كرسى الاعتراف لاجمل اعضاء

ميرسى على الاجابات الجميله ياناميلوس

قولى

(( انجيل جيرل )) عضو داخل مزاجي

شغلها عاجبنى وفى فترة قصيرة قدرت تثبت وجودها

ازاى يعنى داخله مزاجيه وعاجبك شغلى

انتى هتوقعينا فى الغلط ليه يا انجيل هههههههههه

انا اقصد من عضو داخل مزاجى ان العضو دا داخل مزاجى

من حيث شغله موش حاجه تانيه ههههههههههه يا لمضة هههههههههه

اولا طبعا بشكرك يا ناميلوس عن كلامك عني
بس بجد فعلا مشغولة بسبب شغلي بس والحمد الله مش بقيت متواجدة علي اي منتدي تاني غير منتديات ناميلوس
لان زي ما انت بتقول ان احنا من مؤسسي المنتدي دة
والوقت اللي بدخل فية النت بيكون للمنتدي هنا وبس
هو صحيح مش كتير بس بحاول والله
وطبعا بحييك علي اجاباتك الررررائعة
وبتمني ليك التوفيق ويكون منتدانا افضل منتدي

انا غامضه بالعكس انا واضحه جداااا

انت اول حد يقول كده بجد مستغربه اوووووووى

على العموم انتظر اسئلتى يا مان

اوك ياناميلوس عادى حصل خير

ميرسى تانى على الاجابات

ماهى معلومات بطاقتك الشخصيه؟

ماذا تعنى لك الكلمات الاتيه(الحب_الامل_الخيانه_الغدر)

ما هو السن المناسب لك للزواج؟

رساله حب لمن تهديها؟

هل انت راضى عن نفسك؟

احوالك العاطفيه والشخصيه والمزاجيه؟

ما هى اصعب الاوقات التى مريت بها طوال حياتك؟

من قدوتك فى الحياه؟

شخصيه صادفتها فى حياتك ومش قادر تمحيها من ذاكرتك؟

اعظم قصه حب من وجهه نظرك ايه؟

لو معاك دبدوب وورده تهديهم لمين؟

ممكن تبعد عن شخص عزيز عندك لمجرد انه قالك عيبك بصراحه؟

اخبار الغيره ايه مع ناميلوس؟

ايه احلامك وحققت منها ايه وايه لسه؟

اكمل

انا نادم على........

اشعر بالرحه لانى......

ساكون سعيد لو.......

الذى يشغل بال الان......

عضو تقوله فينك......

عضو مشاغب......

عضو حساس........

عضو تعطيه سرك.......

لقد اعطى لك الزمن فرصه ان تقول رساله قصيره

ماذا تقول بكل صراحه ل

والدك....

والدتك....

اصدقائك المقربين.....

طلاب الجامعه......

لهمس.......

اكتر حد عمل فيك موقف صعب ولسه بتحبه؟

اكتر صديق لك طلع مش مخلص؟

بص يا محمد كفايه كده لان بصراحه انجيل ونورين مش سايبين اسئله اسئلها خالص

وبصراحه انا غاشه الاسئله دى علشان الكدب خيبه

يالا بقى جاوب يا مان

ميرسيه يا محمد لكلامك عنى وياريت اكون طيبة فعلا زى مانت بتاول ههههههههههههههههههه

بعكس همس برغم ان هما اصحاب حاسس ان همس متفائلة وبتضخك

برغم ان انتى بتقولى ان هيا اللى علمتك الحزن هههههههههه

معتقدش يا ناميلوس انى اعرف ملكه الحزن

ممكن كنت اعرف غيرها وفعلا من كتر حبى فى الحزن

والكلام والصور الحزينه حببتهم فيه

كان غيرها موجود فى المنتدى فعلا

بس خلاص بقى كرهت الحزن وحبيت الحب هههههههههههه

واكيد برضه انا وكل اعضاء المنتدى كلنا اخوات ومن ضمنهم ملكه الحزن

ربنا يفرحك دايما وتكرهى الحزن ياهمس

هوا الانسان اصلا مش بيلحق يفرح

بسرعه اوى تتقلب بحزن

ودايما الحزن اكتر من الفرح

ادعيلى انا كمان اكره الحزن

عارفه برغم انى بضحك وبهزر فى المنتدى

محدش بيعرف جوايا ايه

انا فيا كميه حزن مش فى حد

بس بجد انا بحس براحه شويه هنا

ومنكرش انى بضحك من قلبى معاكو

بس مش دايما

ممكن اضحك علشان ارضيكوا بس

او اتقال حاجه لازم نضحك عليها واشمعن انا مضحكش

بضحك وخلاص

عارفه لما تحبى وتتحبى بجد

ساعتها حزنك ده هيروح بس مش كله طبعا

وصعب اوى لما اقرب حد ليكى يبعد عنك ومش بأيدو

احساس هيبقى صعب اوى

وربنا معاكوا يابنات

ونورين انتى طيبه باين عليكى من هدوئك ده

ناميلوس انا سيبتلك مسج فى صندوق البريد

صباح الكحرطه يا مان ههههههههههههه

شد حيلك كدا وربنا معاك

وحبة اسئله همس فى الجون

ميرسى ليكى يا انجيل ياحبيبه قلبى

على الدعوه الجميله

عايزه اقولك انى كنت زيك كده بالظبط والله يمكن اكتر كمان

بس الحمد لله اتغيرت كتير عن الاول وده طبعا

لانى حطيت فى دماغى ان مفيش حد ولا حاجه انى احزن عليها

ليه احزن علشان حد والحد ده انا مش فارقه معاه

شفتى انا حسبتها ازاى وصدقينى هترتاحى زى فى يوم من الايام

خليكى دايما متفائله ياحبيبه قلبى

واضحكى للنيا والدنيا هتضحكلك والله العظيم

مش بيقولوا اسال مجرب ههههههههههههههههه

ربنا يحميكى يارب ويبعد عنك اى زعل او شر

والحاج ناميلوس ده بقى مبلط فى الخط اوى

صحصح كده وانا برضه مصممه ان ده كسل مش حاجه تانيه هههههههههه

يالا جاوب على السئله يالا بسرعه هههههههههههه

اتجدعن ياناميلوس هحطلك شويه اسئله بس لما يخلصوا

شد حيلك يا ابنى

هههههههههههه مبلط ايه بس ههههههههه

انا بنزل الجامعة يوم الاحد والاتنين

وبعدين كان فيه فرح ورانا امبارح وفيه غدا اسيبه واجى اجاوب على كرسى الاعتراف

هههههههههههه حتى اسأله تيتو وعبقرينو والطيب ههههههههههه

عموما بعتذر جدا عن تأخيرى فى الاجابات

وجارى الااجابه على باقى الاسئلة

اه مبلط فى الخط فى مانع ولا ايه

ياشيخ قول ان فى مانع والله لاتقول

لا قول ما تقول هههههههههه

لا ازاى تسيب الغدا واكيد الاكل متظبط محشى وفراخ وبط وكفته

انا جوعت يارتنى كنت معاكوا ههههههههههه

شاطر انت اوى فى كلمه جارى الاجابه على الاسئله

لاشوفنا منك اجابه ولا حتى قرطاس ترمس ههههههههههههه

يالا بسرعه الاسئله اللى انا غشاها هتحمض ههههههه

منور يا محمد الكرسى

دا انتى نورين موش نور واحد يبقى النور نورك انتى ههههههههه

وربنا يكون فى عونك انا مش هتقل عليك لأن امال عملة الواجب وزيادة كمان

ميرسى على الدعوة الجميلة دى والحمدلله ربنا أعنى وجاوبة على أسئلة أمال والحمدلله

برغم انها طلعت عينى بس بجد اتبسط منها فى الاخر لانى فتحت قلبى واتكلمت بصراحة

1 انت بتأول انك بتعترف بالصداقة بين الولد والبنت بس بشرط انهم يكونو فى حدود الصداقة ومتتحولش لحب صح؟؟

اه والله أنا قولت كدا فعلا ومازلت بكرر كلامى فى حدود الصداقه وكل من الطرفين عارف دا

وعارف اللى ليه ايه واللى عليه ايه صداقه ومتتحولش لحب

فهل انت ممكن تتجوز واحدة كانت عاملة صداقة مع حد ؟؟؟

بصى يا نورين هتصدقينى لو قلتلك انا ليا الواحدة من يوم ما ارتبط بيها وتشيل اسمى

عمرى ما فكرت انى أسأل حد اتعرفت عليه عن ماضيه

او له صديق او ملوش بس اقولك حاجه قبل الجواز عندى حاجه وبعد الجواز عندى حاجه تانية

موش معنى كدا أنى لما اتجوزها يكون لسا على صداقة بولد لا دا موش هسمح بيه

هتقوليلى ان معنى كلامى ان كدا أنا موش مؤمن بصداقة الولد والبنت

لا انا مؤمن بيها بس فى حدود الشرع والدين وكل واحد من الطرفين يكون عارفه معنى الصداقة صح

لو اولت نعم او لأ تذكر السبب

السبب انى ممكن ارتبط بواحدة كان ليها اصدقاء ولاد

لو انا واثق من نفسى وواثق منها كويس ومتأكد من اخلاقها

ومتأكد من ان البنت دى كانت على صداقه فاهمانى موش حاجه تانية

اقولك حاجه كمان ولو كنت حبيتها بجد لان الحب بيدارى عيوب كتيرة فى اللى بنحبه

2 لو اختك اكتشفت انها بتحب ولد اوى وبتكلمه هتنصحها بالراحة ولا هتضربها ولا هتعمل ايه؟

بصى أقولك حاجه صدقينى السؤال دا موش عارف اجابته لانى موقعتش فيه خالص

والحمدلله موش هقع فيه اصلا لان مليش غير اخت واحدة واتجوزت

بس صدقينى والله ما أنا عارف وقتها كنت هتصرف ازاى

3 اول حب فى حياتك اكيد كان ليها قصة فممكن تحكيلنا ؟؟

لا طبعا موش ممكن هههههههه لان القصة دى صدقينى أما بفتكرها بضحك

لان أول قصة حب فى حياتى كنت فى ابتدائى والحمدلله هشا دلوقتى فى صيدلة واخر سنة ليها

ههههههههههههه بس القصة ايه بالظبط بلاش احسن هههههههههه

4 لو حد فى المنتدى دا زعلك وليكن نورين مثلا ههههههههه هتتصرف معاها ازاى؟؟ هتطردها ولا هتطردها ولا هتطردها هههههههههههههههههه ؟

صدقينى لا طبعا طرد العضو من المنتدى دى اخر حاجه ممكن افكر فيها

لان انا بعتبر ان كل الاعضاء اصحاب المنتدى موش انا صاحبه لواحدى ولا حاجه

وحوار يزعلنى انا صدقينى اهون عندى من انه يزعل اى حد تانى فى المنتدى

بدليل انى زعلان من حد معين فى المنتدى وموش انتى والله

ومازلت غلطته دى عمرى ما هغفرهاله ولا هسامحه ومع ذلك موش طردته ولا هطرده

لان انا بعتبر الحد دا زى زى صاحب المنتدى وبمشاركاته ومواضيعه المنتدى بقى له قيمه

يبقى ازاى هطرده نيجى بقى لو كانت نورين اللى زعلتنى طبعا ومن غير تفكير هطردها هههههههه

ازاى اطردك طيب من بيتك ينفع ادخل بيتك واطردك منه انا بعتبر المنتدى دا بيتنا كلنا

ولا أملك انى أطرد حد من بيته الا اللى احس انه ملوش انتماء لبيته

بيعتبر نفسه غريب عننا وبيحاول يزعل الناس منه صدقينى دا ملوش مكان بينا

5 السؤال دا بقى ياريت تجاوبنى بصراحة انت زعلت منى قبل كدا؟ ولو كنت زعلت فالسبب كان ايه؟

اه زعلت منك قبل كدا وكتير كمان وموش سبب واحد على فكره دا اكتر من سبب ههههههههههههه

6 امحنت الأى سى دى ال؟ لو امتحنتها فاحكيلنا عملت ايه فى المستويات ولو فاكر النسبة فياريت تأولها

امتحنت ويندوز وورد واكسل امتحنت 3 مستويات وبس

ومن اول رمضان وانا بطلت امتحن يعنى كسل بس حددت يوم الاتنين الجاى دا عندى نت سكشن 4 الساعة 12

لو عندك حد وصيه عليا ينجحنى من غير ما امتحن ههههههههههههههههه

النسبة موش فاكرها نسيها او اقولك عامل انى ناسيها ههههههههههه

معلش استحملنى انا عارفة ان اسئلتى رخمة وشكرا

والله ولا رخمة ولا حاجه بشكرك جدا على اهتمامك انك تسألي

ولو عاوزه تسألى كمان عااادى مفيش مشاكل ههههههههههههههه

وجارى تحضير الاجابات على اسئلة همس

معلش يا همس ان شاء الله اسئلتك موش هتحمض ولا حاجه هههههههههه

ومنتظرك يا صاصا اللى عاوز يحط يحط مره واحده ههههههههه

اجاباتك حلوة اوى بس
سؤال برضه انت مجاوبتش عليه
انا زعلتك فى ايه؟؟ بجد انا ممكن مكونش اخدة بالى ياريت تاولى علشان خاطرى انت زعلت منى فى ايه

ناميلوس اجاباتك فيها كتير انا مختلف معاك فيها

بس انت جاوبت بئا يلا مش مشكله يا باشا وربنا معاك يا والدى

نورين كتب:: اجاباتك حلوة اوى بس
سؤال برضه انت مجاوبتش عليه
انا زعلتك فى ايه؟؟ بجد انا ممكن مكونش اخدة بالى ياريت تاولى علشان خاطرى انت زعلت منى فى ايه

يا باشا ربنا ما يجيبش زعل بينا

صدقينى موش زعلان منك فى حاجه

ولو زعلان تأكدى انى هقولك وهكون صريح

Capta!n T2 كتب:: ناميلوس اجاباتك فيها كتير انا مختلف معاك فيها

بس انت جاوبت بئا يلا مش مشكله يا باشا وربنا معاك يا والدى

بشكرك يا تيتو ولازم طبعا نكون مختلفين

كل واحد فينا له شخصيته المستقلة عن الاخر

وله طريقة تفكيره اكيد لازم تكون مختلفه عن التانى ممكن تتشابه بس غالبا ما بتختلف

بشكرك جدا لرأيك

بص يا مان لما تخلص الاسئله انتظرنى فى كام سؤال كدا

على الماش لان الاسئله مش سخنه كفايه ههههههههههههههههههههههه

واوعدك انك هتبقى لازم تكون صريح وانت عارف كابتن تيتو

ادعى ان الناس تنزلك الاسئله اللى فى دماغى بدل ما انا انزلها ههههههههههه

ماهى معلومات بطاقتك الشخصيه؟

الاسم محمد احمد سليمان محمد

ش عمر افندى بجوار صيدلية العطار

الرقم القومى موش هكتبه طبعا ههههههههه

تاريخ الميلاد فى البطاقه 17/7/89

العمل مكتوب فى البطاقه طالب كلية التربيه جامعة الازهر

تاريخ اصدارها 3/2008

جهة الاصدار قسم ثانى مدينة نصر

ودا لان بطاقتى القديمه كانت ضاعت وانا كنت فى كلية تربيه وعملت واحده جديده

بنهيألى قولت كل البيانات بزياده شوية كمان ههههههههههه

ماذا تعنى لك الكلمات الاتيه(الحب_الامل_الخيانه_الغدر)

الحب بجد كلمة صغيرة فى نطقها كبيرة فى معناها الحب دا مهما اوصفه موش هقدر

الحب يعنى ليا الامل التسامح التفاؤل المستقبل الحب دا من غيره ما اقدر اعيش

موش شرط الحب دا يكون لحبيب لالالا ممكن لاصحابى لقرايبى لاخواتى لوالدى والدتى بس من غيره مفيش حياة

الامل الامل طبعا مطلوب وخاصة اليومين اللى عايشينهم دوووول

انا الامل عندى يعنى ليا ان الطماطم سعرها هيرخص اليومين الجاييين دوووول هوا دا أملى ههههههههه

الخيانة والغدر الخيانه والغدر كلمات سهله جدا فى كتابتها صعبه جدا فى وصفها وربنا يبعدهم عن اللى ما جربهومش

وخيانة الصديق والله اصعب من خيانة الحبيب

الخيانة دى كانت بتعنى ليا كلمة واحدة خيانة = بنت يعنى الواحد كان صغير لسا

بس كل حاجه فيها الحلو والوحش واكتشفت ان الولد بيخون زى البنت تمام

والصديق ممكن يخون صاحبه لا موش ممكن لا بيخون فعلا

اذ يبقى البنت موش لواحدها اللى ممكن تخون وغيرت رأى طبعا

بس بجد الخيانه بتعنى ليا حاجات كتير جدا خيانه =غدر = غش = كدب = نفاق

صدقونى الحاجات دى كلها انا بعتبرها زى الخيانه بالظبط

وفى النهاية ربنا يبعد عننا غدر وخيانة الصديق لانهم اصل من الحبيب

ما هو السن المناسب لك للزواج؟

ليا انا ولا للى هتجوزها عموما ليا انا كنت متفق مع والدتى انى لو كنت نجحت السنا اللى قبل اللى فاتت

كنت هخطب وانا فى تانيه كلية

بس حصل لى حاجات شخصيه ومحصلش نصيب مع الانسانه دى دا غير اصلا ان انا سنتها ما نجحتش

فــأنا كان تفكيرى انى اخطب وانا فى الكلية واوال ما اخلص الكلية اتزوج على طوووول

بس يمكن اللى كان حصلى دا خير من ربنا

لانى عملت وقفه مع نفسى وفكرت كويس لقيت ان مستقبلى اهم من الزواج

فأنا دلوقتى مليش سن للزواج اخلص كليتى الاول وافكر فى مشروع وينجح بعد كدا ابقى افكر فى الزواج

وبعدين مفيش حد عارف ايه اللى مكتوبله انا بفكر لحياتى وبخططلها

وربنا اللى عاوزه هوا اللى بيكون

رساله حب لمن تهديها؟

رسالة الحب دى اهديها لاصدقائى واصحابى هنا فى المنتدى وبرا المنتدى هما اللى يستهلوها

والله كتبتها لحد تانى وبعد ما كتبتها مسحتها لانه ميستهلهاش

اصحابى هنا فى المنتدى وبرا المنتدى هما اللى يستاهلوا كل حاجه حلوه

هل انت راضى عن نفسك؟

لا طبعا والله ما انا راضى عن نفسى وبجد انا غيرت حاجات كتير فيا فيه حاجات اتغيرت للاحسن

وفيه حاجات اتغيرت طبعا للاوحش بس بجد والله بدأت احسن انى راضى عن نفسى

بس موش رضى كامل وبجد بتمنى لحظة انى اكون راضى عن نفسى

ربنا يهدينا جميعا ويبعدنا عن كل وحشة تغضبه

احوالك العاطفيه والشخصيه والمزاجيه؟

احوالى العاطفيه موش مستقره فيه حاجه خايفه منها فى احوالى العاطفيه دى

ربنا يسترها هههههههه وتعدى على خير

احوالى الشخصية الجيب فاضى والحمدلله قصدى عمران والحمدلله

يعنى احوالى الشخصية الى حد ما موش مستقره بردوووا والدى كان تعبان بقاله كام يوم

بس الحمدلله الوقتى الى حد ما بقى كويس شويه

اما بقى احوالى المزاجية دى مختلفه تماما والله اكتر وقت مخنوق ومضايق فيه هما اليومين دوووول

وبحاول ابعد عن المنتدى وعن كل اصحابى عشان ما ابينش لحد انى مخنوق

ومع ذلك لما بقابلهم بضحك وعااادى جدا كأن مفيش حاجه يعنى اقول انى احوالى المزاجية زى الز..

ما هى اصعب الاوقات التى مريت بها طوال حياتك؟

ايام ما كنت فى القاهرة وكنت اول سنه لسا اروحها وحصل حاجه

المهم فى اليوم كانت الشقه كل الى فيها تنين او تلاته

دخلت أوضتى بكيت بجد ومن قلبى والله اكتر من تلات ساعات قافل الاوضه عليا وببكى

المهم لحد ما نمت الحوار دا كان حاصل حوالى 1 بالليل ونمت حوالى الفجى

وبعدها يمكن فتره مدتها تزيد عن شهر او شهرين موش طايق انى اشوف بنت معديه حتى من الشارع

والله لدرجه انى لما كنت بروح بتنا كنت بروح بالليل انزل من لشقه على 10 بالليل

على ما اوصل اوصل على 1 او 2 يعنى عشان ما احاولش انى اشوف بنت

يعنى الواحد كان وقتها لسا دماغه صغيره بردووووا والحمدلله من نعم ربنا علينا النسيان

بجد اليوم دا اصعب يوم مر عليا فى حياتى كلها

من قدوتك فى الحياه؟

قدوتى فى الحياة الرسول (ص )

شخصيه صادفتها فى حياتك ومش قادر تمحيها من ذاكرتك؟

شخصية حد معين كنت اعرفه فى يوم من الايام الحد دا معاه بكالوريوس اداب عبرى

وكان بيعمل دبومة تربوى السنه اللى فاتت الحد دا اكبر منى سنتين الحد دا اكتر شخصية فى حياتى احترمتها ومازلت

للنهارده بحترمها جدا شخصية محترمه جدا الفروض فى ميعادها على خلق بجد شخصية محترمه

وموش قادر امحيها من ذاكرتى

اعظم قصه حب من وجهه نظرك ايه؟

خالد ورباب فى فيلم شورت وفانله وكاب ههههههههه

يعنى ضحت بأبوها وبلدها وكل حاجه فى مقابل انها تعيش مع حبيبها هههههههههه

لو معاك دبدوب وورده تهديهم لمين؟

الدبدوب والورده ههديهم لنور واحمد السقا ههههههههه لان الفيلم دا عجبنى بجد

ممكن تبعد عن شخص عزيز عندك لمجرد انه قالك عيبك بصراحه؟

لا والله انا اكتر انسان احبه فى حياتى اللى يقولى عيوبى يمكن بحس انه بيحبنى بجد

وعاوزنى اتغير للاحسنيبقى ليه هبعد عنه

اخبار الغيره ايه مع ناميلوس؟

موش هكدب عليكى انا راجل والراجل الحر اللى يغير على حبيبته على اهل بيته

دا غير ان فى نظرى الغيره انا بعتبرها حب

بس الغيره بحدود موش الغيره اللى تخنق بعنى ههههههههههههه

والغيره فى نظرى والله موش عدم ثقه لا انا بعتبرها حب وخوف

ايه احلامك وحققت منها ايه وايه لسه؟

احلامى انى اطلع دكتور او ظابط شرطه ههههههههههههه

وحققت منها ايه بقيت طيار ولسا ايه انى ابقى دكتور ههههههههههه

لا بجد احلامى انى اعيش مرتاح البال وارضى ربنا فى كل تصرفاتى

واكون انسان ناجح فى حياتى الشخصية والعملية والاقى بنت الحلال اللى بتعرف تطبخ ههههههههههه

اللى تصونى فى غيابى اكتر من وجودى

اكمل

حاضر يا ستى هههههههههههه

انا نادم على. انسان عرفته وهوا عارف نفسه كويس بجد اكتر حاجه ندمت عليها فى حياتى

هوا معرفتى بالحد دا حد كداب منافق بوشين حد ما يستاهلش انى اذكره اصلا

اشعر بالرحه لانى..راضى ابويا وامى اليومين دووول وبيدعولى

ساكون سعيد لو.حققت كل احلامى طبعا

الذى يشغل بال الان.مستقبلى وبس طبعا وانى الاقى البنت اللى بتعرف تطبخ هههههههههههه

عضو تقوله فينك..نور الحياة دموع القمر كريزى جيرل شاطئ الاحزان الجينيس دكتور برقش دوووف طبعا

ابصراحه كل اللى موش متواجد معانا بقوله فينك ووحشتنا كمان

عضو مشاغب.عبقرينو همس نورين انجيل جيرل صاصا ملكة الحزن ههههههه

عضو حساس.نورين وملكة الحزن وانجيل جيرل وهمس

عضو تعطيه سرك..ابراهيم فريد طبعا ودا غالبيه اسرارى معاه

وتيتو وعبقرينو والطيب وابو وديع وشاطئ الاحزان والجينيس

بصراحه المنتدى كله سرى معاه وسره معايا بردووو هههههههههه

ا
لقد اعطى لك الزمن فرصه ان تقول رساله قصيره

ماذا تقول بكل صراحه ل

والدك..ربنا يخليك ليا ويشفيك ويطولى فى عمرك وسامحنى على اى حاجه وحشه عملتها

وادعيلى ربنا يبعدنى عن اى حاجه تغضبه

والدتك.ربنا يطولى فى عمرها بجد انتى اكتر حد بيخاف عليا وبيحبنى اكتر من نفسه

بجد انا بنجح بدعواتك وبحس انى راضى عن نفسى لما برضيكى سامحينى يا ست الكل

لو ضايقتك او عملت حاجه تغضبك ودعواتك ليا يا ست الكل

اصدقائك المقربين..ربنا يهديكوا ويهدينى معاكوا وكل اللى بيحلم بحلم فيكوا يحققوا وتعيشوا حياة سعيده

طلاب الجامعه.. ربنا يوفقكوا وتنجحوا بجد السنا اللى الطالب بينزل فيها والله ما بيحس بقيمتها غير لما يبص

يلاقييه مع ناس كانوا بالنسباله اطفال فى يوم من الايام

دا غير المصاريف اللى بتضيع على الارض صدقونى

فرحت والدك ووالدتك بنجاحك بتهون عليهم اى فلوس صرفوها ومهما كان كترها

حتى لو انت اللى بتصرف على نفسك صدقنى هتحس بمتعه تانيه لما تنجح اخر السنا هتحس ان فلوسك كانت حلال

لهمس.ربنا يوفقك فى حياتك وتلاقي الانسان اللى يسعدك بجد ويحبك اكتر من حبك لنفسك

ويوفقك وتخلصى كليتك بتقدير وما دبلريش ولا سنه ههههههههههه

وتتعلمى الطبخ جايز قلبى يحن وافكر فيكى هههههههههههههههههههه

اكتر حد عمل فيك موقف صعب ولسه بتحبه؟

.........................................................

اكتر صديق لك طلع مش مخلص؟

صديق مفيش بس صاحب ممكن لان انا اعتبرته صديق بس الكلمة دى ما يستاهلهاش

لان موش صديق والكلمة دى كبيرة جدا عليه لان الخيانه متنفعش تطلع من صديق

بص يا محمد كفايه كده لان بصراحه انجيل ونورين مش سايبين اسئله اسئلها خالص

هههههههههه بعد كل دا وموش سايبين اسئله تسأليها أمال لو سايبين كنتى هتعمل ايه ههههههههه

وبصراحه انا غشه الاسئله دى علشان الكدب خيبه

يا باشا غشاها غشاها الاسئله ليها طعم تانى عشان انت اللى سألها هههههههههه

بس بجد بشكرك على تنسيقك للاسئلة دا غير الاسئله اللى انتى ضفتيها طبعا من دماغك

واللى خلتنى اتكلم بصراحه ومن قلبى

يالا بقى جاوب يا مان

جاوبت والحمدلله واللى عاوز يسأل أنا جاهز للاجابات

Capta!n T2 كتب:: بص يا مان لما تخلص الاسئله انتظرنى فى كام سؤال كدا

على الماش لان الاسئله مش سخنه كفايه ههههههههههههههههههههههه

واوعدك انك هتبقى لازم تكون صريح وانت عارف كابتن تيتو

ادعى ان الناس تنزلك الاسئله اللى فى دماغى بدل ما انا انزلها ههههههههههه

منتظرك يا تيتو هههههههههههه للكام سؤال اللى كدا دوووول

وسخنين باردين انت عارف ان ناميلوس ما بيهموش

وحوار لازم اكون صريح والله انا صريح فى كل اجاباتى

والاسئله اللى بحس انى ممكن اكدب فيها بفضل انى ما اجاوبهاش

يا عم من غير ما ادعى نزل اللى انت عاوزه بس انت حارف ايه اللى ممكن اجاوب عليه

وايه اللى ممكن ما اجوبش عليه فياريت تحط اسئله متضرنيش انى اقول احب احتفظ بإجابتها لنفسى

اظن انت فاهم قصدى ومنتظر اسئلتك يا برنس

حمد الله على سلامتك يا برنس

والف سلامه على والدك

واخيرا اسئلتى اتجاوب عليها هههههههههههههه

دا انا كنت فقد الامل هههههههههه

وميرسى ليك على الدعوه والامنيه الحلوين دول

واطمئن مسيرى فى يوم من الايام هتلعم اطبخ

بس قول يارب هههههههههههههه

ميرسى ليك يا محمد

بجد اجاباتك عجبتنى جدا

اية الحلوة دى ياناميلوس

شويت اجبات نموذجية

بس انت كدا مش هتتجوز خالص يابنى على متخلص كلية

وجيش وتشوف مشروع تكون راحت عليك

ههههههههههههههه

بص يا معلم خليك جرئ كدا وانا عارف انك ميهمكش طبعا يا غالى

بص يابرنس لاول مره تيتو مش هيعملها ويزود فى الاسئله لانك اتسئلت فى كتير

قولى بئا يا برنس

1- ايه اكتر يوم كنت خايف فيه ومكنش جايلك نوم من قلقك على حد غالى عليك ؟؟

هتقول هو مين ؟ وليه ؟؟

2- ايه اكتر يوم كنت خايف وقلقان فيه ومكنش جايلك نوم من موقف هيحصل ليك ؟؟

او مصيبه انت عملتها هههههههه ؟؟

3- اكتر يوم انت كنت فرحان فيه وكان نفسك اليوم اللى بعده يجى؟؟

4- اكتر يوم انت كنت فرحان فيه لموقف هيحصل لحد قريب منك وانت كنت فرحان ليه ؟؟

5- حد انت واثق انه مش بيحبك ومع ذلك بيكلمك عادى ؟؟

وتحب تقوله ايه وسطنا؟؟

6- نفسك تقول ايه ...ولمين دلوقتى .. سيبله رساله دلوقتى؟؟

كفايه كدا دلوقتى

ايه ياناميلوس الاجابات الجامده دى

اولا حمد الله ع سلامت باباك

ثانيا على رأى اتش هتروح عليك ياباشا ههههههههه

ثالثا ابقى قابلنى لو لقيت واحده بتعرف تطبخ ههههههه

يابنى البنت تفضل تدرس وتتعلم واول ماتخلص تتجوز علطول

يعنى هتفضى امتى علشان تتعلم الطبخ وبرضوا ادعيلك يارب تلاقيها(ما اظنش ههههه)

تيتو الكام سؤال دول جامدين موت ربنا معاه هههههههه

ربنا يخليكى انجيل بس ادعى انه يدخل بئا وينجز

ويجاوب بس ميقولش نو كومنت ههههههههههه

hhhhhhh nooo y tito

ana 7asa an namilos

mosh ygawb 3leha

yarab ydokhl b2a

Hams كتب:: حمد الله على سلامتك يا برنس

والف سلامه على والدك

واخيرا اسئلتى اتجاوب عليها هههههههههههههه

دا انا كنت فقد الامل هههههههههه

وميرسى ليك على الدعوه والامنيه الحلوين دول

واطمئن مسيرى فى يوم من الايام هتلعم اطبخ

بس قول يارب هههههههههههههه

ميرسى ليك يا محمد

بجد اجاباتك عجبتنى جدا

الله يسلمك يا همس والحمدلله ان اسألتك اتجاوبت

ولازم يكون عندك امل ههههههه وثناء كمان

ايوه كدا اتعلمى الطيخ جايز افكر واتجوزك هههههههههههه

ويا باشا ميرسى ليكى انتى على المجامله الجميله دى

وبجد والله اكتر يومين كنت مخنوق فيهم اليومين اللى فاتوا دووول

واكتر يومين كنت مشغول فيهم جدا

عموما انا رجعت تانى واى حد عاوز يسأل يتفضل انا منتظر اسألته

وجارى الاجابه على اسئلة تيتو وربنا يسترها

» اعضاء سيتم حذفهم من المنتدى قريبا ...!!!!!
» الي اذكي اعضاء المنتدي
» هل انت مستعد للتبرع بعضو من اعضاء جسدك ..... ولو؟
» ادخل وقول رائيك فى اعضاء ناميلوس
» لماذا يصعب علينا الاعتراف بالحب‏ ؟؟؟ تساؤلات كثيره ادخل وجاوب عليها !!!!!!