لو حد سالك السؤال ده هاتعرف تجاوب ###

الكهرباء لما بتتقطع بتروح فين؟!

لما تطلب ساندوتش من مطعم وتحب تضيف عليه اى إضافة بيزودوا سعر الساندوتش،
طيب ليه لما بتحب تشيل حاجه من محتويات الساندوتش سعره مابيقلش؟

ليه بيقولوا (الحب أعمى)، ومع ذلك كل أغاني الحب عن (العيون)، نور العين
وسحر عينيك وعينيك واحشاني وعينيك كدابين وحبيبي وعينيه أصلاً؟!

طيب لو كان الحب اعمى ..ليه واكلين دماغنا بالحب من اول نظرة؟

لو إسمك (ماجد) وطلعت طيّار، هتفضل مستحمل قد ايه الناس وهيا بتندهلك (كابتن ماجد)؟

الأخرس بيكلم نفسه إزاى؟

معروف إن (اللي يتلسع من الشوربة ينفخ في الزبادى)، بس.. هل لو (نفخت في الزبادى) يبقى دا معناه إني (إتلسعت من الشوربة)؟!

ليه البنات بتفتح بقها وهيا بتحط (ماسكرا) ؟

إزاي لما اسأل عن مقر النادي الأهلي فين، الاقي الإجابة.. النادى الأهلى في الزمالك ( منطقة) ؟!

ليه الناس مابتقولش (الرياضة فايز ومهزوم) غير لمّا تتغلب؟

ليه الشامبو بيبقى بالخوخ الطبيعى بينما عصير الخوخ بيبقى معمول بنكهة الخوخ؟

ليه اللي سايق عربية ومشغل الكاسيت أو الراديو.. أول ما يدخل شارع ضلمة يروح موطى الصوت فوراً؟!

ليه لمّا الواحد يكون واقف مستنى الأسانسير بعد ما داس على الزرار اللي
بيستدعى الأسانسير وبقى منور وباين إنه منوّر، ييجي واحد تاني بعد ثواني
يبص لك ويبص للزرار المنور ويروح دايس على الزرار تاني؟!

ليه هيفاء وهبى بتقول "أنا بردانة أح"، مع إن "أح" تقال للحاجه السخنة، يعني المفروض تقول "أنا بردانه "بررررررر".

إذا كان – زى ما بيقولوا – الدنيا مسرح كبير، طيب أنا بامثّل ولاّ باتفرج؟! وإذا كنت من المتفرجين، طيب هم المتفرجين بيقعدوا فين؟!

لو الصاعقة نزلت على حد بيموت متكهرب فورا، طيب لمّا الصاعقة بتضرب البحر، ليه السمك اللى فى البحر مابيموتش متكهرب؟

لو البوليس وهو رايح يقبض على حد شاف فى السكة جريمة بتحصل ، بيمنعها ولاّ بيركز فى المهمة اللى طالع علشانها؟

طيب هل حصل فعلا فى يوم من الايام أن فيه واحد (ضرب عصفورين بحجر)؟

ليه لما يكون الواحد جوه عربية والعربية داخلة هتعدى من نفق؟؟ تلاقى
الواحد يوطى رأسه كإنه هو شخصياً اللي هيعدى من النفق مش العربية؟!

ليه لما تسأل واحد على العنوان وتقول له "شارع كذا فين؟!" يرد عليك بسؤال "هما قالوالك فين؟!"

ليه الناس في
الشارع بتستخدم أدوات نداء لتوقيف أي شخص، أدوات نداء مالهاش أصل في اللغة
و ينفع تنادي بيها على أحد في المطلق زى. بسست، والنبى يا، ويا كابتن،
وباقولك وخُد يا، وأيوه يا، وليه أدوات النداء دي بتوقف الشخص المقصود
بالذات؟!

بيقولوا (لكل قاعدة استثناء)..طيب ايه الأستثناء بتاع القاعدة دى؟

طيب ليه المذيعة بتقول أعزائي أفراد الأسرة.. وهى ما تعرفش حد فينا؟!

ليه الشخص اللي يسألك "الساعة كام" لازم يرفع لك دراعه الشمال ويشاور على مكان الساعة بصباعه "لو سمحت الساعة كام"....

اللى مايقدرش يتكلم اخرس، واللى مايقدرش يشوف اعمى، طيب اللى مايقدرش يشم أيه؟

طيب ليه اللي يسألني عن الساعة لازم يحلفني "الساعة كام والنبي؟!".

ليه الكتابة على التي شيرت لازم تكون بالإنجليزي، ليه ماحدش بيكتب على التي شيرت بتاعته بالعربي.. مثلاً "اللي ذاكر ذاكر خلاص".

اذا كان زيت الذرة معمول من الذرة ، و زيت عباد الشمس معمول من زهرة عباد الشمس، طيب الbaby oil معمول من ايه؟

لمّا البوليس بيهجم على شقة ويكسّر الباب، مين المسئول إنه يصلّح الباب ده؟

لو واحد مات و رجله متجبسه ،هل بيدفنوه بيها متجبسة ولاّ بيشيلوا الجبس

ههههههههههههههههههه

موضوع لذيذ يا ميمو بس فعلا الاسئله دى

ستظل هذا الاسئله حائره ومحيره للجميع حتى انت يا ميمو

متعرفش تجاوب عليهم بس بجد نايس توبيك اسئله خفيفه

برغم عدم معرفتنا للاجابه تسلم ايدك

ههههههههههههههههههههههههه

يا سلام عليك وعلى اسئلتك يا مان

هى دى الاسئله ولا بلاش ياريتنى كنت حطيتها فى الكرسى بتاع الاعتراف هههههههه

شكرا يا نور بس في بعض الاسئله انا ممكن اجاوب عليها

يعنى مثلا اللى ميقدرش يشم يبقى مابيشمش هههههههههههههههههههههههههههههههههههه

معلش يا تيتو بس اللى سباء اكل النباء

وتبقى في ايدك وتروح لغيرك

بس فعلا انا بشكركم علي المرور الجميل والردود الاجمل

وانا يا سيدى متنازل عن الاسئله لحضرتك لو عايز تنزل علي الكرسى مرة تانيه

اتفضل الاسئله بقت متاحه للكل مش ليك لواحدك

اعتقد ان بعض الاسئلة دي موجودة في البني ادم منا بالفطرة

وملهاش اي تفسير لأن تفسيرها ممكن يفوق قدراتك كـ إنسان

او هي اصبحت بالشكل منذ بداية الخلق ، يعني هما ليه قالوا ع الباب باب

والشباك شباك ، هو لو كان حصل العكس من البداية كنت هتقول لاء ده الباب

وده الشباك ، فاهمني طبعاً

» سؤال جرئ هتعرف تجاوب
» السؤال ذكر والاجابه انثى