اسئلة عن الحب

[ندعوك للتسجيل في المنتدى أو التعريف بنفسك لمعاينة هذه الصورة]

[ندعوك للتسجيل في المنتدى أو التعريف بنفسك لمعاينة هذه الصورة]

هل الحب ليه ناسه؟

ليه بنكون عارفين انهم جرحونا وبردوا بنحبهم؟

ليه فى الزمن ده مفيش اصحاب ؟

ليه ديما بنجرى ورى ال بيجرحنا ونسيب ال بيحبنا؟

هل الحب لية سن معين عشان نحب ام لا؟؟؟

مارايكم في الحب الاول؟و لية ديما الحب الاول دة مابيكملش مع انة احساس

جميل اوي؟

ليه الانسان ديما بيكون ضعيف

لما بيحب حد؟

مين يعرف ليه ساعات الانسان بيكون مخنوق ومدايق من غير سبب؟

ليه لما يكون فى اتنين بيحبو بعض اوى تدخل الاهل بيكون سبب فشل العلاقه؟؟

ليه مبقاش فيه حب صادق؟؟

ليه النسيان فى الحب ونسيان حقوق الحبيب عليك؟؟

ليه الخيانه فى الحب هل ده بيكون تقصير من الحبيب وله زهق من كتر الحب؟؟

ليه ديمآ الخيانه وكتر العلاقه بيكون من الراجل وبيدى لنفسه الحق فى ده؟؟

ليه ديما لما يكون طرف بيحب اوى الطرف التانى بيعزب اوى وبستغل الحب ده ؟؟

ليه الحب فى معظم حلات الزواج ينتهى بعد الزاوج هل ده مش بيكون حب ولا

مشاكل الحياه بتمحى تمامآ الحب ده؟؟

ليه لسه فى ناس مش بتقدر وتحترم الحب ولما يلاقو حد يحبوهم بجد بيخدعو وهما

مش بيحبو بس بيوهمو انهم بيحبو؟

[ندعوك للتسجيل في المنتدى أو التعريف بنفسك لمعاينة هذه الصورة]

هل الحب ليه ناسه؟

الحب مش موجود لناس وناس لاء دى نعمه ربنا اوجدها فى قلوبنا جميعا

حتى الاشرار منا جواهم الحب بس اللى يعرف يخرجه بئا !!

ليه بنكون عارفين انهم جرحونا وبردوا بنحبهم؟

لأن محدش قدر يحرك قلبه من مكانه لحد الان ولا قدر يكره حد بيحبه بردوا

دى حاجه فوق طاقتنا ومالناش سيطره عليها

ليه فى الزمن ده مفيش اصحاب ؟

لان مفيش اخلاص

ليه ديما بنجرى ورى ال بيجرحنا ونسيب ال بيحبنا؟

دا اللى فسره علم النفس بانه الوصول لغايه تشبع ذات الانسان

وبعد ما يوصل بيبدء الرغبه تختفى من عنده لانه بيكون حقق اللى نفسه فيه

زى الطفل بالظبط لما بيكون شايف لعبه هيموت ويجيبها وبمجرد ما تبقى بتاعته بيبوظها !!

هل الحب لية سن معين عشان نحب ام لا؟؟؟

الحب بيتولد معانا سنه بسننا بس مش بنحس بيه غير لما نلاقى اللى يحرك حبنا دا ومشعرنا

مارايكم في الحب الاول؟و لية ديما الحب الاول دة مابيكملش مع انة احساس

جميل اوي؟

الحب الاول يعنى المشاعر الاولى يعنى احساس بكل حاجه حوالينا

احنا مكناش حسين بيها .. وليه مبيكملش لان الاغلبيه بيكون اختيار غلط رغم ان

الاحساس بيكون صادق .. بس فيه حسابات اخرى للحب مش مشاعر وبس

ليه الانسان ديما بيكون ضعيف

لما بيحب حد؟

ضعيف تجاه الانسانه اللى بيحبه فقط مش ضعيف مع الكل

ودا لانه بيكون حاسس بيه جدا ومش قادر يزعله

مين يعرف ليه ساعات الانسان بيكون مخنوق ومدايق من غير سبب؟

يااااااااااااااااااااااه دا نتيجة حاجات كتيره جدا ومش شرط تكون فى يومها ممكن حاجات فاتت

من زمااااااااان بس اتراكمت ويوم ويوم ويوم وظهرتها حاجاه تانيه مشابهه

ودا احساسى فى اغلب الاحيان وبدون سبب

ليه لما يكون فى اتنين بيحبو بعض اوى تدخل الاهل بيكون سبب فشل العلاقه؟؟

مش دايما صدقينى ساعات الاهل بيظبطوا حاجات

ولو فيه حاجه غلط فى العلاقه الطبيعى ان الاهل هيصلحوها حتى لو هتزعل الطرفين

ليه مبقاش فيه حب صادق؟؟

موجود والا مكنش هيبقى فيه حب الاهل وحب الاصدقاء بس دا درجات وفيه ناس

تلاقى حب الذات اكتر عندهم والناس مختلفه مش كله زى بعضه

ليه النسيان فى الحب ونسيان حقوق الحبيب عليك؟؟

مش نسيان بس محدش فينا كامل والحياه عموما فيها مشاكل الموضوع دا

محتاج تفاهم كبير جدا بين الطرفين ولازم يتحملوا بعض

مش على طول الحياه لذيذه وبتضحك لينا اكيد فيه مشاكل وهموم ولازم نتجاوزها

بتفاهمنا مع بعض

ليه الخيانه فى الحب هل ده بيكون تقصير من الحبيب وله زهق من كتر الحب؟؟

ساعات الخيانه بتكون مالهاش مبرر الا لوجود حد مؤثر جدا على احد الطرفين

ودا محتاج حب فوق الوصف وشوفنا كلنا قصة عمر وسلمى وان كان فيه خيانه

بس كان فيه حب مش قادر يبعد عنها

بس اغلب انواع الخيانه بيكون ناتج الاهمال او عدم الاهتمام للشخص

ليه ديمآ الخيانه وكتر العلاقه بيكون من الراجل وبيدى لنفسه الحق فى ده؟؟

ساعات العلاقه بتتفهم غلط وبتتفسر على انها خيانه دا من وجهة نظرى

بس عموما الرجل بيتفرض عليه الاختلاط والاكيد

ان مفيش واحده محترمه هتسيب نفسها لشخص عادى كدا ومتجوز او مرتبط كمان

الا اذا كانت مش كويسه والنوع دا منتشر وعموما حول الرجل المادى شويه

او الرجل الضعيف

ليه ديما لما يكون طرف بيحب اوى الطرف التانى بيعزب اوى وبستغل الحب ده ؟؟

دى نو كومنت عليها لانى حسيتها اوى فى فتره من

حياتى وبجد السؤال دا تعبنى لمجرد انى شوفته

بس احساس فظيع ان اللى روحى فيه يبعيد مش يضيع بئا

لانه بمجرد انه باع انا دوست عليها لانه مقدرش مين اللى معاه

مش كبرياء منى بس كل واحد وعارف نفسه هو ايه ويقدر يعمل ايه للى بيحبه

بس كل اللى اقدر اقوله ان الانسان دا قذر لابعد درجه ممكن نتخيلها

ليه الحب فى معظم حلات الزواج ينتهى بعد الزاوج هل ده مش بيكون حب ولا

مشاكل الحياه بتمحى تمامآ الحب ده؟؟

يابنتى الحب قبل الزواج الراجل مش بيشوف غير الجانب الحلو فى المرأه

ودايما بيشوفها شياكه وجميله واخر حلاوة

بس بعد الجواز الواحده بتبقى مهمله جدا فى نفسها وبتبقى ساعات

تعمل حاجاه بتنسى ان اللى ادامها دا رادجل وشرقى ومش بتفكر

فى حاجه ساعتها غير انها تقول كلام ممكن يجرح جوزها

لازم يكون الحب مبنى على الاحترام ومن المرأه بالذات لان الرج

مهما كان ميسمحش انه يتهان ومن مين مراته صعبه جدا ان يسمح بدا من مراته

ليه لسه فى ناس مش بتقدر وتحترم الحب ولما يلاقو حد يحبوهم بجد بيخدعو وهما

مش بيحبو بس بيوهمو انهم بيحبو؟

دا بيبقى غباء فى الاحتيار سورى للفظ بس مش لاقيت ليه مسمى تانى قبل ما نخرج مشاعرنا

نشوف دا هيقدر ولا لاء واكيد كلنا هنغلط مره وهنتعلم لاننا بشر بس

لازم نتعلم من اخطاءنا لانها هتفيدنا فى يوم من الايام دا اللى انا اتعلمته

من مشاكلى ومن اللى شوفته فى حياتى رغم انى سنى صغير مش كبير اوى لكنى

شوفت حاجات كتيره واتعلمت اكتر الحمد لله

فى النهايه بشكرك على الاسئله الجميله دى وحاجات جميله جدا

وفيه كلمة اخيره الحب اخر درجات الحب

متستغربيش اوى كدا هفهمك

الحب اول حاجه فيه التفاهم وبيجى بعد كدا الاحترام

وحاجات كتيره وبعدها بيجى الحب اللى انا اقصده اللى هيا الرومانسيه بئا

ارجوا انى مكونش طولت عليكى وان اجابتى تكون مش ضايقتك

بجد اجابات جااااااااااامده

ميجبهاش الا تيتو

مشكووووووووووووور جدا ع الاجابات

وبجد اجاباتك استفدت منها اوى

وفعلا الحب اول حاجه فيه التفاهم

مش عارفه اقولك ايه بجد انت انسان مثقف

وطريقتك بتعجبنى جدا واسلوبك ...ألخ

كفايه مدح بقى هههه

ينهار ابيض كل دا هههههههههههه

ربنا يخليكى دا من زوقك

وبعدين انا بتكسف بئا هههههههههههههه

ربنا يخليكى ونقدر نساعد بعض للوصول لحاجه جميله فى حياتنا عموما

لا لا متنكسفش ههههههه

دى الحقيقه يابنى

وربنا يخليك انت وتفيدنا دايما

» انت والحب .. اسئلة جريئة عن الحب ؟؟
» هل الحب خداع ام الخداع لابد من الحب
» ليس من يتكلم عن الحب كمن يتالم من الحب
» لمن لا يعرف الحب ... كلمات في الحب ...
» تجهيز اسئلة الثانوية العامة