كرسى الاعتراف لاجمل اعضاء

شوفى انجيل اى حد يحط اسئله يلا

علشان ابو وديع معدش فيه وقت كتير

يا اجاباتك الجامدة يا بو وديع وبعدين يا باشا

الف الف شكر ع الكلام الجميل ده بس انا باقولك مفيش حد مفيهوش عيوب

وان شاء الله منتظرين منك اجابات اجمد لاسئلة اجمد واجمد

طب ميييييين اللى هيحط يا جماعه ولا كدا خلاويص

شكلها خلاويص يا تيتو

اختار يابو وديع بقا حد

يعني خلاص زهئتوا مني خلاص

هختار مين

هختار الي عزبني في الاسئله عشان له عندي شويه اسئله

تيتو

الف مبروك يا تيتو
ويلا استعد للسائلة
وان شاء الله تتبسط معانا علي الكرسي

ههههههههههههههههههههه

انت شايل فى قلبك اوى كدا

وعموما انا مستعد وميرسى يا مها وادينى ربط حزام الامان وربنا يستر

مبروووووك تيتو

على ايه بس يا حاجه ربنا يكملها بالستر ههههههههه

فرحنالك ياتيتو ههههههه

باين اهو يا حاجه انتى هتقوليلى

ربنا يعديها على خير المشكله انى منتظر وشكل ابو وديع سخن

ماهو مش تقلقى غير من اسئلة القريبين منك هما دول

اللى هيحرجوكى هههههههههههه

ربنا يستر

ايه يا جماعه محسسنى ان البعبع اعد على الكرسى

ماتنجزوا انا زهقت من الانتظار نحسسنى انكوا هتموتونى من الاسئله ههههههههه

تيتـــــــــــــــــــــــو صديقــــــــى

تسمح يا باشا انى ابدا الاسئلة

وانت عارف انى بحبك يعنى اسئلة سهلة

1/ اول حاجة يا معلم انا عاوزك تتكلم عن نفسك

2/اية يا حبى العيوب اللى انت شايفة فيك وعاوز تغيرها

3/مين اقرب انسان اليكـ

4/اية الهدف اللى بتتمنة من الدنيا غير الجواز هههههههه

5/انت شايف حياتك ازاى بعد عشر سنين

6/ عاوزك بقا تقول كلمتين فى حق الناس دى

الحاج عبودة المغاورى

محمد ابو شعيشع

محمد عبدالرازق

احمد شعيب

فكرى عصر

محمد سمير

ابو الوفا حبيبى

اسلام يسرى

7/ حياتك يا تيتو وانت صغير كانت ازاى انا اعرف انك اتبهدلت جامد

عاوزك تتكلم فى الجملة دى وخاصة البهدلة

8 / انا عارف ان مامتك هى حياتك انت بتتمنى تعملها اية

9/ اية انطباعك عن كلا من

ناميلوس

عبقرينووو

احمد ابوعلى

ابو وديع

الطيب

محمود على

محمد بكر

10/ اية انطباعك عن كلا من

دوف

مها سندريلا

نور الحياة

انجل جيرل

همس

نورين

11/ انا عارف يا تيتو انك اتظلمت كتير احكى اكتر مرة اتبهدلت فيها

وحسيت انك تعبان وعاوز تعيط

12/ تيتو ومغامرتة العاطفية انت وجة نظرك فى الحب

13/ امتى حبيت بجد

14/ امتى انجرحت بجد وحسيت انك مقطف هههههههههه

15/ اكتر انسانة حبيتها بجد

16/ تيتو انا اعرف انك لما بتخسر انسان يبقى خالص مفيش امل ترجعوا اصحاب

ليييييييييييييييييييييييييية

17/ الغلط من نظرك شايفوا ازاى قصدى امتى تحس ان انسان غلط فيك

18/ انت شايف كابتن تيتو الصغير ازاى ومستقبلة اية

19/ كرة القدم صفحة اتقفلت فى حياتك

20/ ماذا يمثل لك السنتر او جودى فون

تيتو فكك بقا من الحاجات السهلة دى

نخش على التقيل

قولى لية بتسمى نفسك تيتو

اية احلى شىء فى المنتدى عجدبك

مين المشرفين اللى بتحس انهم فى يوم هيبقوا اصحاب منتدى

كم قصة حب حقيقة عشتها

السن المناسب لك فى الزواج

مين الاعضاء اللى نفسك تقعد معهم وتعرف عنهم اكتر واكتر

سؤال انت بتهرب منة مواصفات شريكة احلامك

عاوزك تهدى رسالة حب لاى حد

تيتو امتى هتبطل سجاير ووووووووا

شوية بقا كدة علشان تزقطط

سنك الحقيقى فى البطاقة

اية رايك فى دراستكـ

هواياتك

لونك المفضل

الاكلة المفضلة

حكمة تؤمن بها

اية اللى بيفرحك يا تيتو

حاسس باية وانت اقعد على الكرسى

هل انت هتجواب على كل الاسئلة بصراحة ولا هتقلب اسئلة

اية السؤال اللى مكنتش عاوزنى اسئلة وسالتة

اية السؤال اللى متحبش حد يسالك فية

اية بقا السؤال اللى تحب تسال فية ومسالتكش فية

سؤال تسال نفسك فية وتجواب علية

امتى حسيت انك عطيت لنفسك فرصة انك تفكر

اكتر قرار ندمت علية

هل القرار اللى ندمت علية دة اذاك

انت فكرت تاذى حد ولو فكرت مين اللى تحب تاذية

مين اللى اذاك وانت مقدرتش تاخد حقك او تعمل حاجة

المنتدى من وجهك نظرك مستمر لكام الفية جاية

بما انك المدير شايف مستقبل المنتدى فى الطالع ولا فى النازل

الكدب - الخيانة - الجبن - الكراهية

الحب - الخير - الجمال - الشجاعة - الصدق

اتكلم عن كل الكلمات دى ودورها فى حياتك

فى النهاية منتظر اجابتك يا تيتو

وانا لو عاوزت اسئلة تانية هسالك متخافش

موضوع: ا الأحد 26 سبتمبر 2010, 8:43 pm

عبقرينووو كتب:: تيتـــــــــــــــــــــــو صديقــــــــى

ازيك يا عبقر حبيبى من ايام الجيزه

تسمح يا باشا انى ابدا الاسئلة

طبعا اتفضل يا حبيبى

وانت عارف انى بحبك يعنى اسئلة سهلة

سهله دى رخمه زيك يا غتت هههههههههه

1/ اول حاجة يا معلم انا عاوزك تتكلم عن نفسك

اولا يا باشا انا انسان عادى جدا ليا دماغ ساعات بتكون غريبه بس الحمد لله

مخليه ناس كبيره محترمنى وبيعاملونى كانى فى سنهم ممكن فى وسط اصحابنا شويه جنون

بس مش بحب ازعل حد منى ولو حد زعلنى بتبقى كبيره عندى

بعشق الكوره وكذلك السويدى علشان اظبط جسمى وبس مؤقت يعنى شكل الاسئله هتقول كل حاجه هههههه

2/اية يا حبى العيوب اللى انت شايفة فيك وعاوز تغيرها

بص يا عبقر فيه ناس بتقول انك مش بتشوف عيوب نفسك

بس انا شايف فيا عيب خطير جدا ان اللى بيضايقنى مش بعرف ابص فى وشه

لحد اما نتصالح وكمان العصبيه بتبقى ساعات تخرجنى عن شعورى وممكن تودينى فى داهيه

وانت اظن عارف كدا انت والرجاله شوفت اخرتها كنت عامل ازاى وهيحصلى ايه لولا رحمة ربنا الحمد لله

3/مين اقرب انسان اليكـ

والله مفيش انسان بعينه لكن فى كل حتة فيه انسان مقرب

يعنى فى عيلتى ممكن محمد ابن عمتى ابو مهند هههههههه

دا توأمى هزار وضحك وكذلك احمد ابن عمتى

اما فى الصداقه بين الحبايب فهما كتير بس اولهم علشان مكدبش ابو الوفا

4/اية الهدف اللى بتتمنة من الدنيا غير الجواز هههههههه

هههههههههههههههههههه

نفسى اكون الشركه اللى نفسى فيها

واعمل مصنع اكسسوارات موبايلات هنا فى مصر بدل الاستيراد اللى مودينا فى داهيه دا

وان كل اللى يعرفنى يحبنى مش عاوز حد يضايق منى

5/انت شايف حياتك ازاى بعد عشر سنين

والله يا عبقر لو مشت زى ما انا حاسبلها

هتبقى احلى ايامى اللى هعيشها وخصوصا ان هتبقى جمبى اكتر انسانه بتمناها من الدنيا

ودا هيساعدنى نفسيا كتير اوى باذن الله يعنى

6/ عاوزك بقا تقول كلمتين فى حق الناس دى

الحاج عبودة المغاورى

الكبير عرف ازاى يربينى صح بطريقته ودماغه

ومثلى الاعلى طبعا من غير كلام ساعات بعتبره قاسى معايا

بس لما بتحط فى موقف هو قسى عليا فيه قبل كدا وخلانى اتصرف فيه صح لو غصب عنى

بعرف انه على حق والانسان دا بالذات بموت فيه هههههههههههههههه

وبضايق منه بس اعمل ايه ابويا بئا كفايه كدا تثبيت

احسن الاقيه هنا ولا حاجه ربنا يستر ههههههههه

محمد ابو شعيشع

حبيب ماى هارتى اخويا وابن عمتى والانتيم بتاعى هههههههههه

دماغنا واحده وابو مهند العسل وروحى قلبى دا

مشض هتكلم عنه كتير غير انه واد راجل من الاخر

محمد عبدالرازق

ربنا يهديه

احمد شعيب

زعلان منه بس مش بقدر عليه دا ماغ لوحده

وعيل راجل وتوأمى فى العيله انا وابو شعيشع

ربنا يصلح الاحوال ما بينا

فكرى عصر

اوعى وشك ابو عصر معانا هنا على المنتدى وصديقى من الثانوى اوى

ومن قبل الثانوى مش اوى ههههههههه

عيل رجوله من الناس القريبين منى اوى ربنا يوفقه وينجحه هيبقى محامى الشله بئا

وامه صاحبى الزوق واحلى طباخه فى الدنيا هههههههه

محمد سمير

زعيم العصابه ههههههههههههه اخلاق بس دماغه عاوزه اعاده هيكله ههههههه

واد زى العسل ورجوله وصديق الخطر وايام العذاب

ومن الناس المقربين ليا انا وفكرى جدا واحنا اكتر من الاخوات كمان

وبنرتاح لما نبقى مع بعض

ابو الوفا حبيبى

الوجه الاخر من كابتن تيتو

الانسان الوحيد اللى لما بينصحنى يبقى انا بعمل حاجه غلط فعلا

وزعله منى بيبقى خوف على مصلحتى فعلا والرجل الاول فى البيت عندنا هههههههه

اكتى حد من اصحابى اهلى بيحبوه وبيوحشهم بئا ههههههههههه

وياما امى دخلت علينا علشان توحشنى كل شويه بضربه محبه يعنى ههههههههههههه

اسلام يسرى

عيل دماغه عاوزه تظبيط بس جدع يعنى بجد

7/ حياتك يا تيتو وانت صغير كانت ازاى انا اعرف انك اتبهدلت جامد

عاوزك تتكلم فى الجملة دى وخاصة البهدلة

بهدلة ايه يا معلم ولا بهدله ولا حاجه الموضوع كان بيضايقنى وانا صغر هحكيلك اهو يا غالى

وانا صغير كنت مدلع اخر دلع بجد وكنت كلبوظه كدا ههههههههه

دا فيه صوره امى محتفظه بيها لحد الان مش عاوزه تديها لحد نهائى

يعنى وكنت من هنا لهنا وسينما مع عمى واسافر مع عمى دا وعند عمتى

طول النهار تقريبا امى مكنتش بتشوفنى كتير منا كنت الطفل المدلل بئا للعيله ابن الكبير هههههههه

لحد اما بدئت امشى وفهمت كنت بروح الشغل مع ابويا دلع كدا اتفرج بس

لحد ما دخلت المدرسه وبدءت الشغل مع الحاج بئا وبدئت المرمطه هههههههه

يعنى بئا يحمل شويه عليا وتعب ويضغط عليا لان دى التربيه الصح بالنسبه ليه

لانه هو كمان اتربى تربيه اصعب من دى كمان فالنسبه ليه كان دا دلع ههههههههه

المهم فضلت اتخنق واتعب ونفستى تعبت فتره كدا من المعلمه اللى مفيش

فيها هزار من ابويا ولا اى حاجه من دى طبعا كنت طفل لسه مش فاهم حاجه

والحمد لله اتعرضت للموت اكتر من خمسين مره

اخرهم كنت هقع من الدور الحادى عشر هههههه لكن جات سليمه طبعا دا كله كان عامل نفسى

زى الفل وعدة على خير الخمد لله ودلوقتى انا بشكر والدى انه ربانى كدا لانى مرتاح حاليا

بس ياعمونا دا كل حاجه طبعا متكلمتش عن التعليم لانه مش موضوع اسئله بلاش احراج هههههه

8 / انا عارف ان مامتك هى حياتك انت بتتمنى تعملها اية

ست الكل دى بئا لو تاخد عينيا مش قولها لاء وبجد مهما اعمل مش

هردلها جزء صغير من جمايلها عليا

ياما تعبت علشانى بجد ومهما اتكلم مش هوفيها حقها

وبتمنى من ربنا انى اعملها كل اللى نفسها فيه رغم ان الحاج مظبطنا ههههههه

9/ اية انطباعك عن كلا من

ناميلوس

طيب وجدع بس بتاع مظاهر شويه صغننين انت عارفنى يا حبى مش هجامل

عبقرينووو

راجل بس يبطل اللى بالى باله ههههههه انت عارف الناس كلها مش بياخدوا

بمحاسن الكلان اللى بيقول حاجه بيوصلها غلط

والدنيا بتبوظ يا صاحبى ونفسى تبطل اندفاع لانه فى اغلب الاوقات بيبقى مبنى على الغلط وانت عارف كدا

احمد ابوعلى

طيب لدرجه مش موجوده وبقوله يابنى الدنيا مش مثاليه

ونفسى يبطل السجاير لانه وحشه بجد

وانت بالذات تقدر لانك مش بتشرب اصلا ههههههههه غير كل فين وفين

ابو وديع

طيب وانسان اللى يعرفه بجد يحبه

لانه عمله نادره بس نفسى مش يمشى مع حد يكون السبب ان الناس تزعل منه

بس عموما عن ابو وديع شخصيه بحبها بجد ومش بحب ازعله

الطيب

واد راجل اوى بس بقوله الفلوس مش كله حاجه يا صاحبى

فيه الاحسن منها بس فكر انت كويس لان الفلوس عمرها ماكنت ليها قيمه

غير عند ناس انت مش منهم يا صاحبى انت احسن

محمود على

صديق السهرات معانا انا وابو وديع هههههههههه

حبيبى ومجنون رسمى والدنيا لفت بينا ورجعنا انا وهو فى سنه واحده

محمد بكر

جارى ومتربيين سوا وهو بدء فى الطريق الصح

بقوله كمل يابنى ربنا يهديك ويهدينا معاك وجايز انت تكون السبب فى انى اتغير

10/ اية انطباعك عن كلا من

دوف

ارق ورده فى اجمل بستان ونو كومنت بعد كادا يا بتاع انت دى خصوصيات هههههههه

مها سندريلا

انسانه طيبه ومدرسة المنتدى هههههههه

ربنا يوفقها

نور الحياة

نور الحياه ذكيه لدرجه بتشككنى فى نفسى بس اللى انا شايفه منها

انها انسان جميله وربنا يوفقها ها واحمد

وسورى يا ندى انا مش بعرف اثق فى حد حتى لو اقرب الناس ليا دى مشكله

بس اتعلمت ابقى دا من اللى شوفته

لكن خصوصياتك تهم احمد ابو على وكفايه انه شايف انك كل حاجه فى حياته

دى تخلينى اقول انك انسانه تستاهلى كل خير واجمل اخت كمان

انجل جيرل

اللى ثبتتنى وضحكت عليا ههههههههههههه

بجد بنوته زى العسل وجاية من طرف انسان انا بحبه جدا

ودمها خفيف الا انها عصبيه بس لسه سنها صغير وعندها الفرصه انها تتعلم من اخطاها

ونصيحه انجيل من اخ ويارب مش تضايقك

الراجل مهما يغلط مينفعش ان اقرب انسانه ليه تزعق فيه او حتى تغلط تعاتبه لما الامور تهدى

همس

فتاة معاصره ههههههه انسانه جميله ورودها اجمل ودمها خفيف

وبنت بلدى نمبر ون ليها نصيحه عندى مش كل اللى يضحك فى وشى اقوله سرى واامنه واتكلم معاه

كانه قريب ليا الانسان اللى يستاهل انى اقوله سرى اللى فى وقت ازمتى الاقيه جمبى

مش اللى يسبب ازمه ليا

نورين

انسانه بحاول افهمها لكن صعبه عليا شويه

انا مش ليا كلام معاها كتير تقريبا مش بنتقابل على المنتدى نهائى ير كل فين وفين

لكن من ردودها حس انها غامضه شويه

وانا بخاف ازعل حد منى لذلك هترك ليها رساله قربى مننا هتبقى فى قلبنا ههههههه

كلنا اخوات يا نورين وقريبين من بعض

حاولى تبقى فى وسطنا كتير

11/ انا عارف يا تيتو انك اتظلمت كتير احكى اكتر مرة اتبهدلت فيها

وحسيت انك تعبان وعاوز تعيط

موقف قريب لما جالى الخبر من واحد صاحبى ان فيه ناس قالت عليا

انى ضحكت على واحد صاحبى وانى مش كويس الكلمه دى دمرتنى من جوا

من كتر التفكير مكنتش عارف انام لحد اما اتصلت بيه قولتله يابنى انا علت فيك كدا فعلا ولا ايه قالى لاء

انت بتقول ايه قولتله جايز انا قولت كدا وناسى ولا حاجه

قالى لاء مين اللى قال كدا قولتله ناس اصحابنا فى الموقف دا وانا اعد مع محمود على دموعى خانتنى

ازاى اصحابى يقولوا عليا كدا

لحد اما اعدنا وحلينا الموضوع الحمد لله

12/ تيتو ومغامرتة العاطفية انت وجة نظرك فى الحب

الحب بعد الحاجاتاللى الناس عارفها دى

يعنى احترام وثقه وعطاء

هو تفاهم واستمرار بمعنى ان الحب لو مش استمر ميبقاش حب

اللى بيحب حد ميقدرش يبعد عنه بيعمل علشانه كل حاجه

وقيس على كدا حبك لوالدك هل تقدر تبعد عنه دا انت بتتبهدل لما بتيجى مسافر

او والدتك او اختك او اى شخص بتحبه

مش لازم نتكلم علشان نبين حبنا بس كفايه نعمل اللى يخلى الحب دا يستمر

13/ امتى حبيت بجد

هقولك يا سيدى لما حسيت انى مرتاح للانسانه دى وهيا فعلا مرتاحه معايا

وعاوزانى والمره دى يا عبقرينو مسمحتش لقلبى فيها بالحكم

فكرت كويس بعقلى الانسانه دى كويسه فعلا ولا لاء واختبرتها فى حاجات كتيره

لاقيتها دى اكتر انسان مناسبه ليا وهتستحملنى وكفايه كدا لانها مش بتحب انى اتكلم فى موضوعنا ههههههه

14/ امتى انجرحت بجد وحسيت انك مقطف هههههههههه

لما حسيت ان مشاعرى انداس عليها بكل سهوله ومن غير اى مبرر

غير مبررات ساذجه جدا احساس الظلم وحش

وبينى وبينك موضوع وانتهى خلاص وانا بجد

بحمد ربنا انه فات وعرفت انسانه عوضتنى عن كل حاجه

15/ اكتر انسانة حبيتها بجد

اتنا فاهم قصدك من السؤال دا بس هغير الصيغه علشان يبقى صح

اكتر انسانه اخدت منك مشاعر ؟؟

هقولك الانسانه اللى حبيتها قبل كدا لانها كانت اول مشاعر بجد خارجه منى وبكل صدق

مش هبل من اللى كنا بنعمله فى ثانوى كدا يعنى دى كانت صداقه مش حب

بكدا اكون وضحت السؤال والاجابه

16/ تيتو انا اعرف انك لما بتخسر انسان يبقى خالص مفيش امل ترجعوا اصحاب

ليييييييييييييييييييييييييية

بص يا عبقر انا من اكتر الناس اللى ممكن تتحمل الغلط وخصوا وقت النرفزه وانت عارف كدا

لذلك رد الفعل بتاعى بيبقى طبيعى وبيكون صعب شويه

لكن فيه اتنين خسرتهم الى الابد

واحد غلط فى اهلى والتانى عاوز يتعامل معايا على انى غبى

وانا مبعرفش اتعامل مع الانواع دى بس الانسان لما بيغلط فى حد بيكون قاصد الغلط دا ومتقنعنيش بغير كدا

بذلك مش انا اللى خسرته هو اللى باعنى وبالتالى خسرنا بعض

17/ الغلط من نظرك شايفوا ازاى قصدى امتى تحس ان انسان غلط فيك

قولتلك لما حد يغلط فى اهلى ودى حاجه مش بسامح عليها ولا اى حد يستحملها

والتانى انى اتاعمل على انى غبى مش معنى كدا انى ذكى بس الانسان

اللى بيتعامل على انه غبى مالوش شخصيه

وانا محبش اكون كدا واتعلمت ان الغلط مردود حتى لو كان مش وقتها وبعدين يا عبقر انا بسامح والله

بس عادى يعنى انت عارف الامور بتبقى باظت ومش هنعرف نرجع زى الاول فعادى نتعامل على

الوضع الحالى لانه هو دا نهاية اللى بيحصل مشاكل وتصالح

لكن انا الحمد لله مش بحاول ازعل حد منى ومش بحب حد يغلط فيا خصوصا لو قريب منى

18/ انت شايف كابتن تيتو الصغير ازاى ومستقبلة اية

ههههههههههههه دا بئا انا بحاول اروجه زى ما انا عاوز وللاسف

يا عبقر واخدنى مثل اعلى ليه ههههه

فى الكوره وفى التعليم ربنا يستر بس هو ربنا يصلح حاله ويطلع حاجه كويسه امه بتقول كدا وانا معاه اهو

19/ كرة القدم صفحة اتقفلت فى حياتك

صعب يا عبقر دى حياتى كلها لو مش هلعبها كمهنه هلعبها كهوايه

بس للاسف ملقتش اللى يراعينى وانا صغير لان والدى كان شايفنى

فى الشغل افضل مقتنعش بيا غير بعد فوات الاوان

وبعد ما الناس زهقت كلام فيه ورغم انى روحت النادى بعد بعدى عنه فتره كبيره

الا انى اثبت نفسى وبقيت فى فتره قصيره فى فريق الاستثمارى فى النادى

والحمد لله بس غلطتى انى مضيت عقد الاحتكار اللى ودانى فى داهيه دا

وغير كدا وانا فى اختبارات نادى الزمالك اسئل ادرى اللى حصلنا كوسه كوسه يعنى

بعد ما اسمى اتكتب كل حاجه راحت فى ثوانى

20/ ماذا يمثل لك السنتر او جودى فون

بفهم منه الناس اكتر وبتعامل مع اشكال غريبه وانت شايف بنفسك ههههههه

وتدريب عملى للمستقبل ان شاء الله وانا واخدها واحده واحده

مش مستعجل اوى غير فى التعليم عاوز انجز هههههه

تيتو فكك بقا من الحاجات السهلة دى

نخش على التقيل

قولى لية بتسمى نفسك تيتو

اقرب شخصيه فهمتها وحسيت انها جميله وحسيت انى نفسى انا اللى اعمل الدور دا

كانت تيتو وكانت ايام الثانوى

واثره فيا لدرجة انى اشتريت طقم اسود زى اللى كان لبسه ويومها اصحابى قالولى يا تيتو

وكمان مدرس حبيتها اوى ومش بزهق من الفيلم دا مهما اتعرض

والسقا عموما نجم ربنا يقومه بالسلامه

اية احلى شىء فى المنتدى عجدبك

ان مفيش حد تفكيره سلبى ولو فيه حد تفكيره مش كويس فهو ظبطه ههههههه

الحمد لله بنضحك ونهزر ونفيد بعض بنزل موضوعات بنفرح سوا ونقضى اوقات كتيره مع بعض

مين المشرفين اللى بتحس انهم فى يوم هيبقوا اصحاب منتدى

كم قصة حب حقيقة عشتها

حب حب يعنى هيا واحده

ضياع 1

هيصه تقدر تسميها صداقه بمفهوم الحب الغلط كتيييير هههههههههههه

السن المناسب لك فى الزواج

اول ما اخلص هخطب وسنه باذن الله واكون متزوج يعنى على 25 سنه كدا

مين الاعضاء اللى نفسك تقعد معهم وتعرف عنهم اكتر واكتر

كلهم حبايبنا والبنات اخواتى يعنى وممكن اختار حد ناس كدا يفهمونا غلط

وتبقى مناحه بئا ههههههههه

سؤال انت بتهرب منة مواصفات شريكة احلامك

هههههههههههههههههه يا لئيم

مواصفات شريكة احلامى كلها فى الانسانه القريبه منى دلوقتى

ما عدا حاجه واحده العند بس بدئنا نظبطه يعنى الحمد لله

عاوزك تهدى رسالة حب لاى حد

تيتو امتى هتبطل سجاير ووووووووا

انت عارف امتى هبطلها لو مفيش معايا فلوس اجيبها

او ربنا يقدرنى بجد لانى مش حاببها والله بس غصب عنى

لسه مش امتلكت الشجاعه انى ابطلها

شوية بقا كدة علشان تزقطط

سنك الحقيقى فى البطاقة

ههههههههههههههههههه انت عارفه يا حبى كفايه دى عليا

اية رايك فى دراستكـ

اجمل دراسه فى الدنيا والمناسبه ليا لانى بلاقى فيها نفسى بس الدكاتره منهم لله

هواياتك

الكوره ومتابعة موجه كوميدى ههههههه والكتابه ساعات يعنى

لونك المفضل

الاسود والسماوى

الاكلة المفضلة

البشاميل والكبده

حكمة تؤمن بها

هما اتنين يا عبقر

لا تبدء ما لا تستطيع انهائه

تعلمت ان احترم التاريخ واتعلم منه دون انبهار او سخريه

اية اللى بيفرحك يا تيتو

كفايه اشوف حب الناس ليا & وانا بلعب كوره ببقى فى قمة سعادتى

حاسس باية وانت اقعد على الكرسى

اتكلمت فى حاجه مكنتش احب انى افتحها بس يلا اهو الواحد خرج شوية من اللى جواه

هل انت هتجواب على كل الاسئلة بصراحة ولا هتقلب اسئلة

مش بحب اقلب يا غالى مش تقلق كله تمام

اية السؤال اللى مكنتش عاوزنى اسئلة وسالتة

عن اللى فات يا عبقر وانت عارف ومنبهك بس دماغك دى عاوزه فرمطه

اية السؤال اللى متحبش حد يسالك فية

مش كدا والله عبقر كل الموضوع انى دلوقتى

معايا انسانه بتحبنى بجد وانا بخاف على زعلها ومش حابب اتكلم عن حاجه فاتت يمكن تزعلها

انا بتجنب دا لانه والله فات وانا نسيته

ومش حابب اتكلم عنه لانه ماضى ومش يعنينى بشئ الان

سؤال تسال نفسك فية وتجواب علية

اممممممممممممممممم

هتعمل ايه فى عبقر لما تشوفه ؟؟؟

هقطعه هههههههههه

امتى حسيت انك عطيت لنفسك فرصة انك تفكر

مينفعش اعمل حاجه من غير ما فكر فيها غير انى اصاحب حد

لكن اللى يدخهل بيتى بفكر قبل ما ادخله هل هو انسان محترم ولا لاء

اكتر قرار ندمت علية

فيه مقوله جامد جدا لما صدر القرار ان فلسطين

لقد اعطى من لا يملك لمن لا يستحق

انا هقول الجمله دى ونو كومنت

هل القرار اللى ندمت علية دة اذاك

اذانى فى حاجه مهمه جدا وهيا ثقتى بنفسى وانى مش يبقى سهل انى ادى الثقه لحد

انت فكرت تاذى حد ولو فكرت مين اللى تحب تاذية

عمرى ما فكرت فى كدا نهائى بس اللى بيجى عليا مش بحاول اكون متعاطف معاه

ودا اللى حصل فى موقف محمد على لكنى بتمنى الخير للكل وربنا اللى يعلم يا عبقر

مين اللى اذاك وانت مقدرتش تاخد حقك او تعمل حاجة

فى دى اقولك محمد ابن عمى ومقدرتش اخد حقى لانه ابن عمى

المنتدى من وجهك نظرك مستمر لكام الفية جاية

بص يا معلم احنا عاملينه علشان نضحك ونهزر دون سيطرت اى انسان ميوله غبيه

ونقدر نفيد بعض بمعلومات نفيدنا فى حياتنا

وبينى وبينك انا بعتبره تدريب على الانضباط بشكل مش رسمى يعنى

بما انك المدير شايف مستقبل المنتدى فى الطالع ولا فى النازل

المنتدى ماشى بطريقه احنا عاوزينه يبقى كدا

ان يبقى اللى موجود دمه خفيف بيخاف على بعضه

دماغه متقاربه معانا بيقدم حاجات كويسه كدا يعنى

الكدب - محبش الانسان الكداب لانه غير مؤتمن على اى حاجه

الخيانة - طبع الانسان المريض والجبان

الجبن - مرض صاحبه لو استسلمله هيعيش زى الارانب والدنيا تدوس عليه

الكراهية مالهاش لازمه حب الناس افضل مية مره الكراهيه مش بتحصد غير كراهيه

الحب - يابخت اللى يملكه كله بيعيش سعيد لابعد درجة

الخير -بتمناه للكل

الجمال - مش كل حاجه فى الانسان لكن الطبيعه بتبقى مريحه لو جميله

الشجاعة -لو على حق سيف فى ايدك لو على باطل سيف على رقبتك

الصدق احسن حاجه فى الدنيا

اتكلم عن كل الكلمات دى ودورها فى حياتك

فى النهاية منتظر اجابتك يا تيتو

جاوبت يا سيدى

وانا لو عاوزت اسئلة تانية هسالك متخافش

تيتو معلش انا اليومين دول نفسيتى زى الزفت وكارهة الدنيا كلهاا فاعذروتى انى مبدخلش كتير وانا اسفة انى مقصرة فعلا فى حق المنتدى
انا هسالك سؤال واحد بس ياتيتو

تعمل ايه لو انت حبيت حد اوى وانت عارف انه عمره ماهيكون ليك و كمان عارف انه بيحب حد تانى؟؟؟
وشكرا ليك

بجد مرسى ليك اوى يا تيتو على الوصف الجميل ده

ثانيا بقى بجد متشكره جدا على النصيحه الغاليه دى

بس دى مشكلتى يا تيتو انى بثق فى اللى قدامى بسرعه اوى

مش بعرف اخبى او ادارى

ودايما بامن الناس اللى ميستهلوش على سرى

بس انا مش مستغربه ده اذا كانت اقرب صاحبه ليه عملت كده

بجد نفسى اتغير اوى بجد بحاول

انا كده ايه بالظبط على نياتى ولا هبله ولا ايه بجد مش عارفه

بسم الله الرحمن الرحيم

اولا اهلا بيك على كرسى الاعتراف

نبدا بقى بس عيزاك تبقى فى حاله استرخاء كده ههههههههه

يالا بقى

الاسم بالكامل

السن ومن غير كدب لو كدبت هعرف ههههههههه

الهوايه

الوظيفه او المهنه

مطربك المفضل

اغلى صاحب ليك او صاحبه يعنى

قولى وانا هدارى عليك هههههههههههه

امنيتك فى الحياه ايه؟

_ _***_ _ _ ***_ _ _***__

ندخل بقى على المنتدى

مين اكتر عضو مرتاحله فى المنتدى

مين اللى دمه تقيل على قلبك قول بصراحه

ياخوفى يا اكون انا يالا ربنا يستر

عضو مرح

عضو نشيط

عضو مميز غائب

عضو عايز تقوله وحشتنى هههههههههه مظبطاك اهه

عضو مخنوق منه وعايز تكسر له جمجمته

اوصف الاعضاء دول وقول رايك فيهم واتمنى لكل واحد امنيه

دوووف

ابو على

ناميلوس

عبقر

نورين

همس

مها

انجيل

ابو وديع

جيلى

صاصا

نور الحياه

ايه رايك فى المستوى اللى وصل له المنتدى دلوقتى

ايه اكتر الاقسام اللى حاسس انها نشيطه جداا

وايه الاقسام اللى حاسس انها محتاجه شغل حبتين

ايه رايك فى الاشراف مع ذكر انشط مشرف واكتر مشرف كسول

وايه رايك باداره ناميلوس للمنتدى ماشى صح ولا نغيره ههههههههه

بتتمنى تشوف المنتدى ده ازاى فيما بعد

_ _***_ _ -***-_ _-***-_ _

ندخل بقى على حياتك الخاصه

بتحب والدك قد ايه وبتحب والدتك قد ايه وياترى مقدار الحب ليهم متساوى ولا بصراحه

اكتر حد بتحبه وبترتاح لما بتتكلم معاه من عائلتك

بتحب مين؟بستعبط اهه

ومقدار حبك ليها قد ايه

ولو قدامك فرصه تعمل لها حاجه هتعمل لها ايه

امتى تقولها وحشتينى

وامتى تقول لها انتى كل حياتى

وامتى تقولها انا طهقط

وامتى تقولها انا زعلان منك

وامتى تقولها بحبك

بص كفايه كده لانى داخله انام علشان ورايك كليه بكره

بس اوعى تدعى عليا فى سرك والله دول حبص

صغننين

بس بكره التقيل بقى اسيبك تجاوب

بس بصراحه

نورين كتب:: تيتو معلش انا اليومين دول نفسيتى زى الزفت وكارهة الدنيا كلهاا فاعذروتى انى مبدخلش كتير وانا اسفة انى مقصرة فعلا فى حق المنتدى
انا هسالك سؤال واحد بس ياتيتو

تعمل ايه لو انت حبيت حد اوى وانت عارف انه عمره ماهيكون ليك و كمان عارف انه بيحب حد تانى؟؟؟
وشكرا ليك

ربنا معاكى نورين بس الحياه جميله للى عاوز يبقى افضل

ويانورين منتدى ايه طالما مش مرتاحه وفيه مشاكل

المهم حياتك تبقى جميله علشان تعرفى تضحكى بجد معانا

ولو فيه مشكله فيه فضفضه ونتكلم لو حابه

نيجى لسؤالك يا باشا بئا

عاوزه الحقيقه بدون مجاملات

انا مشاعرى ارقى مية مره من ان اى شخص يدوس عليه

واقل من انها تكون السبب فى عذابى متستغربيش لكلامى بس احسبيها هتلاقى ان اللى

انت تديله مشاعرك وهو مش محتاجلها بيدوس عليها

وكل اللى انتى لاقتيه هو عذابك انتى وبس

لكن مشاعرك لما تطلع للانسان اللى يقدرها ويحترمها هتلاقى اسعد انسانه فى الدنيا

كل الموضوع هو اختيار للى يقدر مشاعرنا بس مش اكتر

Hams كتب:: بجد مرسى ليك اوى يا تيتو على الوصف الجميل ده

ثانيا بقى بجد متشكره جدا على النصيحه الغاليه دى

بس دى مشكلتى يا تيتو انى بثق فى اللى قدامى بسرعه اوى

مش بعرف اخبى او ادارى

ودايما بامن الناس اللى ميستهلوش على سرى

بس انا مش مستغربه ده اذا كانت اقرب صاحبه ليه عملت كده

بجد نفسى اتغير اوى بجد بحاول

انا كده ايه بالظبط على نياتى ولا هبله ولا ايه بجد مش عارفه

كلنا بنقع فى المواقف دى وبنغلط بس لازم نتعلم منها يا باشا

ثانيا بئا مشكوره على ايه دا اقل كلام يا باشا والله هههههههههههه

دا انتى العدوه اللدود بتاعت المارد

وانتى مش على نياتك ولا حاجه بس اختارى صح فى حياتك عموما

هترتاحى كتير وربنا يستر من اسئلتكبئا ههههههههههههه

ميرسيه ياتيتو على اجابتك الجميلة بس المشكلة بقى ان كل واحد عايز سعادة نفسه وبس مبيفكرش فى سعادة الأخرين

Hams كتب:: بسم الله الرحمن الرحيم

اولا اهلا بيك على كرسى الاعتراف

اهلا بيكى يا حاجه

نبدا بقى بس عيزاك تبقى فى حاله استرخاء كده ههههههههه

يالا بقى

اكتر من كدا دا انا هنام على نفسى ههههههههه

الاسم بالكامل

محمد عبوده (ميغا دلع جدو هههههههههه)

السن ومن غير كدب لو كدبت هعرف ههههههههه

مكتوب فى البطاقه هههههههههههههه بس مش كبير متخافوش محدش هيقولى يا عمو هههههههه

الهوايه

كرة القدم والكتابه ساعات واكتشفت حاجه جديده العاب الاكشن عندى لعبه عاوز انجزها هههههههههههه

الوظيفه او المهنه

تقدرى تقولى محاسب تحت التمرين هههههههههه

وعندى سنتر جودى فون صغنن ومحندق كدا بلعب فيه هههههه

مطربك المفضل

منير وفضل

واصاله واليسا

اغلى صاحب ليك او صاحبه يعنى

قولى وانا هدارى عليك هههههههههههه

هههههههههههههههههههه

انا والله مش ببحب صداقه البنت اللى فى الجامعه علشان الدماغ بس

ممكن تبقى فى دماغها حاجه انا بتجنبها بس لو لاقيت انسان متفاهمه وكويسه عادى فى حدود بردوا

بس عموما انا اقرب واحد ليا جدا يعنى هههههههههه ابو الوفا

امنيتك فى الحياه ايه؟

من الاخر انى ارتبطت بالانسانه اللى بحبها وانى انافس احمد عز بتاع الحديد مش الممثل هههههههههه

ممكن يكون حلم بس لو تعبت بجد هقدر احققه الاحلام ببلاش هههههههههه

_ _***_ _ _ ***_ _ _***__

ندخل بقى على المنتدى

ربنا يستر

مين اكتر عضو مرتاحله فى المنتدى

الحقيقه كله تمام والله وبحبه الكل يبقى متواجد

مين اللى دمه تقيل على قلبك قول بصراحه

مش كدا والله ممكن يكون خوف من زعله او طريقة تفكيره مش عارفها

لاننا مش زى بعضنا وانا مش بحب ازعل حد منى

ممكن تكون نورين انا بخاف اهزر معاها جامد لتزعل او تفهمنى غلط

لكن بحبها تكون متواجده والله فى المنتدى

ياخوفى يا اكون انا يالا ربنا يستر ههههههههههه متخافيش انتى بعدين

عضو مرح

همس وانجيل ومها وعبقر كله الحقيقه

عضو نشيط

انجيل بسم الله ماشاء الله بدون منازع يعنى ههههههههه

وهمس بتحاول تتواجد بس شكل ظروفها مبهدلاها

عضو مميز غائب

نور الحياه ودموع القمر

عضو عايز تقوله وحشتنى هههههههههه مظبطاك اهه

شكلك فاهم يا نصه بس اللى فى بالك مش واحشنى ههههههههههههههههه

ممكن يكون شاطئ الاحزان

عضو مخنوق منه وعايز تكسر له جمجمته

لالالالالا الطيب احسن انا مش بحب المشاكل يابنتى

خلينا جمب الحيط وبعدين انا غلبان هههههههههههه

اوصف الاعضاء دول وقول رايك فيهم واتمنى لكل واحد امنيه

دوووف

هديه من ربنا ليا وبتمنالها ان ربنا يعديلنا السنه اللى فاضله دى علشا ننجز بس

ابو على

ابو على حبيبى وواد طيب بس نفسى يبطل سجاير علشان مبيشربهاش والله هههههههههههه

انا لو مكانه هلحق نفسى وابعد عنها لانى قرفان منها بس هعمل ايه يلا

وربنا يوفقه فى شغله يارب ويقدر يحقق اللى بيحلم بيه

ناميلوس

طيب وجدع وبتمناله انه يخلص تعليمه علشان شكلنا بئا وحش اوى بجد

ويارب يلاقى اللى تلمه بدل البهدله اللى هو فيها دى

عبقر

طيب ومحترم بس دماغه دى عاوزه فرمطه

بتمناله يلاقى اللى تستاهله وتخليه اهدى شويه

نورين

بتمنى حياتها تبقى احسن وتلاقى اللى يقدر مشاعرها

همس

دى بئا عاوز ندخل حلبة مصارعه هههههههههههههه

بجد بنوته زى العسل وباذن الله هتلاقى حد يحترمها ويخاف عليها

ويارب تحقق كل اللى بتتمناه

مها

انسانه طيبه وزوق ومرحه ومدرسه على طلبه فشله ههههههه

واحد فريق الانتقام بتاعنا هههههه

انجيل

دلوعه وانسانه مرحه وبتمنالها تتنازل عن عصبيتها دى ههههههههه

وعدوتى اللدوده اللى بتضحك عليا على طول

ابو وديع

حبيبى حبيبى اللى منفض للدنيا كلها ههههههههههههه

راجل وجدع وطيب ونفسى يتعامل مع الناس شويه بدل التنفيض دا ههههههههههه

جيلى

يدايته على المنتدى جاة بمشكله صغيره معايا بس هو طلع انسان محترم

واعتذر والموضوع عدى وخلاص مش مستاهل وبتمناله كل خير

صاصا

اخت انجيل جيرل ولسه مش اعرفها كويس بس اكيد هتبقى دمها خفيف

نور الحياه

طيبه ودلوعه حبتين بس هعمل ايه اختى الصغيره بئا

وبتمنالها انها هيا وابو على يرتبطوا بفائق السرعه ههههههههه

ايه رايك فى المستوى اللى وصل له المنتدى دلوقتى

الحمد لله تمام بس فيه الافضل من كدا

بس عموما كفايه تواجدنا دا لوحده شئ كويس

ايه اكتر الاقسام اللى حاسس انها نشيطه جداا

بصراحه القسم العام والحوار المفتوح

وايه الاقسام اللى حاسس انها محتاجه شغل حبتين

قسم الموضوعات المميزه فيه حاجه روعه وموضوعات جميله وقسم الاخبار وقسم الكتب مكتبة المنتدى

ايه رايك فى الاشراف مع ذكر انشط مشرف واكتر مشرف كسول

الاشراف مسئوليه وفيه توبيك انا عامله بيوضح كل حاجه

واحنا حاطين ليه باتج للترشيح للاشراف فى اعلى الصفحه الرئيسيه

بيوضح كل المطلوب من اللى عاوز يبقى مشرف وكل حاجه

اما المشرف النشيط فهو حاليا انجيل جيرل وابو على

والكسلان شويه هو مها سندريلا وابو وديع لانهم متواجدين معانا اما الباقى فمش معروف هويتهم ههههههههه

وايه رايك باداره ناميلوس للمنتدى ماشى صح ولا نغيره ههههههههه

تمام اوى والله عنده طاقه انه يلعب فى الاداره انا بصراحه مبتحملش الصبر الطويل اوى دا

بتخنق علشان كدا انسحبت من الاداره ولان ناس زعلت بردوا انا اساسا

داخل المنتدى اشتغل كويس واخد بالى من الاقسام انما ناميلوس فى الاداره عنده صبر ليها

بتتمنى تشوف المنتدى ده ازاى فيما بعد

والله المنتدى دا لو حد هيبقى فاضى ليه ففيه شغل مختلف خالص

شغل الادارات فى المواقع بيبقى عبارة عن شغل تنفيذى يعنى استيالات جديده

اما باقى الاعضاء والمشرفين فعليهم الشغل داخل المنتدى

يعنى كل مجموعه خاصه بقسم شغالين فيه بكل كجهودهم

رفع اغانى العاب متعلقات دينيه برامج سياسيه فنيه كدا يعنى

دا اللى بتمنى اشوف المنتدى فيه بس طبعا لسه بدرى شويه

_ _***_ _ -***-_ _-***-_ _

ندخل بقى على حياتك الخاصه

بتحب والدك قد ايه وبتحب والدتك قد ايه وياترى مقدار الحب ليهم متساوى ولا بصراحه

بحب والدى لدرجه كبيره بجد انسان عقله دا يتاقل بدهب وكفايه انى ابن عبوده المغاورى دا مصدر فخر ليا

انما ست الكل دى بئا صاحبتى وكل حاجه ليا بجد بحبها لابعد درجه وبخاف عليها

لما بتتعب جدا كانى انا اللى تعبان حبى لوالدى مختلف دا راجل بنانى وعلمنى ازاى اكون راجل

وازاى اتعامل مع اللى ادامى وازاى الشغل شغل واللعب لعب وحاجات كتير

انما والدتى دى بئا حاجه تانيه ههههههههههههه الحب مختلف بينهم مينفعش اقارن او صعب عليا بصراحه

اكتر حد بتحبه وبترتاح لما بتتكلم معاه من عائلتك

محمد ابن عمتى دا الانتيم بتاعى او عمتى (امى التانيه)

بتحب مين؟بستعبط اهه

ههههههههههههههههه بحبكوا كلكوا ..بستهبل هههههههه بحب حبيبتى ياستى

ومقدار حبك ليها قد ايه

مالوش حدود بحاول اعمل كل حاجه اقدر عليها حاليا علشان نقرب من بعض

كعيلتين يعنى متفهميناش غلط ههههههه

ولو قدامك فرصه تعمل لها حاجه هتعمل لها ايه

اول حاجه هتقدم او هكلم والدها وهو الى حد ما عارفنى دلوقتى واهلها عارفنى بس

هيبقى فيه حاجه رسمى بئا وهدعيكوا مش تقلقى ههههههههههه

امتى تقولها وحشتينى

لما نعد طول اليوم منتكلمش او مترنش عليا ابقى مطمن يعنى هههههههه

وامتى تقول لها انتى كل حياتى

لما احس انها مخنوقه او مضايقه من حاجه او خايفه منى بثبتها يعنى ههههههههههه

وامتى تقولها انا طهقط

مينفعش اقول كدا لو انا حسيت بيه حتى وانا الحمد لله صعب احس بيه معاها

وامتى تقولها انا زعلان منك

لما اقولها على حاجه ومش تعملها

وامتى تقولها بحبك

هنا بئا الاختلاف مع العالم كله ههههههههههههه

بصى يا ستى احنا عندنا الكلمه دى نقولها بالفعل مش بالكلام

نعمل اللى يثبت كدا وساعتها مش بنبقى محتاجين نطلعها من بؤنا

بمعنى انا بحبك انا هعمل كذا علشان اثبتلك دا فيه ناس بتقولها لمجرد انها تضحك بيها على اللى ادامها

وبينى وبينكوا انا اتعلمت كدا منها اننا اعمل مش اتكلم هههههههههههه بجد الانسانه دى علمتنى لغه جديد

خالص فى الرومانسيه وكدا يعنى بس بئا لنتحسد هههههههههه

بص كفايه كده لانى داخله انام علشان ورايك كليه بكره

بس اوعى تدعى عليا فى سرك والله دول حبص

صغننين

صغننين ربنا يستر يا حاجه وتصبحى على خير

بس بكره التقيل بقى اسيبك تجاوب

تقيل ايه طيب ادينى فكره همس همس نامت همس وسابتنى هههههههههههههههههههه

بس بصراحه

والله جاوبت بصراحه الى حد ما ههههههههه

نورين كتب:: ميرسيه ياتيتو على اجابتك الجميلة بس المشكلة بقى ان كل واحد عايز سعادة نفسه وبس مبيفكرش فى سعادة الأخرين

ميرسى نورين ربنا يخليكى

بس فى الموضوع لازم الناس تاخده بانانيه علشان دى حياتهم اللى جايه كلها

لازم تبقى مبنية على السعاده مع اللى بيحبوهم

والمحظوظين اللى بيلاقوا بعض وبيكملوا

ربنا يسعد يامك يارب وتخرجى من الحاله دى يا نورين

اهلا بيك يا تيتو مره تانيه معايا على كرسى الاعتراف

جاهز ولا؟؟

فى الاول كده بقى عايز تدخل معايا مصارعه ياتيتو

بقى كده ماشى ماشى بس خاف على نفسك بس هههههههههه

نبداء بقى

ماهى احوالك العاطفيه اليومين دول؟

ماذا تحب وماذا تكره؟

ما هى اصعب الاوقات التى مريت بها فى حياتك؟

متى تشعر بالياس ومتى تشعر بالامل؟

ايه هو اكتر موقف حصلك واتضايقت منه؟

اكتر شخصيه انت متاثر بيها مين؟

ايه هو اكتر موقف حصلك مش عاوز تفتكره تانى؟

حسيت بايه لما عرفت نتيجتك؟

بتحلم تسافر ولا لا؟ وايه السبب؟

اذا قلت لك اختار قسم مش تدخله.هتختار ايه؟وليه؟

ايه اكتر حاجه تخليك فرحان وايه اكتر حاجه بتخليك تبكى؟

اكتر حاجه عجباك نفسك؟واكتر حاجه بتتمنى تغيرها فى نفسك؟

مين الشخص اللى لما بتكون مضايق ومهموم بتجرى عليه وتحكيله؟

اكترصوره بتحبها فى القران الكريم؟

لو طلعت رحله هتحب تاخد مين معاك؟وهتاخد ايه؟

لو قالولك لازم تبعد عن حبيبك هتعمل ايه؟

لو والدتك ده بعد الشر يعنىخيرتك مابينها وبين حبيبتك هتعمل ايه؟

فى الاخر بقولك اتمنالى امنيه وادعيلى بس من قلبك

ياريت مكونش تقلت عليك

انا شايفه انها حبه اسئله صغننين علشان بس محبطكش هقول كفايه كده ههههههههههههه

يالا بقى جاوب على الاسئله

باى باى

ميرسى ياتيتو ع الكلام

ومتشكره ع النصيحه

وعلفكره العصبيه اليومين دول

هاديه فوق ماتتخيل

وربنا يستر

عصبيتى كان لها كذا سبب

اولهم سبب من 2 صحباتى

والحمد لله اتأكدت من حاجه كده

وهديت ع الاخر

بس بجد انا فيا كتير والله ياتيتو

اوقات ببين واوقات مبحاولش اظهر للقدامى ان فيا حاجه

بس محدش لسه عرفنى بجد

تيتو انا اتعلمت من كلامكم ده حاجات كتير

يعنى بجد انا بحب اشوف كلامكم واتعلم منه

وبخلينى اصبر ع حاجات تعبانى فى الدنيا

والحمد لله ع كل شئ

ونصيحه بأكدهالك برضه ياهمس

بلاش تعطى اسرارك لاى بنت اي ان كان مين

عندك مامتك او اختك

وربنا يخليهم ليكى وبلاش صحباتك ابعدى

البنات دول بجد بتتضيع مع انى

بنت واعرف اسرار لكتيررررر

ولو موتونى مقولش سرهم

بس فيه ناس ميستهلوش

بجد انا زيك ياهمس فى حكايه

خيانه السر دى

بس حاولى حاااااااااااولى تفكرى بعقلك

وبلاش الثقه الزايده دى وعلى فكره دى طيبه

وفيه ناس هتقول عليكى دى خيبه وهبله هههه

اصل انا كده ههههههه يلا المهم خدى بالك بعد كده

وانشاء الله هتبقى تمامـ وربنا يوفقك

Hams كتب:: اهلا بيك يا تيتو مره تانيه معايا على كرسى الاعتراف

جاهز ولا؟؟

جاهز يا حاجه صباح المرمطه هههههههههههه

فى الاول كده بقى عايز تدخل معايا مصارعه ياتيتو

بقى كده ماشى ماشى بس خاف على نفسك بس هههههههههه

هههههههههههههههههه مش اوى يعنى انا يدوب عارف كام حركه بايظه كدا هههههههههه

نبداء بقى

ماهى احوالك العاطفيه اليومين دول؟

الحمد لله مستقره الى حد كبير

ماذا تحب وماذا تكره؟

بحب دى هيا حاجاه كتيره جدا تقريبا بحب كل حاجه حلوه

انما بكره اول حاجه الكدب بكره الانسان الكداب لان الكدب مالوش لازمه

تانى حاجه الكراهيه لانها ممكن تودى الانسان فى منطقه هو فى غنى عنها

ما هى اصعب الاوقات التى مريت بها فى حياتك؟

شوفى كتيييير والله يا همس

يعنى يوم ما كنت مروح تعبان مش الشغل ودايخ وكنا فى رمضان

وكنت ايامها شغال مع والدى وشمس وحر وبهدله ومش قادر اقف داخل البيت

ابويا قالى ارجع الشغل تانى يا بتاع وشتميه بئا هو فاكرنى بدله روحت الشغل

وفى يوم تانى لما قررت انى معتش اروح النادى تانى دا كان صعب عليا وغيره وغيره ههههههههههه

متى تشعر بالياس ومتى تشعر بالامل؟

اليأس بيبقى مجرد لحظات يعنى مش بيتملكنى كتير بيبقى لما شغال فى حاجه وافشل انى اكملها

بس برجع واعملها من تانى لحد اما اخلصها

اما الامل فانا باستمرار بحب التفاؤل طالما مزاجى حلو ههههههههه

ايه هو اكتر موقف حصلك واتضايقت منه؟

اااااااه جيتى على الجرح هههههههههه

دا زبون كرهنى فى عشتى وطلعتله البضاعه كلها

وفى النهاية بيقولى انا بعرف الاسعار بس وبشوف فيه حاجه حلوه ولا لاء

كنت عاوز اخنقه واخلص منه بس يلا هعمل ايه بئا

اكتر شخصيه انت متاثر بيها مين؟

تيتو وعموما اى شخصيه انفعاليه يطبيعتها وقدرة تسيطر على نفسها

وتعرف تتحكم بسلوكها وتبقى افضل

زى ميشو مثلا بردوا نفس اسلوب تيتو

انا فيه مثلا عجبنى جدا يابخت من قدر وعفى دا مثل انا بعشقه

لان الانسان لازم يبقى قوى بس بيعرف يسيطر على نفسه ويقدر يعفوا بس عن قوه مش ضعف

ايه هو اكتر موقف حصلك مش عاوز تفتكره تانى؟

اخر يوم قابلت فيه الانسانه اللى كنت اعرفها قبل كدا وكانت معاها والدتها وقالتلى

الموضوع انتهى يوم انا فعلا شطبته من حياتى

حسيت بايه لما عرفت نتيجتك؟

انا شايل اربع مواد من الترم الاول

واللى يغيظ ان الاربعه دول منهم تلاته انا حالل فيهم بامتياز والله

بس مش عارف النتيدجه جات كدا ازاى

الترم الاول عدى وقولت هيا بدءت كدا يبقى الترم التانى هشيل مكتير مالوش لازمه التظلم ليحطونى فى دماغهم

نفضت جامد الترم التانى واسئلوا عبقر وناميلوس كل يوم فى حتة شكل

ومفيش مذاكره نهائى والنتيجه طلعت وانا ناجح ودرجات حلوه كمان كان هيحصلى حاجه بجد

روحت اعمل تظلم لاقيتهم بيقولولى التظلم فى الترم التانى بس قولة نشلت يا ناصح هههههههه

بتحلم تسافر ولا لا؟ وايه السبب؟

السفر اخر احلامى بس لو مضطر ليه فى بداية حياتى اكيد هيحصل

بس صعب شويه وربنا يستر لانى مش بحب السفر

والسبب انى احلامى لو حققتها هنا هعمل كل اللى انا عاوزه

لكن لو برا كانى معملتش حاجه مهما اوصل واتعب

اذا قلت لك اختار قسم مش تدخله.هتختار ايه؟وليه؟

قسم الميكب والمكياج لانى مش بؤمن بالحاجات دى وبعدين دى بناتى شويه هههههه

وفيه قسم تانى ومن غير ما تستغربى القسم الاسلامى طبعا انا مش ضليع فى الدين بتاعى اوى

ودا تقصير منى وبعترف بس بخاف انى اقرأ حاجه وتطلع غلط او انزل موضوع انا مش اعرف عنه حاجه

واتشتال ذنبه فبتجنب دا وخلاص لكن بدخله علشان لو فيه حاجه خارجه احذفها

ايه اكتر حاجه تخليك فرحان وايه اكتر حاجه بتخليك تبكى؟

اكتر حاجه تخلينى فرحان انى الاقى اللى حواليا بيحبونى وبيفرحوا لوجودى

سواء اصحابى او اهلى

واكتر حاجه تخليكى ازعل لانى صعب ابكى شويه

هيا انى ازعل حد منى او حد يكدب عليا

اكتر حاجه عجباك نفسك؟واكتر حاجه بتتمنى تغيرها فى نفسك؟

حسن النيه سواء فى كلامى او فى تصرفات غيرى وانى بحاول اتحكم فى اعصابى

حتى لو اللى ادامى حاول يتعامل معايا بطريقه مش لطيفه عادى بتعامل معاه كانه مس موجود

واكتر حاجه نفسى اغيرها فى نفسى العصبيه لما اوصل للدرجه اللى بتخرجنى عن الوعى ههههههههه

الموضوع كبير ومحتاج لكلام كتير علشان افهمك ههههههه

مين الشخص اللى لما بتكون مضايق ومهموم بتجرى عليه وتحكيله؟

بحب اعد فى الاوضه او على السطح فوق برج الحمام او على السطح وخلاص ههههههه

ولو فى المصيف اكيد على البحر طبعا

ومن اصحابى ابو الوفا

اكترصوره بتحبها فى القران الكريم؟

يوسف او الكهف وعموما الصور كلها جميله وبرتاح كتير لما بسمع القرأن

لو طلعت رحله هتحب تاخد مين معاك؟وهتاخد ايه؟

ابو على كاديلاك وحرك وابو وديع هههههههههههه

دمااااااااااااااااااااااااااغ تانيه خالص

انما هناخد ايه دى بئا حسب الظروف واكيد مش اللى فى دماغك ههههههههه

لو قالولك لازم تبعد عن حبيبك هتعمل ايه؟

مش هسمع كلام حد لو هتوصل لايه محدش هيعرف يسيطر عليا فى الموضوع دا

لانى معنديش استعداد افقده

لو والدتك ده بعد الشر يعنىخيرتك مابينها وبين حبيبتك هتعمل ايه؟

انا قبل اى حاجه ظبطهم مع بعض ههههههههههههههههههههههههههه

فى الاخر بقولك اتمنالى امنيه وادعيلى بس من قلبك

ربنا يوفقك يابنتى وتلاقى ابن الحلال ابو حماره فسدقى

بس خليكى حذره جدا فى اختيارك مش مهم انتى عاوزاه امتى الاهم

هو دا اللى هيحترمك ويقدرك ولا لاء

ياريت مكونش تقلت عليك

اطلاقا هههههههههههههههه

انا شايفه انها حبه اسئله صغننين علشان بس محبطكش هقول كفايه كده ههههههههههههه

يالا بقى جاوب على الاسئله

باى باى

تشااااااااااااااااااااو ي باشا كدا تمام اوى

Angel girl كتب:: ميرسى ياتيتو ع الكلام

ومتشكره ع النصيحه

وعلفكره العصبيه اليومين دول

هاديه فوق ماتتخيل

وربنا يستر

عصبيتى كان لها كذا سبب

اولهم سبب من 2 صحباتى

والحمد لله اتأكدت من حاجه كده

وهديت ع الاخر

بس بجد انا فيا كتير والله ياتيتو

اوقات ببين واوقات مبحاولش اظهر للقدامى ان فيا حاجه

بس محدش لسه عرفنى بجد

تيتو انا اتعلمت من كلامكم ده حاجات كتير

يعنى بجد انا بحب اشوف كلامكم واتعلم منه

وبخلينى اصبر ع حاجات تعبانى فى الدنيا

والحمد لله ع كل شئ

ونصيحه بأكدهالك برضه ياهمس

بلاش تعطى اسرارك لاى بنت اي ان كان مين

عندك مامتك او اختك

وربنا يخليهم ليكى وبلاش صحباتك ابعدى

البنات دول بجد بتتضيع مع انى

بنت واعرف اسرار لكتيررررر

ولو موتونى مقولش سرهم

بس فيه ناس ميستهلوش

بجد انا زيك ياهمس فى حكايه

خيانه السر دى

بس حاولى حاااااااااااولى تفكرى بعقلك

وبلاش الثقه الزايده دى وعلى فكره دى طيبه

وفيه ناس هتقول عليكى دى خيبه وهبله هههه

اصل انا كده ههههههه يلا المهم خدى بالك بعد كده

وانشاء الله هتبقى تمامـ وربنا يوفقك

ربنا يصلح الامور انجيل وباذن الله يبقى كله تمام واهى همس مرمطتنى اسئله ههههههههههه

وربنا يهديكوا كلكوا وفعلا السر دا خصوصيات والمفروض ميطلعش لاى حد

ميرسى ليكى يا انجيل على النصيحه الجميله دى

وفعلا مفيش صاحبه تتامن على سر والدتى واختى كل شى عندى

دول بجد اللى هيخافوا عليا وهيعرفونى الصح من الغلط

وفعلا كتير اوى قالولى انى هبله وبيضحك عليا بكلمتين

بس خلاص من النهارده لازم نعمل وقفه هههههههههههه

ميرسى بجد ليكى يا انجيل

هههههههههه ايو لازم وقفه وجامده كمان

ربنا يوفقنا جميعا

وربنا معاك ياتيتو واتجدعن كده فى الاجابه هههههه

بجد يا تيتو تسلم على الاجابات الجامده دى يا باشا

كنت منور الكرسى والله يامان

والله يكون فى عونك من الزبون اللى جالك المحل ده

انا لو كنت منك كنت علقته على باب المحل ههههههه

وبعدين قولى هتاخدوا ايه لو طلعتوا الرحله

اذا مكنش اللى فى دماغى صح هههههههههه

ولا اروح اسال الشيخ هههههه

تسلم ياتيتو

هههههههههههههههههههههههههههههه

اسئلى الامام البحبحانى بئا هيقولك

عادى والله بس بظروفها بس اكيبد مش اللى فى دماغك

لانى تقريبا دماغك يتروح شمال شويه كدا ههههههههههه

» اعضاء سيتم حذفهم من المنتدى قريبا ...!!!!!
» الي اذكي اعضاء المنتدي
» هل انت مستعد للتبرع بعضو من اعضاء جسدك ..... ولو؟
» ادخل وقول رائيك فى اعضاء ناميلوس
» لماذا يصعب علينا الاعتراف بالحب‏ ؟؟؟ تساؤلات كثيره ادخل وجاوب عليها !!!!!!