كرسى الاعتراف لاجمل اعضاء

مشكور يا تيتو على الموضوع الاكتر من رائع دة وبجد توبيك جميل جدا

اما بالنسبة لكيمو انا مستنى الشريط بقا يا غالى علشان معتش اسمع غيره

ويا رب ديما نسمع عنك احلى اخبار يا كيمو

اخوك شماله

ياحبيب قلبى

انتا اساسا وجودك معانا وتشجيعك لينا دا شرف لواحده
وبأزن الله الشريط هيعجبك
لانى بجد تعبت فيه واكيد ربنا مش هيضيع تعب حد
منور ياشماله باشا

مع انى مالحقتش اشبع منكم بس انا هتنازل عن الكرسى بكامل ارادتى

ونقول كلنا
اهلا بيكى
ياهمس
على كرسى الاعتراف
وربنا معاكى
نحن السابقون وانتم الاحقون
هههههههههههههههههههه
ربنا معاكى ياقمر

انتظرى بئا يلا يا همس الاسئله انا بجهزها

وبجد كنت جامد يا كيمو على الكرسى منورنا يا برنس

ويلا ياريت تنزل اسئله لهمس

اولا يا همس انتى منوره المنتدى كله موش الكرسى بس

اجمدى كدا بئا واربطى حزام الامان كويس اوى علشان

هتتعبى شوية صغننين معانا يلا ربنا معاكى

اولا كدا علشان نبقى متفقين الاسئله كلها اجبارى

يعنى موش هتعرفى تخلعى يا باشا ههههههههههه

وقبل ما ندخل على الاسئله بتاعتنا احب اعرف

ايه رائيك فى الكرسى والمود اخباره ايه معاكى الان

ندخل بئا فى بطاقة التعارف الشخصيه الخاصه بــ همس

(1)

اسمك .. وسنك .. وكليتك .. [ندعوك للتسجيل في المنتدى أو التعريف بنفسك لمعاينة هذه الصورة]

(2)

العصير المفضل ليكى .. واكتر اكله محببه ليكى

(3)

الفيلم اللى همس بتحبه ايه .. وليه ؟؟

(4)

همس متعلقه بمين اكتر ..(بابا & ماما)..

(5)

اكتر شخص مأثر فى همس .. مين وليه ؟؟

(6)

همس بترتاح لمين لما بتكون مخنوقه (يعنى مين اكتر شخص بيريح همس بكلامه)

(7)

همس الصداقه عندها معناها ابه ؟؟

وعاوز همس تقولنا كلمة عن صداقه البنت بالبنت ..

والبنت بالولد ......

قبل ما نكمل مع بعض عاوزك تاخدى بريك كدا

اشربى عصير اطلبى اكل من الكافيه اللى انتى عاوزاه

كافيه ناميلوس فيه كل حاجه [ندعوك للتسجيل في المنتدى أو التعريف بنفسك لمعاينة هذه الصورة]

ندخل بئا فى الاسئله العامه لــ همس

(8)

همس حبت كام مره .. وكان احساسها ايه ؟؟

ومين كان سبب الانفصال لو كان فيه اكتر من مره ؟؟؟

(9)

التعليم اثر بنسبة كام على تفكير همس ؟؟

وياترى كان من اى جانب اثر التعليم والجامعه ؟؟؟

(10)

ايه هو اكبر حاجه همس ندمانه عليها لحد الان ؟؟؟ وليه ؟؟

(11)

همس اكيد فرحت فرحه كبيره قبل كدا ..

ياترى امتى ؟؟ وكان ايه السبب ؟؟

(12)

همس معانا بقالها فتره على المنتدى وليها بصمه جميله فى المنتدى

ياترى ايه سبب التغير دلوقتى ...

بصراحه حاسس انك متغيره موش نفس همس اللى اشتركت معانا فى الاول

لو فيه سبب شخصى وعاوزه تحتفظى بيه لنفسى اوكى

دا سؤال اختيارى هتنازل اهو يا بنتى [ندعوك للتسجيل في المنتدى أو التعريف بنفسك لمعاينة هذه الصورة]

(13)

اكتر حاجه عجبى همس فى المنتدى ؟؟؟ واكتر عضو همس بتابعه باستمرار ؟؟

واكتر موضوع عجب همس ياترى ايه ؟؟ واجمل قسم فى نظر همس ؟؟

(14)

ورده حمرا لمن تهديها

وورده صفرا لمن تهديها

وورده بيضاء لمن تهديها

وورده بنفسج لمن تهديها

دا اكمل العبارات ......... [ندعوك للتسجيل في المنتدى أو التعريف بنفسك لمعاينة هذه الصورة]

(15)

احلام همس ايه فى المستقبل ؟؟؟ ونفسك توصلى لايه فى احلامك ؟؟؟

(16)

بما اننا قربنا نخلص هقولك على كام عضو كدا وانتى تقولى رائيك فيهم بس بصراحه

ميدووو

نور الحياه

احمد ابو على

زعيمة المافيا

اتش

دوف

تيتو

ناميلوس

عبقرينو

انا تمام انتى اشطه ... [ندعوك للتسجيل في المنتدى أو التعريف بنفسك لمعاينة هذه الصورة]

اهدى كدا وركزى علشان تجاوبى كويس هههههههههه

وصلنا لاخر سؤال موش تقلقى لسه فيه شويه كمان بس لما تجاوبى على دول الاول

(17)

عاوزك تسيبيلنا كلمه لذيذه كدا للمنتدى ولاخواتنا فى المنتدى

وتقوليلى رائيك فى الاسئله بصراحه من غير ضرب ههههههههههه

كان معكم من مطار ناميلوس الاوروبى

Capta!n T2

[ندعوك للتسجيل في المنتدى أو التعريف بنفسك لمعاينة هذه الصورة]

الاسم:همس السن:18 سنه الكليه:اداب قسم لغات شرقيه

العصير المفضل:الجوافه افضل اكله محببه ليا:السمك بجميع انواعه

الفيلم المفضل ليا:90 دقيقه ليه بقى:لانى بحب الرومانسيه والعذاب فى الحب جدا

همس متعلقه بمين اكتر بابا ولا ماما:بابا ربنا يرحمه من وانا عندى 3 سنين

فالبالتالى والدتى واخواتى كل حياتى

اكتر شخص همس متاثره بيه مين:اخويا ليه:لانه اتحمل عشانى كتير وبقاله سنه بعيد عنى لانه مسافر انا بحبه اوى

همس بترتاح لمين لما تكون مخنوقه:حماده

الصداقه عند همس معناها:ان ميكونش فى فرق بين الاصدقاء يكونوا شى واحد

نخفف عن بعض نفرح لفرح بعض فى المشاكل نخفف عن بعض نعيش روح واحده

بس بجسدين نحس ببعض من غير ما نتكلم

الصداقه رباط قوى مينفعش يهده اى شى بجد انا جوايا كتير بس مش قادره اخرجه بالكلام

صداقه البنت بالبنت:بجد جميله جدا بس للى يقدرها صح بيحبوا بعض بدون نفاق

تكفى انك تكونى مضايقه واول ما تشوفيها تفهمك من غير كلام

بي للاسف مش ليا نصيب ان يبقى ليا صديق تفهمنى بجد

البعض بتاع مصلحته

صداقه البنت بالولد:عند كتير من الناس حاجه غلط اوى

بس عندى انا العكس انا صداقه حماده بالنسبه لى احسن من اى شى بيفهمنى لما اكون عايزه حاجه

من غير ما اتكلم بس مش كل الولاد فيهم اللى بيخاف على البنت زى اخته بالظبط

والباقى................

انا بقى عايزه عصير جوافه ممكن

ههههههههههههههه

نكمل بقى

همس حبت كام مره:مره واحده فى عمرى كله وممكن يكون اعجاب مره

احساس همس كان ايه:حسيت ان الدنيا كلها ملكى

انى طايره بحب كل الناس بمجرد ما اشوف الانسان ده ببقى انسانه تانيه

انا بجد بحبه اوى

سبب الانفصال: ههههههههههههههههه محصلش ارتباط اصلا علشان يبقى فى انفصال

التعليم اثر اد ايه على تفكير همس:95%

بصراحه الاثر كان من جميع النواحى

اكتر حاجه همس ندمانه عليها :انى حبيت ليه بقى:لانه كان من طرف واحد وبجد ظلمت نفسى اوى

همس فرحت فرحه كبيره:لما اخويا خطب السببلانه اخد الانسانه اللى حبها من كل قلبه

لا عادى انا هجاوبك على جزء من السؤال

همس متغيره:لانها اتصدمت فى اعز انسانه عندها صاحبه عمرها

ومكفهاش انى اتصدمت فيها بالعكس قالت عليا كلام والله محصلش

الباقى بقى معلش هحتفظ بيه لنفسى

اكتر حاجه عاجبه همس فى المنتدى:روح الاخوه الحلوه اللى ربطه الكل ببعض

اكتر عضو همس بتابعه باستمرار:بصراحه تيتو لان مواضيعه بتعجبنى جدا

اكتر موضوع عجب همس:بصراحه كتير اوى

اجمل قسم من نظر همس:الشعر ولخواطر انى بكتب شعر بس مش اوى

الورده الحمراء:امى واخواتى وخطيبه اخويا

الصفراء:بغض النظر عن انها للاعداء لانى مش بؤمن بكده فانا بهديها لزمايلى

البيضاء:لحماده وكل اعضاء المنتدى

البنفسج:لحبيبى لانى بعشق اللون البنفسج

احلام همس فى المستقبل:ان علاقتى بحماده تفضل كويسه وتبقى دايما للاحسن

وانى اكون بيت فيه اسره سعيده مكونه من انا طبعا وحبيبى وبنت وولد طبعا ولادنا ههههههه

نفسى اوصل فى احلامى:انى ابقى سعيده واسعد كل اللى حواليا

راى فى ميدو:تؤام روحى وصديقى الوحيد وجدى جدا

نور الحياه:بجد بنوته رقيقه رغم انى مشفتهاش بس بجد حبيتها اوى

احمد ابو على:راجل بجد وبيحب بجد وربنا يخليه هو وندى لبعض دايما

زعيمه المافيا:عسوله بس غامضه

اتش:حبوب ودمه خفيف

دوف:بجد رقيقه جدا وبرضه نفسى اشوفها ومرات اخويا تيتو

تيتو:راجل بجد وارتحتله من اول مدخلت المنتدى وجوز اختى دوف

ناميلوس:اخويا الكبير بس مش اوى يعنى انسان محترم جدا وعصبى احيانا

عبقرينو:بنبونه المنتدى بجد انسان لذيذ جدا وحبوب

بقولكم انى بجد بحبكم جدا وانا سعيده جدا لانى بقيت واحده منكم والمنتدى ده ان شاء الله هيبقى احسن واحسن بحب

الاعضاء وجو العيله الجميل ده ويارب نفضل دايما مع بعض

راى بقى فى الاسئله:بجد جميله جدا وخلتنى صريحه مع نفسى اكتر ما اكون صريحه معاكم

وبجد خرجتنى من الحاله اللى كنت فيها

بجد شكرا يا تيتو

وانا مستعده لاى اسئله تانيه

بجد بجد اجابات جميله اوى

وميرسى ليكى بجد يا همس وانتظرى شوية اسئله كدا كمان ههههههههه

هبهدلك معايا هههههههههه

وربنا يرجع اخوكى بالسلامه

والموقف بتاع صاحبتك موش تزعلى منه لانها هيا اللى خسرت

انسانه محترمه ورقيقه زيك

وبجد اجابات جميله منك يا باشا

اجاباتك جميلة جدا يا همس وعجبنى فيكى صراحتك فى الاجاية

وشكرا على الكلام الجميل اللى قولتيه

وربنا يوفقك فى حياتك ان شاء الله وتحققى كل اللى بتحلمى بيه

وانتظرى منى بقى اسئلتى قريب

ميرسى ليك ياتيتو

على الكلام الجامد ده

انت بجد ساعدنى انى اخرج اللى جوايا بالاسئله دى

وانا منتظره باقى الاسئله

ميرسى ليك يا ابو على

على الدعوه والامنيه الجميله دى

وانا منتظره الاسئله وجاهزه للاجابه

ان شاء الله

اولا ميرسى همس ع كلامك الجميل ده

وفعلا انا كمان حبيتك جدا وحابه اتعرف

عليكى لانك بنوته زى العسل

وثانيا اجاباتك كلها جميله وربنا يوفقك

وندخل بقه ع الاسئله مستعده ياقمر مع

ان تيتو ماسبش حاجه

ههههههههههههههه

: اسمك وسنك وعنوانك والياهو

والهوتميل

هههههههههههه

علشان نخطفك

همس من مدينة بتحبيها وتعشقيها بكل مافيها فاذكرى مدينتك وعبر عنها بكلمتين فقط ؟

1- إيه هواياتك .....؟

2- إيه برجك .....؟

3- هدفك فى الحياة .....؟

4- إيه أكتر حاجة بتكرهها .....؟

5- اية اكتر حاجة بتحبها فى الدنيا واية اكتر حاجة بتكرها ؟؟

6-واية الحاجة اللى تخلى همس تعيط غصب عنها؟؟

7-اية نقطة ضعف همس اللى انت عارفها ومش عارفه تتعاملى معاها

برضة ؟؟

8-اية اكتر مكان همس بتحبة ؟؟

9-ياترى همس راضيه عن نفسها؟؟

******************************************

عبرلي بكلمة عن :

الحب :

الامل :

الحزن :

الفراق :

شخص عزيز فرقت الاقدار بينكم في اقسى لحظات الحزن تتمنى وجوده قربك ؟؟

ماهى نظرتك للمستقبل ...؟

ما أصعب قرار إتخذتيه فى حياتك ...؟

إيه هو الخبر إللى قرأتيه و أثر فيك ...؟

إيه أكتر موقف حصل لك وحسيت إن ربنا واقف جنبك ...؟

حد ظلمك او جرحك قبل كده ..؟
********************

امتلكت همس فى يوم وليلة مليون دولار ؟ أيه هو أول شئ تشتريه من هذه

النقود؟ وماذا تفعل همس بالباقى؟

لو دهبتى لرحلة فى جزيرة وتطلب منك

أخذ ثلاث أشياء فقط فما هما هذه الأشياء[ندعوك للتسجيل في المنتدى أو التعريف بنفسك لمعاينة هذه الصورة] ؟

ما هي أكثر سورة تحبها فى القرآن؟

الكمبيوتر يمثل كم % لهمس؟؟

ايه هي الماده المفضله لهمس في دراستها ؟؟

حمامة زاجل استقرت على نافذتك تحمل رسالة من مجهول فممن تتمنى ان تكون...؟؟

مارأيك في هذه الدعوه

ادعي الله ان يعطيك دون ان يأخذ منك

*****************

ما هم اكتر الاعضاء الذين تحبيهم؟

من اكتر عضوه تحبيها؟

من هو العضو اللي يستحق انه تقولى عنه محبوب بين الاعضاء ؟

مين بنظرك بيعمل بجهد بالمنتدى غيرالمدير..

ما هو رايك بكاتب موضوع كرسى الاعتراف وما النصيحه التي تقدميها له؟؟

ياترى انتى شايفه المنتدى وصل للمستوى اللى تتمنيه همس؟؟

فيه اى قسم كنتى تتمنى انه يكون موجود ومش هنا؟؟

وكفايه عليكى بقه ياهمس اشوفك تانى واتمنالك التوفيق ياقمر

اخ ربنا معاكى يا همس اسئله فى الجون يا ندا تسلم ايدك

وحمدلله بالسلامه وحشتينا كتاير يا باشا والله

ميرسى ليكى يا ندا ياقمر

انا بجد حبيتك جدا من غير ما اشوفك رغم انى مش بسهوله انى احب حد بسرعه

وانشاء الله ربنا معايا يا تيتو فى الاسئله دى

نبدا

الاسم:همس السن:18سنه العنوان:بلقاس

الياهو:خديه من ناميلوس بقى ياقمر لانه معاه جميع اميلات المنتدى

ههههههههههههههههه

المدينه:تضحكى عليا لو قلت لك بلقاس

مدينتى اللى اتولد واتربيت فيها

وعرفت اصحابى واخواتى

شعت فيها اجمل ايام حياتى

كفايه انى شوفت حبيبى فيها

الهوايه:كتابه الشعر والخواطر بس مش اوى يعنى

البرج:الحمل

هدفى فى الحياه:

انى اعيش مرتاحه واسعد كل اللى حواليا واحب كل الناس حتى لو ازونى

وافضل انا وميدو وجيلان دايما مع بعض

واهم شى حبيبى يكون ليا

اكتر حاجه بكرهها:

الظلم لانى اتحطيت فيه كتير اوى

والنفاق

والخيانه

اكتر حاجه بحبها فى الدنيا:

بحب الحب والحياه والصدق وراحه البال

الحاجه اللى تخلى همس تعيط غصب عنها:

الظلم والفراق

نقطه ضعف همس:

امى واخواتى وميدو وجيلان

لانهم اهم ناس فى حياتى

اكتر مكان همس بتحبه:

بحب جدا اقعد فى ارض زراعيه فيها الخضره من جميع النواحى

بس لوحدى

همس راضيه عن حياتها :

الحمد لله لانى عمرى ما عملت حاجه تغضب ربنا

وعمرى ما ازيت انسان مهما ازانى

وبحب كل الناس باخلاص

_ _ ***_ _ _***_ _ _***_ _ _

الحب:سر الحياه

الامل:من غيره مننفعش نعيش

لازم يبقى عندنا امل فى بكره

الحزن:موجود بس لازم نتخلص منه باى طريقه

علشان نقدر نكمل حياتنا

الفراق:اصعب شى فى الدنيا

ربنا يبعده عن كل الناس

شخص عزيز فرقت الاقدار ما بينى وبينه وبتمنى قربه:

جيلان

بس الحمد لله رجعت جيلان صاحبه عمرى اللى بجد

اتغيرت كتير بس للاحسن

ما هى نظرتك للمستقبل:

الحمد لله متفائله جدا

لان بسمتى وفرحه قلبى رجعوا لى تانى

اصعب قرار اتخذته فى حياتى:

الفراق عن اعز الناس ليا

الخبر اللى قراته واثر فيا:

رساله جتلى على موبايلى كانت صعبه جدا عليا

بس الحمد لله ايام وعدت

اكتر موقف حصل لى وحسيت ان ربنا واقف جنبى:

بصراحه يا نور كتير

انا بحب ربنا اوووووووووووووى

حد ظلمك او جرحك قبل كده:

كتييييييييير بس بجد مسمحاهم من قلبى

_ _ ***_ _ _***_ _ _ ***_ _

لو امتلكت مليون دولار:هشترى اكتر حاجه محتجاها فى الوقت اللى تجينى فيه الفلوس

لكن دلوقتى الحمد لله مش محتاجه حاجه بس ممكن فيما بعد

الاقى هعمل بيه ايه:اول شى هبنى اكبر مسجد

وهساعد غيرى لو محتاج

ونفسى بجد اكفل طفل يتيم

الباقى بقى هعينه فى البنك لغايه اما الاقى حاجه تانيه اعملها

لو ذهبت لجزيره اكثر 3 اشياء اخذهم:

اشياء:البوم صورى من ايام طفولتى

كشكول اكتب فيه اى حاجه جوايا محتاجه اخرجها

موبيلى

لكن لو 3 افراد

احمد حبيبى وحماده وجيلان

اكتر سوره بحبها فى القران:

طبعا القران كله جميل

بس اكتر سوره الملك

الكمبيوتر يمثل كام% لهمس:

هههههههههه

بصراحه الاول كان 1 %

انما دلوقتى بقى 98%

الماده المفضله لهمس:

الفارسى والايرانى

حمامه زاجل استقرت على نافذتى تحمل رساله من مجهول اتمنى تكون من مين:

بتمنى من كل قلبى تكون من احمد

راى فى الدعوه:

اللهم امين

بجد جميله جدا

ربنا يحميكى يا ندى يا قمر

_ _ ***_ _ _ ***_ _ _ ***_ _

اكتر العضاء اللى بحبهم:

واللهى بحبهم كلهم لانى بجد اخذتهم كانهم اخواتى

اكتر عضوه بحبها:

بصراحه كلكم وخصوصا ندى

والله مش بكدب

العضو المحبوب بين الاعضاء:

تيتو

مين فى نظرى بيعمل مجهود غير المدير:

ابو على وندى وتيتو وميدو ودوف واتش ومنه

رايي فى كاتب موضوع كرسى الصراحه:

بجد تيتو من الاعضاء اللى بحترمها جدا

وبرضه وصل لمعزيه كبيره عندى

وراجل بجد وربنا يخليله حبيبته يارب

النصيحه:

اتقرب من ربنا لو كنت بعيد عنه

وخلى بالك من دوف ومتزعلهاش ابدا

وخليك قريب من اصحابك لانهم يستهلوا حب الواحد واخلاصه ليهم بجد

ربنا يحميك يا تيتو يارب

ياترى همس شايفه المنتدى وصل للدرجه اللى بتمناها:

الحمد لله المنتدى بقى متميز ومتقدم بحب الاعضاء لبعضهم

وان شاء الله هيبقى احسن واحسن

اى قسم كنت بتمنى انه يكون موجود:

بصراحه كل حاجه موجوده المنتدى بسم الله ما شاء الله كامل باقسامه

ميرسى ليكى يا ندى يا قمر على الاسئله اللذيذه دى

وانا مستعديه لاى اسئله تانيه

ميرسى همس ع الاجابات الجميله دى ياقمر بس هتعبك تانى بقه

وارجع اسألك لان لسه عاوزين نعرف همس اكتر واكتر

ونعود مره تانيه لبرنسس المنتدى همس الاموره

وتحبى تشربى ايه ياهمس من كافيه المنتدى واتش يجيبه هوا

هو مش هوا اوى بس هيجيبه ههههههههههههههههههههههه

ونقوووووووووووووووووول الاول

ماهو شعورك وانتي في كرسي الاعتراف ؟ مع الشرح بالتفصيل؟؟؟؟؟

أيه رأيك همس فى كرسى الاعترا ف ؟؟

ليه اخترتى اسم همس ؟؟

***************

ما ذا تعني لك الكلمات الاتيه :-

الزواج 000 الصداقه000 الاخوه 000 الاعضاء اللى همهم اذيه البنات 000 العدل 000 الامانه

000 المنتدى 000

**********************

)لمن تعطي هذه المسميات من المنتدى :-

القلم الذهبي000 مكنسه 000 شهاده تقدير 000 ورده حمراء 000 ورده بيضاء 000 ورقه

بيضاء 000 مع ذكر الاسباب؟

*************************

عوزاكى تقيمى كل عضو من دول:-

دوف ... مها ... منه ... أتش.... ناميلوس ... نوفا... نور الحياه ... تيتو ... عبقرينو ...

الحبيب

... ميدو...همس ...أحمد أبو على ..

**********************

ما هي سلبيات المنتدى برايك ؟. وازاى ممكن نتعداها؟

******************

المشرفين ؟!!!! من برايك يستحق تلك الكلمه من مشرفين منتدانا ؟وليه ؟؟؟

*****************************

من العضو اللي فراقه صعب!!!!

منو العضو اللي فراقه عيد!!!!!!

من العضو اللي تحبى تكونى اول من تردى عليه

من العضو اللي تحسبين الف حساب للرد ؟!!!

******************

لو جبتلك ورقه وقلم مع القليل من الالوان الخافته وطلبت منك ان ترسمي لوحه معبره عن حال

العالم العربي ؟ هترسمى ايه ؟

************************

أيه رايك ياهمس فياللى بيجلس على النت بالساعات هل هو سحر أم أدمان أم تضييع وقت فراغ أم

أكتساب معلومات والتزود من أنواع المعرفة؟؟

ما هي الاشياء التي ندمت همس عليها في حياتك؟؟

ماذا تعني الاسره لهمس ؟؟

ما الشيء الذي استفدته من المرحلة الجامعية في شخصيتك وحياتك ..؟!!

حادثة او واقعة حدثت ليكى انتى شخصيا وا ستفدت منها الكثير..

. ما هي الحكمة التي يرددها والدك ورسخت في بالك ونفسك ..؟!!

موقفك من الحب ؟؟

أى قرار همس بتاخده بيكون بعلقها ولا بقلبها؟؟

مالفـرق بين الحب والصداقة عند همس؟؟

ماهي اجمل اللحظات في حياتك همس

مامعنى كلمة الخيانه في نطرك؟ وهل مررتى بتجربه نهايتها خيانه ؟

ما هي احلى كلمة اتقالت ليكى؟؟؟

ما هي اعلى المرااتب العلمية في نظر همس ؟؟

ما هو موقفك من خياانة اقرب النااس الى قلبك ؟؟

ماهو مثلك الاعلى في الحياة ؟؟

المكان اللي تحس همس انها مرتااحه فيه؟

كلمه سمعتيها ودايما على بالك ولاتقدرى تنسيها ؟

المكان اللي مش بتحبى تروحيله ابد لكنب تروحيله وانتى مغصوبه ؟

**************************

ما هى الاقلام التى لفتت نظرك فى المنتدى ولهاا قلام مميزه فى كتاباتها

ماهي اقتراحاتك للمنتدى

ماهو رايك بالمنتدى بصراحه تامه ومطلقه

من هم الاعضاء اللى تتمنى مقابلتهم بصراحه ؟؟

**********************

ماهو اول موقع تدخل عندما تفتح النت ؟

لمن تهبى ابتسامتك دائما؟

أكبر عيوبك وتتمنى أن تتغير ؟؟

وفى الاخر لو ناميلوس خيرك انك تختارى لقب ليكى يكون ع المنتدى تحبى يلقبك بأيه ؟؟؟

تحبى وجهى اى كلمه خاصه لاى عضو وكلمه منك لبنات وشباب المنتدى؟؟؟

********************

اتمنالك وقت جميل ع الكرسى ومنتظره اجابتك ياقمر

ههههههههههههههههههه

همس كدا ندا حبيتك ههههههههه

ربنا معاكى وبجحد ميرسى اوى اوى على النصيحه والكلمتين الحلوين دول

ربنا يخليكى يارب وتحققى اللى بتتمنيه

ميرسى ليكى يا نونا يا قمر

مككن يا اتش اشرب نسكافيه لانى لسه صاحيه

ههههههههههههههههه

نبدا

شعورى على كرسى الاعتراف"

الحمد لله مرتاحه جدا لانى بتكلم بكل صراحه ومن غير خجل

راى فى كرسى الاعتراف:

بجد حاجه جميله جدا لان من خلالها الواحد بيحكى عن اللى جواه من غير خجل وكفايه انه بيبقى صريح

ليه اخترت اسم همس:

بصراحه ميدو اللى اختاره ليا لانه بيحب الاسم ده

--***--***--***--

الزواج:استقرار وبدايه تكوين حياه واسره جديده

الصداقه:اسمى شى فى الوجود

براط قوى ميهزهوش اى شى ان الاصدقاع يعيشون روح واحده بس بجسدين

الاخوه:اكتر حاجه عجبانى فى المنتدى الحمد لله المنتدى كله اخوات وببيحبوا بعض اوى

الاعضاء اللى همهم ازيه البنات:الحمد لله مقابلتش حد كده فى المنتدى لغايه دلوقتى

وان شاء الله مش هيبقوا موجودين ابدا

العدل:اهم شى لان الاحساس بالظلم وحش جدا فالعدل لازم يبقى موجود دايما فى حياتنا

والعدل اساس الملك

الامانه:صفه لازم تبقى موجوده فى كل انسان

ولازم الانسان يبقى امين مع نفسه قبل ما يكون امين مع غيره

ومن صفات رسول الله صلى الله عليه وسلم"الصادق الامين"

المنتدى:جميل جدا بروح الحب الحلوه والاخلاص الموجودين بين كل العضاء

--***--***--***--

القلم الذهبى:لناميلوس السبب لانه البروف

المكنسه:لزعيمه المافيا السبب:خليه مختفى احسن

شهاده تقدير:لكل اعضاء المنتدى السبب:للمجهود الكبير اللى بيعملوه فى المنتدى

ورده حمراء:لنور الحياه وتيتو وناميلوس وكل العضاء

الورده البيضاء:لميدو السبب:لانه بجد اطيب قلب عرفته

الورقه البيضاء:لجيلان السبب:لاننا بدينا صفحه جديده من حياتنا مع بعض

--***--***--***--

دوف:بنوته رقيقه وعسوله

مها:مختفيه ومحصلش ما بينى وبينها مقابله على المنتدى

منه:اختى الصغيره وربنا معاها لان امتحانتها قربت

اتش:حبوب وحترم جدا وجرى

ناميلوس:البروف شخصيه بجد محترمه جدا جدا

وخجول واخويا الكبير بس مش اوى يعنى ههههههههههه

نوفا:زعيمه المافيا

نور الحياه:برنسيسه المنتدى وارق واجمل بنوته وان شاء الله مرات اخويا ابوعلى

تيتو:جدع جدا وحبوب وروحه جميله بيحب الضحك والهزار

وبجد انسان محترم

عبقرينو:بنبونه المنتدى بجد اطيب من قلبه مشفتش بس بقاله فتره مختفى يارب يكون خير

الحبيب:شخصيه محترمه

ميدو:توامى وصديق عمرى ومقدرش استغنى عنه ابدا

همس مقدرش اقيم نفسى اسيبك انتى تقيمينى يا نونا ياقمر

احمد ابو على:البرنس بيحب ندا جدا وغيور جدا ومش بيحب النفاق

وبجد قلبه ابيض

--***--***--***--

سلبيات المنتدى:بصراحه مش لاقيه فيه سلبيات

--***--***-***--

مين يستحق كلمه المشرف:بصراحه انا لو بايدى كنت اخلى الكل مشرفين

ده طبعا بعد اذن ناميلوس

ههههههههههه

--***--***--***--

العضو اللى فراقه صعب:كل العضاء المنتدى من غير حد فيهم هيبقى وحش اوى

العضو اللى فراقه عيد:ولا واحد

العضو اللى احب اكون اول من يرد عليه:تيتو

العضو اللى بعمل له الف حساب:ميدو وناميلوس

--***--***--***--

لو معايا قلم وورقه والوان خافته:

لو حلم هرسم ان اوطن العربى كله امه وايد واحده

لو واقع هرسم حالات الذل والارهاب اللى موجوده فى فلسطين والعراق

--***--***--***--

من وجه نظرى انا:

اللى بيجلس على النت بغرض علمى ده طبعا مقدرش اتكلم فيه

لكن اللى بيجلس على النت بغرض اللعب واللهو المفروض يخصص له وقت معين ومش كتير

الاشياء التى ندمت همس على فعلها:انها حبت لان الحب ده كان من طرف واحد

ماذا تعنى الاسره لهمس:الاستقرار والامان والحب والطمانينه والاستقرار

الشى اللى استفده فى حياتى الجامعيه:ان فى الكتير بتاع مصلحته وبيحبوا بنفاق

حادثه وقعت اهمس واستفادت منها:مشكله كانت ما بينى وبين جيلان وعرفت ان فى ناس كتير مش عيزنا نبقى كويسين

مع بعض وقعونا فى بعض كتير اوى

اى قرار همس همس بتاخده بعقلها ولا بقلبها:بعقلى

الفرق بين بين الحب والصداقه عند همس:

الصاقه لا تنتهى فصديق اليوم هو صديق الغد

اما الحب اذا ذهب فلن يعود

اجمل اللحظات فى حياتى:

الفتره دى اسعد ايام بقضيها

معنى الخيانه:هى صدمه كبيره يواجهها الانسان من انسان لم يتوقع منه الخيانه

الحمد لله مقابلتش حد خنى

احلى كلمه اتقالت لهمس:

ربنا يرضى عليكى

اعلى المراتب اعلميه من نظر همس:

الدكتوراه

موقفى من خيانه اقرب الناس اللى قلبى:اكيد هيبقى صعب عليا اوى

بس الحمد لله مجربتهاش

مثلى العلى:الله ورسوله الكريم

وامى

المكان اللى بتحس همس انها مرتاحه فيه:

ههههههههه

فى غرفه الانتريه بتاعتنا بس ابقى لوحدى

كلمه سمعتها على بالى دايما ومش قادره انساها:

كلمه اتقالت لى فى وقت غضب من جيلان

المكان اللى مش بحب اروحه:عند خالتى رغم انى بحبها بس مش بحب بيتها

--***--***--***--

الاقلام التى لفتت نظر همس:بصراحه كلها

ماهى اقتراحاتى للمنتدى:

اننا نحاول نطوره اكتر واكتر بصراحه انا مش عارفه اى منتدى تانى عامل ازاى

بس اكيد غيرى عارف وبجد بتمنى ان منتدى ناميلوس يكون الافضل دايما

راى فى المنتدى:بجد جميل جدا بروح المرح والضحك والحب والاخوه اللى بين كل الاعضاء

الاعضاء اللى بتمنى مقابلتهم:نور الحياه

تيتو

ناميلوس

نورين

--***--***--***--

اول موقع بدخل عليه لما افتح النت:

والله المنتدى

امن اهب ابتسامتى دائما:

لاحمد وجيلان وميدو

اكبر عيوبى واتمنى ان اغيرها:

غيرتى بس مش عارفه ده عيب ولا لا

واندفاعى انا مندفعه جدا

لو ناميلوس خيرنى بلقب اختاره لنفسى

eve girl

بنت حواء

الكلمه بوجهها لجيلان وبقولها:

والله بحبك اوى وربنا ميبعدناش عن بعض ابدا لانى مقدرش استغنى عنك ابدا ابدا

الكلمه لشباب وبنات المنتدى:

انا بجد حبيتكم جدا واخد عليكم بسرعه

وعجبتنى اوى روح الاخوه والصداقه اللى مابينكم

ربنا يخليكم لبعض يارب

eve girl

همس البرنسيس ميرسى كتير لاجاباتك الجميله الواضحه جدا

والصريحه وميرسى كتير لكلامك الجميل وانى كنت من ضمن اهتماماتك

وميرسى لوصفك الجميل لآحمد وانتى بجد اخت لينا وصديقه جميله دخلت بينا

نورت المنتدى أكتر وادتله روح جميله

اما تقيمى ليكى همس

بصراحه اى كلام قليل عليكى لانه مش هيوفيكى حقك انت بنوته رقيقه اوى

قلبك ابيض اوى اوى وخفيفة الظل جدا ولما بتكونى فى المنتدى بتديله روح

مرحه بضحكتك وخفة روحك ومرحك الجميل ودخلتى بينا بسرعه اوى وكلنا ارتحنا لوجودك

معانا واتمنى فعلا من كل قلبى انك تفضلى معانا دايما ونطمن عليكى باستمرار

واتمنى انى اقابلك واتعرف عليكى لانه هيكون اضافه فى حياتى صداقتك

واتمنالك النجاح وان علاقتك بجيلان تستمر دايما ومفيش اى حاجه تفرقكم

وندااااااااااااااء لناميلوس ونائب المدير تيتو وعبقرينو

تنفيذ طلب همس باللقب الجديد اللى هى تتمناه

اولا ميرسى كتير ليكى همس

على اجابتاتك الجميله دى اولا

وثانيا على انى كنت ضمن قائمتك

بجد انتى انسانه شيك جدا فى اجابتك وزوق جدا جدا

وطيبه واخلاق وانا بحترمك كتير ومن الاعضاء اللى ببقى سعيد لتواجدهم معانا على المنتدى

وباذن الله هيبقى فيه توبيك لتغير النيم للاعضاء جميعا

قريبا جدا

تقدرى تختارى الاسم الجميل دا وتقدميه وهيتم تغير النيم بتاعك فورا

وكذلك تم افتتاح مسابقة الاشراف على المنتدى

فى قسم طلبات الاعضاء

ميرسى ليك ياتيتو انت ونور

بجد انا سعيده جدا انى معاكم

وبجد ميرسى على الكلام الجميل ده

يارب ما يحرمنى منكم ابدا

ميرسى همس ليكى

كنتى منوره الكرسى والله

ويلا اختارى حد بعدك على الكرسى يا باشا

ميرسى ليك يا تيتو

بجد كان وقت لذيذ جدا

وانا هختار اتش علشان نبهدله شويه فى الاسئله

ههههههههههههههههههههه

بجد يا اتش هتبقى مرتاح جدا وانت بتتكلم بصراحه

وبدون خجل

ربنا يوفقك

[ندعوك للتسجيل في المنتدى أو التعريف بنفسك لمعاينة هذه الصورة]

أهلاً وسهلاً بـكِ أتــــش في " كرسي الإعتراف"

منـــــــــــــــــــــــــــور الكرسى يا أتـــــــــــــــــش خد نفس عميق كده واسترخى

ع الكرسى وانتظر الاعضاء بقه وعاوزين اجابات صريحه وواضحه

ههههههههههههههههههههههههههههههه

وقبـل أن نسيبك كده مـع اسئلـة "الاعضاء"

" عرفنا ببطاقتك الشخصيه [ندعوك للتسجيل في المنتدى أو التعريف بنفسك لمعاينة هذه الصورة]"

""بطاقتكــ الشخصيهــ""

الاسمــ::

العمر::

الحالهــ الاجتماعيهــ::

السكنــ::

مستواكــ الدراسيــ::

هواياتكــ::

كلـ مايخصـ شخصيتكــ::

القسمـ المفضل لديكـ بالمنتدى::

ونتمنـى لكِ قضاء أسعد الأوقات

فـي " كرسي الإعتراف "

وانتظر اسئلتى واستعد

اتش منور الكرسى والله يا مان وانا يلا هنزل شوية اسئلة كدة حلوين يلا استعد

1-اذا اردت ان تبكى الان فعلا من تبكى

2-لو خيروك بين حبيبك واعز صديق فمن تختار

3-من يسكن قلبك

4- امنية نفسك تحققها

5-كلمة (مستحيل انساك لمن تقولها )

6-كلمة (انت كل شى بحياتى )لمن تقولها

7_امتى اخر مرة بكيت

8-هل تريد ان تتزوج زواج تقليدى ام زواج عاطفى ولماذا

9_هل انت راضى عن نفسك

10_ايهما اهم بالنسبة لك شهاداتك الجامعية ام الزواج ممن تحب

11-اكتر حاجة تخليك تعجب بالشخص الذى امامك

12_كم مرة حبيت

13_اذا اردت ان تقدم اعتذار فالمن

14_من ستختار لكى يمسح دموعك

15-ما رايك بهولاء الاعضاء

1_ناميلوس

2_تيتو

3_نور الحياة

4_زعيمة المافيا

5_مها سندريلا

6_همسة

7_جيلى

8_ميدو

9_عبقرينو

10_يا ترى اية عيوبك واية مميزاتك من وجهة نظرك

شكر اتش انا الحمد الله حلصت شد حيلك ويارب الاسئلة تكون سهلة عليك بالتوفيق

فين انت يا أتش ياريت تدخل بقه تجاوب ع اسئلة نوفا

وعشان نكمل معاك ع الكرسى

-اذا اردت ان تبكى الان فعلا من تبكى

2-لو خيروك بين حبيبك واعز صديق فمن تختار

اعز صديق طبعا لان ممكن تحب اى حد لاكن لو حد عزيز على قلبى ممكن افكر فية

3-من يسكن قلبك

حبيبتى بس لما القيها وحليا فى واحدة

4- امنية نفسك تحققها

انى انجح فى حياتى واقابل بنت الحلال

5-كلمة (مستحيل انساك لمن تقولها )

اقولها لا ابويا وامى ههههههههههههههههههههههههههههههه

6-كلمة (انت كل شى بحياتى )لمن تقولها

الى حبيبتى واعز واحدة على قلبى

7_امتى اخر مرة بكيت

فى حالة انسانية شوفتها امامى خلت عينى تدمع

8-هل تريد ان تتزوج زواج تقليدى ام زواج عاطفى ولماذا

عاطفى عشان الانسانة التى تحمل اسمى لابد ان تكون بتحبنى زى منا سوف احبها

9_هل انت راضى عن نفسك

الى حد ما

10_ايهما اهم بالنسبة لك شهاداتك الجامعية ام الزواج ممن تحب

الا ثنين معا

11-اكتر حاجة تخليك تعجب بالشخص الذى امامك

انة يكون انسان صادق بجد فى كل شىء

12_كم مرة حبيت

مرة وماشى فى التانية ان شاء اللة هههههههههههههههههه

13_اذا اردت ان تقدم اعتذار فالمن

الى كل من اسات فى حقة

14_من ستختار لكى يمسح دموعك

ابوي وامى لا انهوم اقرب الناس ليا

15-ما رايك بهولاء الاعضاء

_ناميلوس اتعرفت علية فى فترة قريبة بي بجد انسان بحترمة جداااااااااااااا وحبيتة كتيرواللة

بعتبرة اكتر من اخ واعتبرتة صديق بجد واللة مش نفاق ولا مجاملة هى دى الحقيقة

2_تيتو اجدع واحد عرفتة

3_نور الحياة اعز اخت فى المنتدى

4_زعيمة المافيا دى معزة خاصة بالنسبالى ؟؟؟؟؟؟؟؟؟؟؟؟

5_مها سندريلا مشرفة متميزة

6_همسة اخت اخويا هههههههههههه تنبقى اختى

7_جيلى صديق الطفولة

8_ميدو حبيب قلبى

9_عبقرينو عبقرينو بجد

10_يا ترى اية عيوبك واية مميزاتك من وجهة نظرك

مميزاتى انى طيب وبصق فى اى حد بسهولة

عيوبى اكيد معرفهاش طبعا مفيس انسان بيعرف عيوب نفسة

ميرسى اتش لردك اجابات نموزجية اوعى تكون فتحت الكتاب لزعل منك هههههههههههههههههههههههههههههه بجد تسلم لردك ويارب اكون ضيفة حفيفة عليك وانا كمان ليك عندى معزة خاصة

""بطاقتكــ
الشخصيهــ""

الاسمــ:: هشام شومان

العمر:: ماشى
فى18

الحالهــ الاجتماعيهــ:: ميسور الحال

السكنــ:: بلقاس
دقهلية

مستواكــ الدراسيــ:: مستقر

هواياتكــ:: النت وكرة
القدم

كلـ مايخصـ شخصيتكــ:: الصدق مع اللةاولا ومع النفس
ثانيا

القسمـ المفضل لديكـ بالمنتدى:: كل اقثام وخصوصا المنتديات التعليمية

والترفهية

واكيد واللة يانوفا الشعور متبادل
وسورى انى مدخلتش من مدة

بجد اكتر حاجة عجبتنى فى كل الكلام دة
صرحتك ياهمس وربنا يوفقك ويحققلك كل
الى تتمنية ياااارب

اية اسماء الاولاد والبنات الى هيكون اولادك فى المستقبل ولية الاسماء الى انتى هتختاريها ؟؟؟؟؟؟؟؟

وانتا كمان يايتش

يلا يا جماعه عاوزين نشغل كل الالعاب اللى وقفت

ويلا يا همس ادخلى جاوبى ابراهيم واختارى مين وراكى على الكرسى

» اعضاء سيتم حذفهم من المنتدى قريبا ...!!!!!
» الي اذكي اعضاء المنتدي
» هل انت مستعد للتبرع بعضو من اعضاء جسدك ..... ولو؟
» ادخل وقول رائيك فى اعضاء ناميلوس
» لماذا يصعب علينا الاعتراف بالحب‏ ؟؟؟ تساؤلات كثيره ادخل وجاوب عليها !!!!!!