يا بنى انت لسه صغــــــــــيــــــــــــــر !!!!!!!

" اة انا عندى خبرة اكتر منك..وياما عدى عليا ناس وشوفت كتير فى الدنيا دى..انت لسة جديد ابن امبارح
واللى يعيش ياما يشوف وانا شوفت كتيير "

اكيد دة الكلام اللى كلنا بنسمعه ودا اللى دايما بيتقال فى كل بيت
سواء بين الابن ووالده او البنت ووالدتها او حتى بينك وبين اى حد اكبر منك
اكيد كلمة انت لسة صغير او انت لسة صغيرة واسالنى انا
انا جربت كتير وشوفت كتير دايما بنسمعها ودايما لما بتاخد راى اى حد فى
مشكلة تخصك بيقول الكلام دة وبيكون عايزك تنفذ اللى هو شايفه من وجهه نظرة
انه صح ومش عايزك تجرب بنفسك
اكيد الكلام دة مش بيكون بغرض التحكم وخلاص
بيكون هدفة هو انك توصل للطريق والاختيار الصح ولكن باقصر الطرق وباقل
الخساير..لكن احنا طبعا مش بنحسبها كدة ابدا ومش بنقبل كلام ولا نصيحه من
اى حد وبنحب اننا نجرب حتى لو كان محكوم على التجربة بالفشل وبنحب نشوف
بنفسنا ونتاكد ودايما ماشيين وراء مقولة الممنوع مرغوب
ولازم تاخد قرارك بنفسك ومتسمعش كلام حد..ما كلنا بنعمل كدة وانا اولكم بس يعنى مش علطول
يمكن ساعات كتير بنكون فعلا غلط وكلامهم بيكون صح بس بردو دة مش شرط ومش
على طول لان الزمن اتغير والناس اتغيرت وحاجات كتير اوى حولينا اتغيرت
ومبقاش ينفع اننا نتعامل معاها زى ما كانوا بيتعاملوا معاها زمان يعنى زى
ما بيقولوا بالبلدى لكل وقت اذان ولو احنا فعلا ولاد امبارح بس هنقدر
نتعامل مع بكرة علشان هو لسة يوم جديد زى ما احنا لسة جداد فى الدنيا ومش
معنى كدة اننا بنقلل من تجارب وخبرات الناس السابقة اللى بنكن لهم كل حب
واحترام وتقدير واكيد دايما هنلجأ ليهم لما الامور تتعقد ونكون محتاجين
مساعدتهم ماهما بردو الخير والبركة

السؤال بقى

هل انت بتحب تاخد برأى الاخرين
وتستفيد من خبرااهم وتجاربهم
ولا بتحب تخوض انت التجربه
وتتعلم منها بنفسك؟؟

هل انت بتحب تاخد برأى الاخرين
وتستفيد من خبرااهم وتجاربهم
ولا بتحب تخوض انت التجربه
وتتعلم منها بنفسك؟؟

لاطبعا بحب اسمع لناس من حولى وافهم واسال واتعلم من

خبرات اللى اكبر منى بس فى الاخر بعمل اللى حسا انه مش

هيضرنى ونفس الوقت اكون مرتاحه نفسيا.

وكمان عادى ممكن اقبل

نصيحه والدى ووالدتى لانهم

عندهم خبره وشافو حاجات

اكتر منى بس بصراحه فى

ناس بتدينا نصايح تكون زى

الاوامر يعنى لازم نقبلها

بدون تفكير طبعا دى بتبقى

حاجه تضايق جدا تسلم ايدك ميمو موضوع جميل بجد

جميل التوبيك دا يا ميمو بجد

وانا واحد من الناس لازم اتعلم من اللى حواليا واستفاد منهم

موش اتكبر واقول لازم انا اللى اجرب وكدا

لا فيه اللى عرف وشاف قبل كدا ليه موش استفاد منه

وانا جربت قبل كدا وركبت دماغى ولاقيت كلامهم صح

واقتنعت انى احاول استفاد من كل انسان حولى

لانه اكيد عاوز مصلحتى وشايف الصح اللى انا موش شايفه

وانا فى الاول وفى الاخر ليا دماغ وهقدر اتعلم بردوا

تحياتى

Capta!n T2

لما بنتعلم من حد اكبر مننا
اكيد بنستفاد اكتر
وبيكون عندهم حق في كل حاجه
بظرا لخبرتهم وانهم عاشوا اكتر
وكانوا في تجارب كتيره

توبيك جميل
تسلم ايديك

تسلمولي علي الردود الجميله

والمرور الاجمل وطبعا لازم نستفيد من خبره

الناس اللى قبلينا وده لمصلحتنا مش علشان حد ادتانى