كرسى الاعتراف لاجمل اعضاء

يلا يا جماعه خدوا راحتكم ع الكرسى

واستمتعوا مع انى بجد بسبب غيابى عن المنتدى

معنتش فاهمه كرسى الاعتراف ياريت حد بس يوضحه

لانى معنتش فاهمه هو ماشى ازاى

حبيبة قلبى انتى منوره الكرسى والله يا مها
دة نورك انتي يا ندا والله
مستعده يا جميل للاسئله الاول عرفينا بنفسك
ان شاء الله مستعدة
واكون ضيفة خفيفة عليكم
بطاقتك الشخصيه يعنى ومره تانيه نرجع بالاسئله
الاسم : مها نبيل يوسف
السن : 21 سنة
البلد : محافظة بني سويف
الكلية : تربية
القسم : رياض اطفال
انا جبتلك واحد ايس كريم اهو تبلى بيه ريقك
ههههههههههههههههههه
[ندعوك للتسجيل في المنتدى أو التعريف بنفسك لمعاينة هذه الصورة]

ميرسي علي الايس كريم يا نونا


ندخل بقى على الاسئله اللى بتحرق الدم

ههههههههههههههههههه
ربنا يستر علي الاسئلة دي
ياترى مها عصبيه ؟ بتتحكمى فى نفسك ازاى وقت الغضب ؟
انا عصبية بس درجة العصبية بتاعتي بتكون حسب الموقف اللي انا فية
يعني مثلا في بعض الاحيان بتحط في مواقف بتخليني في قمة البرود
ودة بيكون ردي علي الموقف دة او بحرق دم اللي قدامي بالبرود دة
ههههههههههههههههههههههه
- وقت الغضب بتحكم في غضبي اني ابعد عن الشخص اللي غضبت منة
واحاول اعمل اي حاجة تشغلني علشان افصل شوية واحاول اطلع من الغضب دة
او ممكن بيجي عليا احيان اقوم اجيب اكل او اشرب حاجة
بس وقتها باكل كتير جدااااااااااااا في غضبي
- لما بتزهقى بتعملى ايه ؟ واخر مره حسيتى فيها بالملل ؟ والسبب ؟
لما بزهق لو الوقت بدري ممكن اخرج عند قرايب ليا او اصحابي
او امسك التليفون اتكلم علي قد ما اقدر او افتح النت
- اخر مرة حسيت فيها بالملل لسة من كم يوم تقريبا
السبب : اني كنت بنزل الكلية يوميا علشان الكورسات بتاعتي
وطبعا مش حسيت بالاجازة ومتعتها وكنت فعلا محتاجة للراحة بعد فترة الامتحانات العصيبة
هى مها شايفه فى نفسها سلبيات بتحاول تحولها لاياجابيات ؟-
اكيد كلنا فينا سلبيات محدش مش فية يعني
ويمكن الحاجة اللي فيا وناس كتير بتعتبرها تسلط او تحكم مني
ان شخصيتي قوية بعض الشئ وبفكر بعقلي اكتر من قلبي
يعني لو لاقيت ان مثلا عملت حاجة انا مش راضية عنها
بحاسب بفسي حساب عسير بجد
الهوايه المفضله ليكى غير النت ؟
انا بحب الرياضة جدااا وبحب اقراء قصص الاطفال واتفرج علي الكرتون
بس مش ليا في الافلام الاجنبي ولا قاراءة القصص الرومانسية او الخيالية
- حاولتى تحرمى نفسك من حاجه ؟ ولا اى حاجه بتحتاجيها بتلاقيها ؟
الحمد الله انا مش محرومة من حاجة لاني اتربيت علي شئ انا الانسان فينا
مش بياخد كل شئ ولازم يكون في فروق بين الناس وبعضها
وعمري مش بصيت لحاجة مش بتاعتي وبحاول بقدر الامكان اني مش احمل اهلي اكتر من طاقتهم
لانهم بيعملوا كل حاجة علشاني انا واخواتي مش مقصرين يعني
- اي حاجة بحتاجها بلاقيها بس تكون في قدر المعقول وامكانياتي
ظلمتى حد قبل كده ؟ طب حكمتى على حد حكم مش فى محله ؟
مش فاكرة اني ظلمت اي حد في حياتي ل بس علي العكس اتظلمت من ناس كتير
اة حكمت علي واحدة صاحبتي من اول مرة شوفتها انها مغرورة وكدة
بس لما عرفتها اتغيرت نظرتي ليها وبقينا قريبين اوي حاليا ودة خلاني اتعلم حاجة ان الانسان مش لازم اعرفة من اول مرة لازم اتكلم معاة وتحصل بينا مواقف علشان اقدر افهمة كويس
- مها انتى شايفه فعلا ان الانطباع الاول هو الوجه الحقيقى لاى انسان ؟
مش مع كل الناس يا ندا والله
لان في ناس كتير بيظهر عليها انها شكلا كويسة
بس طباعها بتبقي وحشة اوي وانا قبلت ناس كدة

ايه حلمك اللى مش عرفتى تحققيه لحد دلوقتى ومازلتى تحلمى بيه ؟
كان حلمي اني ادخل كلية الهندسة ولحد دلوقتي الحلم موجود معايا
بس اللي بسعي لية حاليا هو سفري علشان احقق احلامي
-دموع مها قريبه ولا نادر على ما مها تبكى؟
لا دموعي قريبة جدا بس بحاول مش تظهر قدامي حد
علشان في كتير من الاحيان بعتبرها ضعف مني
-طب اخر مره بكيتى فيها كان امتى ؟ والسبب ؟
اخرة مرة كانت في المتحانات علشان كان في شخص عزيز عليا
اختفي فجأة وكنت قلقانة جدا علية ويومها بكيت

الفراق حاجه كلنا بنخاف منها .. بس اوقات بيكون برضانا واوقات بيكون غصب عننا .. قوليلى بقى

- انسان فارقتيه ولسه لحد دلوقتى تتمنى رجوعه صاحبتي كان اسمها شيماء وافترقنا بسبب الكلية
- انسان فارقتيه بارادتك مفيش حد فارقتة بارادتي الا لو الظروف حكمت بكدة
-انسان ندمتى على فراقه صاحبتي شيماء
- انسان القدر هو اللى فرقكوا صاحبتي و هي مسافرة حاليا ومش اعرف عنها اي حاجة

كفايه كده وندخل بقى على واحد عصير وبعدين نسال شويه اسئله تانيه
هههههههههههههه


[ندعوك للتسجيل في المنتدى أو التعريف بنفسك لمعاينة هذه الصورة]


وده كان عصير بطيخ درجه اولى

هههههههههههههه
ههههههههههههههههههههه
حرام عليكي انا تعبت والله
قوليلى بقى ى مهموه

- افضل اغنيه بتحبيها
انت معايا بتاع فيلم تيمور وشفيقة
- افضل مطربه ؟ افضل مطربه ؟
المطرب : محمد فؤاد
المطربة : اليسا
- افضل ممثل ؟ افضل ممثله ؟
ممثل : محمد هنيدي
ممثلة : مني زكي
- افضل فيلم سينمائى ؟ واخر مره دخلتى سينما ؟
بحب فيلم كامل الاوصاف جداااا
واخر مرة دخلت سينما كنت في اول جامعة
في رحلة تبع الكلية ودخلت فيلم كود 36
- افضل قناه متابعاها ؟
الحياة
- افضل جرنال بتحبى تشتريه ؟ لو حبيتى تتثقفى يعنى ؟ هههههههههههه
الجمهورية علشان بابا بيجيبها وبتفرج علي الصور واقراء صفة الحوادث بس
وبشوف حظك اليوم
- افضل مجله ؟
الاذاعة والتلفزيون
- افضل لون ؟ افضل يوم ؟ افضل فصل من فصول السنه ؟
اللون البينك
افضل يوم الخميس علشان تجمع العيلة
افضل فصل الربيع علشان شم النسيم وبنخرج
هههههههههههههههههههههه
- بتحبى اكيد تمشى فى المطر ...... هههههههههه كل البنات بيحبوا الموضوع ده بس
هههههههههههههههههههه اكيد بحبها
عايزاكى تتخيلى انك ماشيه دلوقتى فى المطر هتفكرى فى ايه ؟
تخيلنا
أكملي

1 ـ أنا نادمه على ... معرفتي بشخص بدون ذكر الاسم واكيد الخماسي عارف

2 ـ اشعر بالراحة لأني ... عايشة حياتي بكل سعادة ومحدش زعلان مني
ومن هنا بعتذر لاي حد زعلان مني بجد

3 ـ سأكون سعيده لو ... نجحت السنة دي بامتياز

4 ـ أحس إني اكتفيت من.. اذا وجدت السعادة
ودي انا غشتها علشان مش فاهمة السؤال
هههههههههههههههههههههه

5 ـ لو خيرت لاخترت... كليتي هندسة

6 ـ لو كنت املك مالا كثيرا... لحققت الكثير من احلامي

7 ـ أتمنى أن تعود... ان ترجع طفولتي

8 ـ الذي يشغل بالي الآن هو ... هو النتيجة واخلص واشتغل واكيد الاقي النص التاني بقي
هههههههههههههههههههههه

9- اكثر عضو تحبين القراءة له هو.. ( تيتو )

10- عضو تتمنين مصافحته بقوة.. نور الحياة ( ندا )

11- عضوتقولين له انت وينك.. ( ناميلوس )

12- عضو مشاغب.. ( احمد ابو علي ) ههههههههههههه بيهزر علي طوال

13- عضو حساس...( شاطئ الاحزان )

14- عضو تعطينه سرك من غير كلام ( نور الحياة )

اكتبي 3 برقيات عاجله وأرسليها لمن تريدين في المنتدى ؟
1
برقية تهنئة لنور الحياة ( ندا ): بمناسبة نجاحها
واقول لها الف مليون مبروك وعقبال كل سنة يا قمر
2
برقية اعتذار وشكر لناميلوس
اعتذار لو كنت ضايقتة في حاجة
وشكر علي المنتدي المميز دة
3 برقية شكر لتيتو وعبقرينوا ودوف وزوزا
انهم بجد اجدع اصحاب ومبسوطة اني عرفتهم بجد
بصى ى مها

انا ايديى وجعتنى
هههههههههههههههه عيشى مع دول
ههههههههههههههههههههههه
انا اللي تعبت والله
وفاصل ونبقى نواصل انا عارفه ان الاسئله كتير بس جاوبيها كلها

ههههههههههههه لانى مش عارفه هلحقك تانى وانت ع الكرسى ولا لاء
لا ان شاء الله تيجي تلحقيني


االسؤال دة لغز بقة

اية الفرق بين امريكا والفلاشة ؟؟ [ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههه
ههههههههههههههههههههه
مش عارفة والله

ندخل بئا فى اسئلة تيتو اللى لا فيها لاعصير

ولا اي حاجه علشان كدا كنت بقولك ندى طيبه هههههههههههه

اهم حاجه عندى اجابه تكون مفسره وموش دبلوماسيه

طبعا كلنا عرفناكى من اسئله ندى كويس

يعنى السن والبلد وكدا

انا هدخل فى اسئله شخصيه على طول

علشان موش نضيع وقت
اتفضل يا تيتو
اصل الوقت من ذهب عندك
هههههههههههههههههههههه
ومفيش عصير اكيد لاني عارفة انك بخيل موت
هههههههههههههههههههههههههههه

(1)

مها انا بحس انك متسرعه... دا صح ولا غلط ؟؟ وايه السبب فى كدا لو صح ؟؟

اة انا ببقي متسرعة كتير في مواقف متتعددة في حياتي وبرجع بندم علي قرار اخدتة
السبب : اني عاطفية شوية وباخد كل حاجة علي اعصابي
ودي حاجة غلط طبعا وبعتبرة عيب فيا وبحاول اغيرة

(2)

مها سهل انها تحكى ادق التفاصيل عن حياتها لاصحابها ؟؟ واى نوع من الاصدقاء

اللى بتكون مقربه ليهم وبتحكيلهم عن ادق التفاصيل ؟؟

يعنى اصدقاء المنطقه & الدراسه & النت & او حد من العيله

لا انا بحكي ادق تفاصيل حياتي واللي بتعتبرها اسرار محدش يعرفها
لنور الحياة وهي طبعا صديقتي من النت والمنتدي
بس نادرا لما بحكي لاصدقاء الدراسة او قريبي
وانا الحقيقة مش ليا اصحاب من المنطقة لان كلهم اطفال تقريبا
هههههههههههههههههههههههه

(3)

مها ايه الموقف اللى حسسك انك مظلومه فى البيت كبنت؟؟
الموقف دة رفض والدي ووالدتي في اني اطلع اي رحلة تبع الجامعة

وقولي لينا موقف ندمتى انك اتولدتى بنت فيه ؟؟
هو عدم سفري في معسكرات ورحلات زي الشباب
ودي حاجة بحسدهم عليها الحقيقة
وكذلك امتى حسيتى انك كبنت فخوره بنفسك ادام الناس كلهم

لانك عملتى حاجه محدش عملها ؟؟
هههههههههههههههههه
الحقيقة يوم نتيجة الثانوية العامة
يوم ما لاقيت نفسي اعلي مجموع في اخواتي الصبيان والبنات
وكمان في قريبي كلهم تقريبا
وايه الموقف اللى خلاكى عاوزه تسيبى البيت والدنيا كلها

لانك حسيتى انك موش عارفه تتكلمى او يبقى ليكى راى ؟؟
الحمد الله لسة الموقف دة مش حصل ليا
وعمري ما هفكر اسيب البيت ماهما حصل
لاني بنت وعارفة حقوق اهلي علية كويس اوي
السؤال دا بالتفصيل الممل لو سمحتى ومن غير دبلوماسيه

انا طالب مواقف .. يعنى هتجاوبى هتجاوبى هههههههه

هههههههههههههههههههه
جاوبت خلاص يا تيتو ومن غير دبلوماسية خالص

(4)

ايه هو اكتر موقف محرج فى حياة مها

وكان نفسك الارض تنشق وتتبلع بيكى هههههههههه

يلا اجمدى وقولى ومفيش حد غريب

هههههههههههههههههههههههههه
الحمد الله مش اتعرضت لموقف محرج يعني
يمكن الموقف الوحيد هو اني ادخلت في حل مشكلة
بين اتنين اصحابي وواحدة منهم احرجتني وقالت لي اية داخلك في الموضوع اصلا
ههههههههههههههههههههههههه
وكفاية احراج بقي لحد كدة

(5)

مها لما بتضايق بتعمل ايه ؟؟ وبتحب تفضفض لمين ؟؟
بدخل الاوضة بتاعتي وقعدة اعيط
بفضفض لمين لو حاجة عادية يعني ممكن احكيها لاي حد من اصحابي المقربين
لو حاجة خاصة جدا ومش لاقيت حد خلاص مش بفضفض لحد وبكتمها في نفسي
ومين هو اللى بيطلع مها من حاله العصبيه ؟؟
اكتر حد ممكن يخرجني من الحالة العصبية
هما الاطفال وخاصة عمر ابن اختي
لاني بجد بنسي حياتي معاهم
ومين اللى مها بتشوفه بتبقى عصبيه ؟؟
لا مفيش حد في حياتي ممكن اشوفة اتعصب
والا مش هشوفة اساسا وهيخرج من حياتي

(6)

طبعا كلنا لينا حد مقرب يا الاب يا الام

مين الاقرب لمها وليه؟؟
بابا اقرب مني لان ماما شوية عصبية
وانا بدلع علي بابا شوية اكتر من ماما
والاب بيمثل لمها ايه ؟؟ وكذلك الام ؟؟
بابا : بالنسبة ليا قدوتي واب وصديق ليا
الام : بالنسبة ليا الحنان والعطف اللي مش بلاقية في اي مكنا تاني غير في حضناها
واخواتك ليهم دور فى حياتك ولا لاء ؟؟
اكيد ليهم دور في حياتي
اختي الكبيرة صديقتي جدا
واخويا هكذا قريبين من بعض اوي
بالرغم من فرق السن بينا
بس باخد راية لانة عقلة كبير
(7)

حبيتى كام مره ؟؟ وانجرحتى كام مره ؟؟ وهل انتى فى حالة حب دلوقتى ولا لاء ؟؟
-لو قلت اني حبيت فعلا يبقي مرة واحدة والحقيقة مش عارفة انا حبيت بجد ولا لأ
-الحمد الله مش انجرحت لاني بقولك مش عارفة انا كنت بحب بجد ولا مجرد اعجاب واهتمام
-لا انا مش في حالة حب حاليا
وعاوزك يا مها تكلمينا عنك يعنى هتتجوزى ازاى؟؟

عن قصة حب ولا هيبقى جواز تقليدى

يعنى فيه كتير بيفكر ان اللى معاه فلوس وجاهز يشيل هههههههه

انتى بتفكرى ازاى ؟؟؟؟؟؟؟؟؟؟؟
انا عارفة انة هيبقي جواز تقليدي بس لازم علي الاقل يكون في ارتياح من ناحيتة
اولا: انا مش هتجوز عن قصة حب او واحد عرفتة من النت
لان اهلي مش هيقبلوا حاجة زي كدة
ثانيا: ممكن تكون عن طريق قصة حب لو مثلا الشخص دة قبلتة في شغلي او قريبي مثلا
كدة مش هيبقي جواز تقليدي

(8)

انتى دلوقتى لاقيتى نفسك فى برنامج الحفله

ومعاكى مايك ووسط جمهور وكله بيقول مها مها ههههههههه

هتغنى اغنية ايه ؟؟ وايه هو شعورك وانتى وسط الناس دى كلها ؟؟
اغنية انت معايا
شعوري عادي جدا
اصلي مدرسة وبقف في الفصل يعني عادي خالص مش محرجة يعني
هههههههههههههههههههههه
احساسك بالشهره يعنى ايه ؟؟
الشهرة دة حلم حياتي وامنيتي اللي بسعة لتحقيقها
ويارب اقدر اوصل ليها


(9)

انتى دلوقتى فى برنامج ولقاء مع تيتو

وانتوا على الهوا وتيتو بيقولك عاوزينك تتكلمى عن حياتك عموما

وعن بلدك طريقة التفكير فيها كدا يعنى هتقولى ايه ؟؟

هقول لتيتو انا بنت بسيطة جدا وبحب الضحك جداااااااا والهزار
عايشة حياتي بالطوال والعرض
بحب التعليم جدااااااااااا وعندي طموحات كتير نفسي احققها
بالنسبة لبلدي : الناس طيبين اوي فيها وبيحبوا بعض
بس عيبهم الوحيد انهم بيفتكروا نفسهم ناصحين زيادة عن اللزوم
واي حد غريب ينزل البلد يحولوا يضحكوا علية وللاسف مش بيعرفوا
وبيبقي شكلهم وحش اوي وقتها
ههههههههههههههههههههه

(10)

لو يوم وانتى اعده على النت لاقيتى ميل جايلك

بيقولك تيتو دا انساتن كذا وكذا وكذا

هتدافعى عن تيتو !! وليه !! ولا هتبيعيه !! وليه بردوا ؟؟
اكيد هدافع عن تيتو والله مش مجاملة لية
السبب : انة بقي من اعز اصدقائي وبقي اخ حقيقي ليا وكفاية انة من الخماسي
ههههههههههههههههههه
وطبعا عمري مش هبيع تيتو لاني عمري ما ببيع حد من اصحابي
والحمد الله ببقي مخلصة لاصدقائي لاخر وقت
ربنا يستر ههههههههههههههه

وفى الاخر عاوزك تقولى كلمه للخماسى
اقولهم انتوا احلي واجمل حاجة حصلت لي في حياتي
وربنا يديم الحب والاحترام بينا

وتنصحيهم نصيحه وتحذريهم من شئ المايك معاكى
انصحهم ان ماهما يحصل بينا احنا في الاخر اخوات واصحاب
ونكون ايد واحدة ندافع عن بعض في غيابنا
وكمان اقولهم ياريت ناخد شوية حياتنا بجدية
ونفكر فيها بعقلنا اكتر من قلبنا
احذرهم: ان ناس كتير بتحاول تبعد بينا
مش عايزين نديهم الفرصة دي لاننا بجد حدث مش هيتعوض
ومش عارفين ممكن نلاقي خماسي زينا كدة ولا لأ
اتكلمى براحتك ههههههههههههههههههه

واوعى تغلطى فيا انا بقولك اهو الاسئله سهله ومفيش فيها حاجه
ههههههههههههههههههههههههه
اكيد الاسئلة سهلة اوي
ومش هغلط فيك طبعا يا تيتو
[ندعوك للتسجيل في المنتدى أو التعريف بنفسك لمعاينة هذه الصورة]