تعاول نتناقش فى الموضوع دا مهم اوى اوى لينا كلنا ؟؟؟؟!!!!

انا هتكلم معاكم انهارده فى موضوع مهم جدا

ياريت الردود تبقى فيها اراء الاعضاء اللى قروا الموضوع

يعنى كنقاش مع بعض فى الموضوع دا لانه بجد محير جدا

يارب نوصل لحد وراى كويس مع بعض

تحياتى

Capta!n T2

البعض ممنا بيبقى محتاج انه يلاقى حد يحبه او يحس بيه

ويقدر يبقى ليه الصورة والمثال والقدوة والدافع ليه فى الحياة

حد تقدر تعيش ليه وتكمل معاه حياتك وتحس معاه بالامان

والحنان اللى ممكن متكونش عشته او اللى انت محتاج تفعله

ويبقى أكتر وأكتر احيانا بنبقى محتاجين حد يسمعنا

ويحس بمشاعرنا سواء كانت حزينه او فرحانه

وأحيانا برضه بتلاقى نفسك بتتشد وتروح لحد متعرفوش

لمجرد بس ان قلبك محتاج يبقى مع ده لشعورك بالسعاده وبالنشوة

وانت بتبقى قريب منه بتبقى محتاج تعرف حاجات عن

شخص غامض بالنسبة ليك بتلاقى جواك فضول انك تعرف مين ده

محتاج دايما انك تقرب منه وتحس بيه وتشاركه حياته وتاخد بايده

وساعات الظروف بتخلينا نقرب لحد مكناش بنحبه وفجاءة كل

حاجه جوانا بتتحول للشخص ده

وأحيانا بنلقى نفسنا تايهين ضايعين ملناش هدف ومنبقاش

عارفين الصح فين بتلاقى فجاءة حد مد ليك ايديه وبيقولك انا معاك

ساعتها بتتحول حياتك وبتتغير وبتبقى حد تانى

بتبقى الحد اللى كان لازم يبقى كده من زمان

ده كل كلامى او اللى انت ممكن تقدر تقوله وتعبر عنه لما

تقول عن بعض أسباب الحب لأن أسباب الحب مالهاش حصر

لأن كل واحد حياته بتختلف من حيث كل شىء وكل

واحد ليه أسبابه المهم عشان منطولش

كل اللى عايز اقوله ان ده فعلا بيبقى حب وحب قوى لما بتلاقى

دايما قلبك اتقابل مع اللى بتحبه على شىء كنت مفتقده

بيعوضك عن حاجات كتير لما بتحب بتحس انك كنت فى بحر

ولقيت حاجه تتعلق بيها تنقذك من الغرق لما بتحب بتحس انك

كنت ماشى فى طريق كله ضلمه وحسيت انك طلعت للنور بقى

فى دافع وفى أمل وفى حقيقه وفى شمس وفى قمر فى مشاعر

فى أحساس فى حياة فى حب من قلبك لكل الناس فى عندك

رغبة حقيقه انك تبقى بجد حاجه وان العلاقة دى تستمر عشان

تثبت كيانها ووجودها فى المجمتمع والكل يسعد بهذه العلاقة

كل ده الحب فعلا بيعمله وأصحاب الحب ده فعلا مبيتعوضوش

ويوجد العكس عندما تقابل شخص وتتعلق بيه يكون ذلك

الشخص هو سر تعبك وأجهادك وسر ارهاقك وسبب عذابك

ممكن تكون حبيته من قلبك وهو محبكش او مقدرش يحسك

وممكن يكون حبك بس مقدرتوش تفهموا بعض

ممكن يكون حصل كل اللى اتكلمنا عنه فى الأول وفجاءة حسيت

ان اللى بيحبك بيتغير وبيهرب من حياتك لأسباب انت

متعرفهاش المهم بعد البعد عن اللى بتحبه بنحس فعلا اننا

خسرنا كل حاجه وكل شىء كان ملكنا وبين أيدينا

بنحس ان الدنيا انتهت وان اللى كان هو سر الحياة بقى هو سر العذاب والقسى

ده اللى اقصده فى الحب لما أحيانا بنلاقيه دواء لقلوبنا

ومشاعرنا وأحيانا بيكون داء يصيب قلوبنا ومشاعرنا

الفرق بين الداء والدواء كبير والموضوع محتاج كلام كتير

محتاج منكم انتم تتكلموا أكتر ونوضح ونسأل ونجاوب بعضنا

أزاى الحب بيبقى دواء فعلا وأزاى بيتحول لداء وياترى

ايه العلاج المناسب بعد كل الكلام اللى قولناه فى مقدمة الموضوع

وياترى فعلا لو بقى الحب داء ازاى ؟ نخلق منه من جديد دواء يكون صالح للأستخدام ؟

الموضوع مهم جدا جدا ! ومحتاجين اننا نشارك بعض ونتكلم بحرية وبصدق

الله عليك يا تيتو بجد بجد موضوع فوق الممتاز

وواقعى جدا وبيحصل كل يوم فى حياتنا فى الشارع فى الجامعه فى النت

بنقع كلنا تحت كلمه اسمها الحب من كتر مابنشوف ونسمع عن حب مستمرش

عن حب ضاع نتيجة ظروف اوضاع او لاى سبب كان بدأنا نسأل نفسنا هو فيه حب

اصلا ولا الحب ده اصبح كلمه بنعلق عليها هموم اليوم ومتاعبه تحت مسمى اسمه الحب

فين قصص الرومنسية القديمه فين اساطير الحب اللى سمعنا عنها فين الشعراء اللى بيتغزل فى

معانى الحب الجميل وزمن الرومنسية والحنان فين كل ده فين الشخص اللى تحس معاه بالامان

وتتكلم معاه وتفضفض ويضمك والضمه دى تمحو كل همومك ومشاكلك كل كلامك واقعى

وانا معاك فيه وفعلا فيه حب بيكون سبب دمار الشخص وهو انك تثق فى شخص وتديه

كل الثقه والحب وتقاسمه احلامك وهمومه وتقاسمه الحياه بحلوها ومرها والاخر تلاقى نفسك

كأنك عايش لوحدك فى عالم مختلف عن العالم بتاعه ولا دارى بيك اصلا وقتها بس تعرف

ان ده ده مش حب ده اسمه دمار لاحلامك ولنفسك ولكل شئ حلو جواك وده هو الداء

اما الدواء فهو حب تانى يديك الامان والاطمئنان يديك الراحه وكل ماتتمناه تلاقيه معاه

يشاركك كل شئ متحسش بأى شئ وحش وهو معاك لانه بيكون امانك وسلامك

انا عن نفسى ده رأى وانا اتمنى اقابل الحب ده حقيقى واعيشه واحس بيه فعلا

واوصل مع الحب ده للدرجه انى احس واشعر اننا كيان واحد روحين فى جسد واحد

بحيك تيتو ع موضوعك الجميل ده والنقاش اللذيذ ده واسفه للاطاله

اولا بحييك علي الموضوع ا
انا كنت محتاجاه

ثانيا
بالنسبه للحب فهو اجمل احاس ممكن تحس بيه
بتحس بالامان والاطمئنان
بتبقي روح واحده في حسمين
ممكن كل واحد في مكان اه بس انت حاسس بيه
انا جربت دا
بس لما تحس فجاه وكانك غمضت عنيك وفتحتها علي كابوس
وانك مش هتكمل معاه عشان ظروف
بتبقي حاجه صعبه اوي
ممكن بسببها تكره انك حبيبت
او انك اتولدت اصلا
بتتمني الموت
بدا دا بالبعد شوي بشويه
ثم اسباب او حجج بمعني اصح
بقيت تحس انك تقيل علي الشخص دا
وبعدها تلاقيه يقولك اصل ظروفي

ربنا يوفقك الجميع
دمت متالق ومتميز يا تيتو

ميرسى للمرور الجميل دا والكلام الاجمل

وصدقونى موش طولتوا ولا حاجه انا ببقى سعيد لما بلاقى تعليقات جميله زى

دى بحس ان الموضوع ليه قيمه فعلا سواء حتى بالانتقاد على التوبيك

وصدقونى الحب دا اجمل حاجه ممكن يحسها الانسان

كيان بنعيشه انا والانسانه اللى بحبها بنحس ان شخص واحد

تفكير متقارب كلام واحد كل حاجه جميله ممكن تحسوا بيها

هتلاقوها فى الحب

وبيبقى شعور مختلف تماما لما بنسمع اغنيه رومنانسيه بنحلم ان انا

والانسانه اللى اخترتها فى حلم جميل ممكن موش تبقى معايا بس حاسس بيها

وعايش معاها وبتمنى من كل قلبى اكمل معاها

ميرسى ليكم تانى مره وعلى تعليقاتكم على الكلام الجميل دا

يارب الكل يقول رأيه

طبعا اولا احب اعتذر عن ان ردي متاخر علي الموضوع وطبعا ظروف غصب عني والله
ثانيا بجد موضوع فوق الممتاز يا تيتو ربنا يوفقك يارب
وبالنسبة لرائ في الموضوع دة
بجد الحب اجمل مشاعر واجمل احساس ممكن شخص يعيشة في حياتة
هو في الاول الموضوع مش بيجي حب كدة علي طوال
ممكن تلاقي شخص تعرفة او لا شوفتة مرة واحدة مثلا
وممكن يكون كان زميل عادي بتتكلموا عمرك ما تتخيل انك تحبة
وفجاة وبدون مقدمات تلاقيك حبيتة وبقي كل حاجة في حياتك
بس لازم بجد يكون الشخص دة مناسب ليك من كل حاجة
علشان حبك مش يضيع هدر وتتعلق بية
وبعد كدة تكون الظروف اقوي منكم انتوا الاتنين
ويكون قرار فراقكم عن بعض اصعب قرار يومها
محدش عارف هتقدروا تكملوا حياتكم ولا هتقف عند الحد دة
والاهم الصراحة بين الطرفين يعني لو في حد منكم مش هيقدر يكمل
ياريت يكون صريح مع الطرف التاني علشان محدش فيهم يسيب جرح للتاني

وبجد بشكرك يا تيتو انك سيبت لنا المساحة ان كل واحد مننا يتكلم عن الموضوع ويقول رائية
وربنا يوفقك يا تيتو وفي تقدم دايما

فعلا معاكى حق يا مها

الصراحه والارتياح والثقه

دول اللى بيبنوا الحب

موش الحب اللى هيبنيهم

وميرسى بجد على الكلام الجميل دا

وفى انتظار باقى الاراء

» عيد ميلاد اجمل مشرف واخ لينا أحمد أبو على كلنا كله يدخل ويبارك بسرعه
» ساعات بتكون الحقيقة اغرب من الخيال
» حركات هبلة كلنا بنعملها
» مشكلتك العاطفيه هنا ........كلنا معاك وهنحلها
» ما الخطاء الذي ما زلت نادم عليه لغاية الان ؟