بقى

اولا موضوع هايل ياندي

ثانيا لايجوز لاي انسان بيع اي عضو من اعضاء جسدة

لان هذة الاعضاء ملك لملك الملوك وجبار السماوات والارض

ولكن يجوز التبرع من اجل انقاذ حياة انسان كابية وامة

بارادتة وليس مكرها علي ذلك

وبالنسبة الي فانا مستعد للتبرع لابي وامي واي انسان عزيز عليا

ومستعد للتبرع بجسدي وروحي وكل ما املك من اجل ديني

واعلاء كلمة الحق

كوين [ندعوك للتسجيل في المنتدى أو التعريف بنفسك لمعاينة هذه الصورة] محمد

ميرسى كتير لحضوركم الجميل واراءكم الرائعه

حقيقى اسعدنى تواجدكم وردكم الجميل اوى اوى

موضوع جميل

وطرحه للمناقشه اجمل

ورأيي ان البدن ده امانه ف ايدينا مش من حقنا اننا نعمل فيه زي ماحنا عايزيين

اذن مبدأ التبرع مقابل مال مرفوض

لكن الوارد والمفمول بيه هو التبرع لحد عزيز عليا حياته بتنتهي وممكن مثلا لو اخد كليه مني يعيش

اكيد بدون تردد هديهاله

وابقي كده دخلت في الاية اللي بتقول (ومن احياها فكأنما احيا الناس جميعا )

ده رأيي الشخصي

وبالتوفيق دايما

ميرسى كتير فعلا دوك لحضورك الجميل

وتعليقك اللى بجد جميل اوى وانت نورت المناقشه والحوار

ورايك زاد الموضوع اكيد اهميه اسعدنى تعليقك وتواجدك

ربنا خلقنى بحاجة وادهانى امانة مش هينفع ابدا ابيع الامانة واروح لربنا يوم القيامة ناقصة من الامانة لان ربنا الى بيرزق زى ما خلقنى وصورنى فى احسن صورة اكيد هيرزقنى استحالة اعمل حاجة زى كدة واستحالة اسكت عن حقى حتى لو معايا كنوز الارض كلها

بجد تسلم ايدك موضوع فوق الرائع والله دام ابداعك وتميزك

موضوع رائع نور وفعلا بقاله فترا بفكر فيه
بسبب سرقة الاعضاء وللاسف وصل الامر لخطف الشباب والاطفال
والحصول على اعضائهم
وبالنسبة للسؤال انى ممكن اتبرع بجزء من جسمى
لا طبعا ولا ملاين الدنيا تخلينى اعمل كدا
اولا الجسم دا امانة ربنا خلقها المفروض نحافظ عليها
ومال الدنيا ما بيعوض اقل جزء من جسم الانسان
بصراحة حاجة ما بتخيلها ان ابيع حته منى لحد
ياااااااااااااااه الفكرة رهيبة ومستحيلة انى اتخيلها
لكن بصراحة ممكن اتبرع بيها لحد قريب عليا
وغالى وروحى نفسها ما بتغلى عليهم
ميرسى حبيبتى على الموضوع اللى اكثر من رائع
ودا مش جديد عليكى لان التميزك دوما عنوانك
لك خالص حبى واحترامى
بالتوفيق دائما يارب
دموع

» ادخل وقول رائيك فى اعضاء ناميلوس
» صور لبعض اعضاء المنتدى :: جديد
» اعضاء سيتم حذفهم من المنتدى قريبا ...!!!!!
» اجمل الطيور لاجمل اعضاء
» كرسى الاعتراف لاجمل اعضاء